ۇسىپبەكوۆ بۇگىنگە دەيىن باس باپكەر مىندەتىن اتقارعان اندرەي گلۋششەنكونىڭ ورنىن باستى. بۇعان دەيىن ول جاسوسپىرىمدەر قۇراماسىندا جاتتىقتىرۋشىلىق قىزمەتتە بولعان. نۇرجان باقىت ۇلى ۇسىپبەكوۆ ترياتلوننان سپورت شەبەرى ءارى قازاقستان چەمپيوناتتارىنىڭ جۇلدەگەرى. باپكەرلىك قىزمەتتەگى ەڭبەك ءوتىلى 11 جىلدى قۇرايدى.
«اندرەي گلۋششەنكونىڭ جەتەكشىلىگىمەن قازاقستان كومانداسى كوپتەگەن جەتىستىكتەرگە جەتتى. دەگەنمەن, وليمپيادا قارساڭىندا بىزگە ءالى دە كوپ جۇمىس ىستەۋ قاجەت. ەڭ باستى ماقسات – ليتسەنزيا جەڭىپ الۋ. سونداي-اق, ءبىز قىركۇيەك ايىندا نۇر-سۇلتاندا وتەتىن ازيا چەمپيوناتىندا جەڭىس تۇعىرىنان كورىنۋدى كوزدەپ وتىرمىز. بۇل باس باپكەر رەتىندە ماعان ۇلكەن جاۋاپكەرشىلىك جۇكتەيدى. وسى ورايدا, ءبىز جاقسىلىقتان ءۇمىتتىمىز. توكيودا ۇلتتىق قۇراماعا جانكۇيەر بولىپ, ازيا چەمپيوناتىندا جەڭىسكە جەتەمىز دەگەن سەنىمدەمىن. ماعان كورسەتىلگەن سەنىم ءۇشىن العىسىم زور», - دەيدى نۇرجان ۇسىپبەكوۆ.
