العاشقى كەزەڭدەردە ونداعان جوبا 10 ميلليون تەڭگەدەن, ال ءبىر ستارتاپتى ماسشتابتاۋعا 140 ميلليون تەڭگەگە دەيىن الادى.
يننوۆاتسيالىق گرانتتار بەرۋ پروتسەسى قايتا قارالاتىنىن اتاپ ءوتۋ قاجەت. جۇرگىزىلگەن تالداۋ قورىتىندىسى بويىنشا گرانتتىق قولداۋ ساياساتىن ءداستۇرلى مودەلدەن ۆەنچۋرلىك جۇيە تاسىلدەرىنە وزگەرتۋ تۋرالى شەشىم قابىلداندى.
تەحنولوگيالىق دامۋ جونىندەگى ۇلتتىق اگەنتتىكتىڭ (تدۇا) بۇرىنعى ەرەجەلەرىنە سايكەس ءىرى كومپانيالاردىڭ گرانتتىق قولداۋ الۋ مۇمكىندىگى جوعارى بولدى. الايدا, ولار شاعىن جانە ورتا بيزنەس وكىلدەرىن قاراستىرمادى.
ەندى, اۋديتوريانىڭ نازارى كەڭەيتىلدى جانە قازىرگى مودەلدە گرانتتاردى شوب وكىلدەرى مەن MVP (ەڭ از ومىرشەڭ ءونىم) ساتىسىنداعى جوبالارى بار ستارتاپتار الا الادى. قازاقستان اۋماعىندا يننوۆاتسيالىق تەحنولوگيا مەن كوممەرتسيالىق الەۋەتى بار پەرسپەكتيۆالى ءونىم جاسايدى. بۇل رەتتە, گرانت الۋشىنىڭ كومانداسىندا كەمىندە ءۇش بىلىكتى مامان بولۋى ءتيىس.
سونىمەن قاتار, قارجىلاندىرۋ ۇلەسى ارتۋدا – يننوۆاتسيالىق گرانت تەحنولوگيانى كوممەرتسيالاندىرۋعا جۇمسالاتىن جالپى شىعىستاردىڭ 90%-ىن, ال جيىنتىق ماندە 150 ميلليون تەڭگەگە دەيىن جابا الادى. بۇرىن قارجىلاندىرۋدىڭ تەك 50% مۇمكىندىگى بولعان.
جاڭا مودەلدە گرانت الۋشىلار وزدەرىنە كەلەسى مىندەتتەمەلەردى الادى: گرانت قاراجاتىن يگەرگەننەن كەيىن ءۇش جىل ىشىندە جوبانىڭ جالپى سوماسىنىڭ كەمىندە 10%-ىن قوسا قارجىلاندىرۋدى تارتۋ, بۇل رەتتە ساتۋ كولەمى يننوۆاتسيالىق گرانت سوماسىنىڭ كەمىندە 10%-ىن قۇراۋى ءتيىس. سونداي-اق مەملەكەتتىك رەسۋرستاردى جوسىقسىز پايدالانۋدى بولدىرماۋ ماقساتىندا گرانت الۋشىلار تاراپىنان مىندەتتەمەلەردى ساپاسىز نەمەسە ۋاقتىلى ورىنداماعانى ءۇشىن جاۋاپكەرشىلىك - قاراجاتتى كەرى قايتارۋ جانە ايىپپۇلدار كوزدەلەدى.
بۇدان باسقا, گرانت بەرۋ مەرزىمى الدىڭعى فورماتتا 83 جۇمىس كۇنى ىشىندە شەشىم قابىلدانسا, ال قازىر 45 جۇمىس كۇنىنە دەيىن قىسقارتىلدى. قۇجاتتاردى قابىلداۋ پروتسەسى تولىعىمەن اۆتوماتتاندىرىلادى. ساۋالنامالاردى قاراۋ, شەشىم قابىلداۋ, جوبالاردى سۇيەمەلدەۋ جانە مىندەتتەمەلەردىڭ ورىندالۋىن قاداعالاۋ ەندى كوميسسيا ەمەس, كەڭەس – QazInnovations جانىنداعى القالى ورگان بولادى. كەڭەس پەن كوميسسيانىڭ نەگىزگى ايىرماشىلىعى – تۇراقتىلىعى, قۇزىرەتتىلىگى جانە مەنتورلىق كومەك كورسەتۋ مۇمكىندىگى. كەڭەستى ەڭ الدىمەن يننوۆاتسيالىق ەكوجۇيەنىڭ ءوزىن دامىتۋعا مۇددەلى كوممەرتسيالاندىرۋ جانە ينۆەستيتسيالاۋ تاجىريبەسى بار تاۋەلسىز وتاندىق ساراپشىلار قۇرايدى.
