ازاماتتاردى قابىلداۋدى 2 اقپاندا دەپۋتات قاينار اباسوۆ باستاسا, 4 اقپاندا - سىرىم ادامباەۆ, 9 اقپاندا - تىلەكتەس ادامبەكوۆ, 11 اقپاندا - ءمادي احمەتوۆ, 16 اقپاندا - سامات اقىشەۆ, 18 اقپاندا - ءاليا ابسەمەتوۆا, 23 اقپاندا - دانيار الىمباەۆ, 25 اقپاندا - عالىم امىرەەۆ وتكىزەدى.
سونداي-اق «Nur Otan» پارتياسىنىڭ رەسپۋبليكالىق قوعامدىق قابىلداۋ بولمەسىندە اقپان ايىندا بىرقاتار ۇكىمەت مۇشەسى دە ازاماتتاردى قابىلدايدى.
3 اقپان - قارجى ءمينيسترى ەرۇلان جاماۋباەۆ, 5 اقپان - مادەنيەت جانە سپورت ءمينيسترى اقتوتى رايىمقۇلوۆا, 17 اقپان - ءبىلىم جانە عىلىم ءمينيسترى اسحات ايماعامبەتوۆ, 18 اقپان – پرەمەر-ءمينيستردىڭ ورىنباسارى - سىرتقى ىستەر ءمينيسترى مۇحتار تىلەۋبەردى, 19 اقپان - ەكولوگيا, گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ, 24 اقپان - ۇلتتىق ەكونوميكا ءمينيسترى اسەت ەرعاليەۆ, 25 اقپان - ساۋدا جانە ينتەگراتسيا ءمينيسترى باقىت سۇلتانوۆ جانە 26 اقپان - ەنەرگەتيكا ءمينيسترى نۇرلان نوعاەۆ ازاماتتاردى قابىلدايدى.
قابىلداۋعا جازىلۋ ءۇشىن تومەندەگى نومىرلەرگە حابارلاسۋ كەرەك:
1. Call-ورتالىق 8 800 080 4441 (قازاقستان بويىنشا قوڭىراۋ شالۋ تەگىن);
2. Whatsapp 8700 800 4441
3. komek@nurotan.kz
ايتا كەتۋ كەرەك, وتكەن جىلى «Nur Otan» پارتياسىنىڭ قوعامدىق قابىلداۋ بولمەسىنە ەلىمىز بويىنشا 393 مىڭنان اسا ءوتىنىش كەلىپ ءتۇستى. بۇل – 2019 جىلمەن سالىستىرعاندا 2 ەسە كوپ. بۇل رەتتە سوڭعى 5 جىلدا پارتياعا 1,2 ملن ادام جۇگىندى, ونىڭ ىشىندە 423 مىڭنان استامى – ونلاين فورماتتا. ولاردىڭ 92% وڭ شەشىمىن تاپتى, تەگىن كونسۋلتاتيۆتىك, قۇقىقتىق جانە وزگە دە كومەك كورسەتىلدى.
تالداۋ كورسەتكەندەي, حالىقتى نەگىزىنەن الەۋمەتتىك قامسىزداندىرۋ – 30%, تۇرعىن ءۇي-كوممۋنالدىق شارۋاشىلىق – 16%, تۇرعىن ۇيمەن قامتاماسىز ەتۋ – 15%, ەڭبەك داۋلارى – 14%, قۇرىلىس – 9%, ءبىلىم بەرۋ – 9%, مەديتسينالىق قىزمەت كورسەتۋ – 7% ماسەلەلەرى الاڭداتتى.
