مەديتسينا • 01 اقپان، 2021

ۆاكتسيناتسيادان كەيىن قانداي سيمپتومدار بولۋى مۇمكىن؟

1609 رەت كورسەتىلدى

نۇر-سۇلتان قالالى قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ كوروناۆيرۋسقا قارسى ۆاكتسينا سالدىرعاننان كەيىن قانداي اسەرلەر بولۋى مۇمكىندىگىن ءتۇسىندىردى، دەپ حابارلايدى Egemen.kz

«قانداي ۆاكتسينا سالدىرساق تا، ءدارى ەكتىرسەك تە ونىڭ ادام اعزاسىنا ءارتۇرلى اسەرى بولۋى مۇمكىن. ياعني، ەكپە جاساتقان جەر اۋىرسىنىپ قىزارادى. بۇعان قوسا، جالپى اعزانىڭ رەاكتسياسى بولىپ، كەي ادامدا دەنە قىزۋى كوتەرىلىپ، السىزدىك پايدا بولۋى مۇمكىن. مۇنىڭ بارلىعى ادام اعزاسىنا بايلانىستى»، دەدى ول ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا.

تيمۋر مۇراتوۆتىڭ ايتۋىنشا، ۆاكتسيناتسيا جاساتقان ادامنىڭ قولىنا جادىناما بەرىلەدى. وندا ەكپە سالدىرعاننان كەيىن بارلىق كورسەتىلىمدەر تولىقتاي جازىلعان.

«ۆاكتسيناتسيادان كەيىن 3 كۇن بويى ىشىمدىك ىشۋگە، تەمەكى شەشۋگە بولمايدى. مونشاعا تۇسۋگە جانە سۋىق تيگىزۋگە بولمايتىندىعىن دا ناۋقاستارعا تۇسىندىرەمىز. ءوزىم بۇگىن تاڭەرتەڭگى ساعات 10:00-دە ۆاكتسينا سالدىردىم. قازىر جاعدايىم جاقسى، ماعان دا ءتۇسىندىردى. سونىمەن قاتار بۇل پروتسەسس تسيرفلاندىرىلعان. كەيىن سىزگە سمس حابارلاما كەلەدى. وندا ءوزىمدى قالاي ۇستاۋىم كەرەكتىگى جانە 21 اقپاندا ەكىنشى كومپونەنتتى الۋعا كەلۋىم تيىستىگى ەسكەرتىلگەن»، تيمۋر مۇراتوۆ.

سوڭعى جاڭالىقتار

ۇقساس جاڭالىقتار