قازاقستان رەسپۋبليكاسىنىڭ كاسىپكەرلىك جانە سالىق كودەكستەرىنە بيزنەس ورتانى جاقسارتۋعا جانە ينۆەستيتسيالىق ىنتالاندىرۋدى كەڭەيتۋگە باعىتتالعان بىرقاتار تۇزەتۋ ەنگىزىلدى. ۇكىمەت سونداي-اق ينۆەستيتسيالار تۋرالى كەلىسىمدەر ءۇشىن سالالاردىڭ باسىم تۇرلەرىن ايقىندادى. سونداي-اق ينۆەستورلار مەن ۇكىمەت ءاربىر جوبا ءۇشىن پرەفەرەنتسيالار پاكەتىن بەرۋدىڭ اتاۋلى ءتارتىبى تۋرالى ورتاق كەلىسىمگە كەلۋگە مۇمكىندىك بەرەتىن نورمالار بەكىتىلدى.
كەلىسىم ءۇشىن سالىق جانە ەڭبەك زاڭناماسىنىڭ نورمالارىنا ەرەكشە نازار اۋدارا وتىرىپ, 25 جىل مەرزىمدەگى زاڭنامانىڭ تۇراقتىلىعى كوزدەلگەن.
ينۆەستيتسيالار تۋرالى كەلىسىم فارماتسەۆتيكا, اۋىل شارۋاشىلىعى, تاماق ونىمدەرىن, مەديتسينالىق بۇيىمداردى ءوندىرۋ جانە ت.ب. سياقتى ستراتەگيالىق ماڭىزدى سالالاردا كەمىندە 7,5 ملن اەك ($51 ملن) مولشەرىندەگى ينۆەستيتسيالار كولەمىن كوزدەيتىن ءىرى جوبالاردى ءتيىمدى ىسكە اسىرۋ مۇمكىندىگىن اشادى. قولدانىستاعى ينۆەستيتسيالىق كەلىسىم-شارتتان ايىرماشىلىعى, ءىرى ينۆەستورلار ۇلگىلى نەمەسە ستاندارتتى نىساندى ساقتاماي, ۇكىمەتپەن كەلىسىمدەر جاساي الادى. ۇسىنۋ ءتارتىبى مەن قولداۋ قۇرالدارى دا كەلىسىمدە جەكە بەلگىلەنەتىن بولادى.
ينۆەستيتسيالار تۋرالى كەلىسىم شەڭبەرىندە ستراتەگيالىق ينۆەستورلار كورپوراتيۆتىك تابىس سالىعىنا, م ۇلىك سالىعىنا, جەر سالىعىنا, سونداي-اق, ەگەر جوبا اەا اۋماعىندا ىسكە اسىرىلاتىن بولسا, قوسىلعان قۇن سالىعىنا قاتىستى سالىقتىق كانيكۋلداردى الا الادى. سونىمەن قاتار ينۆەستورلار سالىق مىندەتتەمەلەرىن 20 پايىزعا دەيىن تومەندەتۋى مۇمكىن. سالىقتىق دەمالىستان باسقا, مەملەكەت ينۆەستورلارعا قۇرىلىس-مونتاجداۋ جۇمىستارى مەن جابدىقتاردى ساتىپ الۋ قۇنىنىڭ 20%-نا دەيىن وتەيتىن بولادى.
ايتا كەتۋ كەرەك, ينۆەستيتسيالار تۋرالى كەلىسىم شەڭبەرىندە سالىقتار بويىنشا پرەفەرەنتسيالار الۋعا تىيىم سالۋ جەر قويناۋىن پايدالانۋشىلار مەن اكتسيزدەلەتىن تاۋارلاردى وندىرۋشىلەر ءۇشىن كوزدەلگەن.
