فوتو اۆتورى: بەرەكە سەيىتجاپپار
شىمكەنت قالاسىنىڭ اكىمى مۇرات ايتەنوۆ قالاداعى ۆاكتسينا قابىلداعان العاشقىلارىنىڭ ءبىرى بولدى. №3 ەمحاناعا بارىپ, ەكپە الدىندا دارىگەرگە تەكسەرىلدى. قارسى كورسەتكىشتەر انىقتالماعاندىقتان, ەرىكتى تۇردە ۆاكتسينا سالدىردى. قازىرگى تاڭدا دەنساۋلىق جاعدايى جاقسى.
«سپۋتنيك-V» ۆاكتسيناسىنىڭ 1000 دوزاسى قالالىق قان ورتالىعىنداعى مۇزداتقىش كامەرالاردا ۋاقىتشا ساقتاۋ ءۇشىن ورنالاستىرىلىپ, بۇگىن تاڭعى ساعات التىدا ءتورت ەمحاناعا جەتكىزىلدى. ەكپە ەگۋ جۇمىستارىن جۇرگىزۋ ءۇشىن قالاداعى ەمحانالاردىڭ بازاسىندا 4 ۆاكتسيناتسيا كابينەتى ۇيىمداستىرىلىپ, ۆاكتسينالاردى ساقتاۋعا ارنالعان مۇزداتقىشتار ورناتىلعان.
ەرىكتى تۇردە ۆاكتسينا ەگۋ ءۇشىن مەديتسينا قىزمەتكەرىنىڭ ءتىزىمى قالىپتاستىرىلعان. سونىمەن قاتار مەديتسينا قىزمەتكەرلەرى ءۇشىن ۆاكتسيناتسيالاۋ بويىنشا سەمينار-ترەنيگتەر وتكىزىلىپ, قاجەتتى مەديتسينا قىزمەتكەرىلەرىنىڭ بارلىعى وقىتۋدان ءوتتى.
ۆاكتسيناتسيالاۋعا پروفيلاكتيكالىق ەگۋگە قارسى كورسەتكىشتەرى جوق ادامدار جىبەرىلەدى. ۆاكتسيناتسيا الدىندا دارىگەر ەگۋگە كەلگەن ادامدى مىندەتتى تۇردە تەكسەرەدى.
ايتا كەتۋ كەرەك, ۆاكتسيناتسيا كوروناۆيرۋستىڭ ودان ءارى تارالۋىنا جول بەرمەيدى جانە قاتاڭ لوكداۋننىڭ جالعىز بالاماسى.
