كوپشىلىك جۇرت حالىققا قىزمەت كورسەتۋ ورتالىقتارى ازاماتتاردان قۇجاتتاردى قابىلداپ, دايىن قۇجاتتاردى بەرىپ وتىراتىن, ۋاكىلەتتى ورگاندار مەن حالىق اراسىنداعى ءبىر تەرەزەدەن قىزمەت كورسەتەتىن ورىن ەكەنىن تۇسىنە بەرمەيدى. قىزمەتتەردىڭ 80 پروتسەنتى ەلەكتروندىق نۇسقادا كورسەتىلۋىنە بايلانىستى دا ورىن الىپ جاتقان تەحنيكالىق اقاۋلار ءۇشىن حقو-نى جازعىرىپ جاتادى.
سوڭعى كەزدەگى ءجيى كەزدەسەتىن ماسەلەلەر – پاتەرىندە نەمەسە ۇيىندە وزگە ادامداردىڭ نەمەسە ءۇي يەلەرىنىڭ وزدەرىنىڭ وزگە مەكەنجايدا تىركەلگەن بولىپ شىعۋ فاكتىلەرى, 14 جاسقا دەيىنگى بالالاردى تىركەمەسە دە بولاتىنى جايلى جاڭا ەرەجەلەردى ەسكەرمەي, تىركەۋدى تالاپ ەتىپ, ونىسى ورىندالماسا شاعىم جازاتىنداردىڭ كوبەيۋى. فيليال ماماندارى بۇل ماسەلەلەردى حالىققا ءتۇسىندىرۋ جۇمىستارىن جۇرگىزىپ وتىر. دەگەنمەن, حقو-لاردا قىزمەت كورسەتىپ وتىرعان ميگراتسيالىق پوليتسيا قىزمەتىنىڭ ماماندارى تاراپىنان دا تۇسىنبەۋشىلىكتەر كەزدەسىپ جاتادى. وسى ماسەلەلەردى بىرلەسە شەشۋ ماقساتىندا, حالىققا ءتۇسىندىرۋ جۇمىستارىن جۇرگىزۋ ماقساتىندا, فيليال ديرەكتورى دانيار قىرىقباەۆ ميگراتسيالىق پوليتسيا قىزمەتىنىڭ ماماندارىمەن بىرگە مەدەۋ, بوستاندىق جانە اۋەزوۆ اۋداندىق فرونت-وفيستەرىندەگى قىزمەت الۋشىلارمەن سويلەسىپ, مۇڭ-مۇقتاجىن, پىكىر-ۇسىنىستارىن تىڭدادى, مەملەكەتتىك قىزمەتتەردى الۋ جولدارىن ءتۇسىندىردى. فرونت وفيستەر مەن قىزمەت الۋشىلاردىڭ سانيتارلىق تالاپتاردى ورىنداۋ بارىسىن كوردى.
