ا. بالاەۆا اتاپ وتكەندەي, مەملەكەت بارلىق نارىق سۋبەكتىلەرى سياقتى, 2020 جىلى اۋىر داعدارىستا بولعان باق-قا اسا قاجەتتى قولداۋىن كورسەتتى.
كوروناۆيرۋستىڭ العاشقى تولقىنى كەزىندە حالىقتى ۋاقىتىلى اقپاراتتاندىرۋ بويىنشا ۇلكەن جۇمىس جۇرگىزىلدى. stopfake.kz جانە coronavirus2020.kz سايتتارىندا كۆي-ءدىڭ دامۋ قارقىنى مەن اۋقىمى تۋرالى حالىقتى ۇنەمى حاباردار ەتىپ وتىردى. بۇل جۇمىس بۇگىنگى كۇنگە دەيىن ءساتتى جالعاسۋدا.
«وسىلايشا, اقپارات سالاسىندا ءبىز ساباقتاستىقتى ساقتاپ قانا قويماي, سونىمەن قاتار مەملەكەتتىك اقپاراتتىق ساياساتتى ىسكە اسىرۋدا نەعۇرلىم جۇيەلى تاسىلگە ىقپال ەتەتىن بىرقاتار ماڭىزدى شەشىمدەر قابىلداي الدىق», — دەدى ا. بالاەۆا.
بىرقاتار جاڭا اقپاراتتىق جوبا ىسكە قوسىلدى. ابايدىڭ 175 جىلدىعىن مەرەكەلەۋ اياسىندا Abai TV تەلەارناسى ءوز جۇمىسىن باستادى. مەملەكەتتىك ورگانداردىڭ قىزمەتى تۋرالى حالىقتى ساپالى اقپاراتتاندىرۋ ماقساتىندا ەكى پورتال ىسكە قوسىلدى
مينيستر حابارلاعانداي, وتكەن جىلى مينيسترلىك جۋرناليستەردىڭ بىلىكتىلىگىن ارتتىرۋعا جانە قايتا دايارلاۋعا, سونداي-اق سالالىق جۋرناليستيكانى دامىتۋعا كىرىستى. قازىر بۇل جۇزەگە اسىرىلۋدا.
«8 اقپاننان باستاپ العاشقى 50 جۋرناليست س. اسپاندياروۆ اتىنداعى قازۇمۋ بازاسىندا مەديتسينالىق تاقىرىپتا ماماندانا باستايدى. 15 اقپاننان باستاپ كەمىندە 50 جۋرناليست ل. گۋميلەۆ اتىنداعى ەۇۋ بازاسىندا ءدىن سالاسىنداعى بىلىمدەرىن جەتىلدىرەتىن بولادى. ال 22 اقپاننان باستاپ تاعى 50 جۋرناليست ءۇشىن ءال-فارابي اتىنداعى قازۇۋ بازاسىندا ەكولوگيالىق تاقىرىپ بويىنشا ساباقتار باستالادى اگرارلىق, قۇقىقتىق, ەكونوميكالىق جانە الەۋمەتتىك-ەڭبەك سالالارىنداعى باسقا دا جوعارى وقۋ ورىندارىمەن وسىنداي جۇمىس جۇرگىزىلەتىن بولادى», — دەدى ا. بالاەۆا.
مينيستر مەملەكەتتىك اقپاراتتىق تاپسىرىستى ۇسىنۋدىڭ جاڭا ەرەجەلەرى بويىنشا جۇرگىزىلىپ جاتقان جۇمىستى, ال بولاشاقتا باق تۋرالى ساپالى جاڭا زاڭ قابىلداۋ كوزدەلىپ وتىرعانىن اتاپ ءوتتى. مۇنداعى تۇپكى ماقسات — مەملەكەتتىڭ بىرىڭعاي اقپاراتتىق ساياساتىنىڭ زاڭمەن قامتاماسىز ەتىلگەن تەتىكتەرىن قالىپتاستىرۋ.
«بيىلعى جىلى زاڭ جوباسىنىڭ تۇجىرىمداماسى 2022 جىلدىڭ وزىندە-اق باق تۋرالى جاڭا زاڭ ازىرلەپ, قابىلداۋ ءۇشىن كەڭىنەن تالقىلانادى دەپ ويلايمىن. ال بيىل دا ءبىزدىڭ الدىمىزدا ماڭىزدى مىندەتتەر تۇر», — دەدى ا. بالاەۆا.
ولاردىڭ ىشىندەگى ەڭ ماڭىزدىلارى — مەملەكەتتىڭ اقپاراتتىق قاۋىپسىزدىگىن قامتاماسىز ەتۋ جانە اقپاراتتىق-يدەولوگيالىق جۇمىس. باعىتتاردىڭ ءبىرى رەتىندە شەكارا ماڭى اۋماقتارى بويىنشا جۇمىس باستالدى. وندا بۇل ماسەلە ءاردايىم وزەكتى بولدى. شەكارا ماڭىنداعى اۋماقتاردا مەملەكەتتىك راديوحابار تاراتۋ جەلىسىن دامىتۋ جونىندەگى جول كارتاسى ازىرلەندى. راديوجيىلىكتەرگە كونكۋرس جاريالاندى. اقپاراتتىق-تالدامالىق باعىتتاعى باعدارلامالار باسىم تارتىپپەن قارالاتىنى تۇسىنىكتى.
تەلەارنالارداعى وتاندىق اقپاراتتىق كونتەنتتىڭ ۇلەسىن ارتتىرۋ دا ماڭىزدى مىندەت بولىپ وتىر.
«وتكەن جىلى ءبىز شەتەلدىك كونتەنتتى 30%-عا تومەندەتتىك جانە بۇل جۇمىس بيىلعى جىلى دا جالعاساتىن بولادى. بۇل رەتتە ءبىز وندىرىلەتىن تەلەۆيزيالىق كونتەنتتىڭ ساپاسىنا باستى نازار اۋدارۋعا ءتيىسپىز. كەلەسى باسىمدىق رەتىندە بىرىڭعاي اقپاراتتىق-يدەولوگيالىق تۇراقتىلىقتىڭ قالىپتاسۋىنا ىقپال ەتەتىن ناقتى تەتىكتەر ازىرلەنۋى ءتيىس وڭىرلەردە اقپاراتتىق جۇمىستى ۇيلەستىرۋدى كۇشەيتۋدى اتاپ وتكىم كەلەدى. ياعني, ىسكە قوسىلعان جوبالاردى دامىتۋدى جالعاستىرىپ قانا قويماي, بۇرىن جوسپارلانعان كەيستەردى ءىس جۇزىندە جۇزەگە اسىرۋعا نازار اۋدارىپ, جاڭا وزەكتى باستامالاردى ازىرلەپ, ۇسىنۋ قاجەت», — دەدى اقپارات جانە قوعامدىق دامۋ ءمينيسترى.
سونىمەن قاتار, وتكەن جىلى ازاماتتىق قوعام ينستيتۋتتارىمەن جۇمىستى ساپالى جاڭا دەڭگەيگە كوتەرۋگە مۇمكىندىك تۋدى.
«بۇل ءبىزدىڭ جۇمىسىمىزدا قولدانعان كەرى بايلانىس مەحانيزمدەرىنىڭ ارقاسىندا مۇمكىن بولدى. ولار وتە كوپ. ءبىر عانا مىسال كەلتىرەيىن: العاشقى كۇننەن باستاپ ءبىز مينيسترلىك جانىندا تۇراقتى جۇمىس ىستەيتىن دوڭگەلەك ۇستەل قۇردىق. وندا قوعامدى تولعاندىراتىن ەڭ وزەكتى ماسەلەلەر تالقىلانىپ قانا قويماي, سونداي-اق وتە پايدالى جانە قاجەتتى ازاماتتىق باستامالار پىسىقتالادى», — دەدى ا. بالاەۆا.
بۇل باستامالاردىڭ ومىرشەڭدىگىن 2020 جىلى ەرەكشە مازمۇندى وتكەن ءىح ازاماتتىق فورۋمنىڭ جۇمىسى دا دالەلدەدى. ۇەۇ-دان تۇسكەن ۇسىنىستار پاكەتى شەڭبەرىندە فورۋمنىڭ ۇسىنىمدارىن ىسكە اسىرۋ ماقساتىندا گرانتتىق قارجىلاندىرۋدىڭ جاڭا قاعيدالارىن ازىرلەۋ اياقتالدى. ولاردىڭ ايتۋىنشا, الەۋمەتتىك جوبالاردى شىعارماشىلىق تۇرعىدان جۇزەگە اسىرۋ ءۇشىن قاجەتسىز بيۋروكراتيالىق كىدىرىستەر مەن كەدەرگىلەرگە قاتىستى كوپتەگەن ماسەلەلەر شەشىلدى. وسى جىلدىڭ مىندەتى — ازاماتتىق قوعام وكىلدەرىمەن تىعىز سەرىكتەستىك جاعدايىندا اتالعان قۇجاتتى ءتيىمدى ىسكە اسىرۋ.
ءمينيستردىڭ ايتۋىنشا, اعىمداعى جىلى دەڭگەيدى, سونىڭ ناتيجەسىندە — تيىمدىلىكتى كوتەرۋ كەرەك. سونىمەن قاتار, پاندەميامەن كۇرەسۋدىڭ تاعى سونداي قيىن جاعدايلارىندا جۇمىس ىستەۋ كەرەك بولادى, ال قيىندىقتار مەن مىندەتتەر ارتا تۇسۋدە.
