28 قاڭتاردا ساعات 19:00 شاماسىندا ارعىنبەكوۆ پەن قازيەۆ كوشەلەرىنىڭ قيىلىسىندا كەزەكشىلىكتە تۇرعان شىمكەنت قالاسىنىڭ پوليتسيا دەپارتامەنتى پاترۋلدىك پوليتسيا پولكىنىڭ 7-روتا №942-ءشى اۆتوەكيپاجىنىڭ قىزمەتكەرلەرىنە ازاماتتار كەلىپ, دەندروپاركتا ءوز وزىنە قول جۇمساماقشى دوستارىن ىزدەپ جۇرگەندەرىن حابارلادى. حابارلاما بويىنشا پاترۋلدىك پوليتسيا پولكىنىڭ ەكى اۆتوەكيپاجى ساياباققا كەلىپ, بۇكىل اۋماقتى جەدەل ارالاي باستادى. پوليتسيا قىزمەتكەرلەرى جىگىتتى بەسەدكانىڭ جانىنان تاۋىپ, ونىمەن سويلەسە باستاعان.
ءتارتىپ ساقشىلارى جىگىتكە بارىنشا جاقىنداعان كەزدە, ول بەسەدكانىڭ قورشاۋىنا كوتەرىلىپ, موينىنا ءجىپ ءىلىپ, سەكىرەدى. جەدەل قيمىلداعان پوليتسيا قىزمەتكەرلەرى اليبەك اسىلبەكوۆ, تۇرار مولداحوجاەۆ, مۇحيت ۋتەۋليەۆ جانە ەسكەندىر ابدۋكاريموۆ ونى كوتەرىپ, ءجىپتى ءۇزىپ, تومەن تۇسىرەدى. ازامات اۋرۋحاناعا جەتكىزىلدى. تەكسەرۋ بارىسىندا جىگىتتىڭ بۇل قادامعا بارۋىنا قىزىمەن جانجالداسۋى سەبەپ بولعانى انىقتالدى.
