بيىل قىزىلوردا وبلىسىنداعى «قايسار» فۋتبول كوماناداسىنا 45 جىل. وسى ارالىققا دەيىن قول جەكىزگەن جەتىستىكتەرى دە بار. بۇل تۋرالى «حابار» تەلەارناسى حابارلادى.
جەتىستىكپەن قاتار قوردالانعان ءتۇيىندى تۇيتكىلدىڭ بولعانى جاسىرىن ەمەس. كلۋب ويىنشىلارى الدىنداعى قارىزى سالدارىنان قازاقستان چەمپيوناتىنىڭ پرەمەر-ليگاسىنا قاتىسا المادى. الايدا, وبلىس اكىمدىگىنىڭ قولداۋ كورسەتۋى ناتيجەسىندە بيۋدەجەتتەن تىس تۇسكەن قاراجاتتار ارقىلى قارىزدار تولىعىمەن وتەلگەن. وبلىس اكىمى قىرىمبەك كوشەرباەۆ فۋتبولشىلاردىڭ جاعدايىن جاقسارتۋ ماقساتىندا اۆتوبۋستاردىڭ بولىنۋىنە دە ىقپال جاسادى. مۇنان وزگە, ويىنشىلاردىڭ شەبەرلىگىن شىڭداۋ ماقساتىندا شەتەلدەگى وقۋ-جاتتىعۋعا قاتىسۋعا مۇمكىندىك بەرىلدى.
تۋرنير كەستەسىنە زەر سالساق, كوماندا جاتتىعۋ جۇمىستارىن جوسپارعا ساي جۇرگىزدى. بيىلعى جىلدىڭ قورىتىندىسى بويىنشا كلۋب 34 ويىن وتكىزىپ, ونىڭ 23-ءى ۇتىس, 3 ويىنى ۇتىلىس, 8-ءى تەڭ اياقتالعان. جالپى, بىرىنشىلىك قورىتىندىسىمەن 74 ۇپاي جيناعان «قايسار» فۋتبول كومانداسى ءبىرىنشى ليگانىڭ چەمپيونى اتاندى. سونداي-اق, كەلەر ماۋسىمداعى پرەمەر-ليگاعا جولداما الدى.
بۇرىنعى ولقىلىقتى قايتالاماس ءۇشىن كلۋبقا بولىنگەن قاراجاتقا قاتاڭ باقىلاۋ ورناتىلدى. سونىڭ ناتيجەسىندە 40 ملن. تەڭگە ۇنەمدەلگەن. قازىرگى كەزدە كلۋب عيماراتىنا جۇرگىزىلىپ جاتقان جاڭعىرتۋ جۇمىستارى اياقتالىپ قالدى.
باقىتبەك كەنەش ۇلى.
دەرەككوز: «حابار» تەلەارناسى.
فوتو: Vesti.kz
