ەرالى توعجانوۆ اقپارات جانە قوعامدىق دامۋ مينيسترلىگىنىڭ كەڭەيتىلگەن القا وتىرسىندا: «اسىرەسە, «حالىق ۇنىنە قۇلاق اساتىن مەملەكەت» تۇجىرىمداماسىن جۇزەگە اسىرۋ ەڭ الدىمەن مينيسترلىكتىڭ تىكەلەي قىزمەتىنە بايلانىستى. دەر كەزىندە حالىققا جەتكىزە ءبىلۋ, حالىققا تۇسىندىرە ءبىلۋ ماڭىزدى. وسى ورايدا قيىن جاعدايدا ەشتەڭە جاسىرىلعان جوق, بارلىعى ەلگە جاريالاندى», دەپ ايتىپ ءوتتى.
وسى ورايدا ەرالى توعجانوۆ اتالعان مينيسترلىك تاراپىنان اۋقىمدى جۇمىستار اتقارىلعانىن جەتكىزدى.
«اقپارات سالاسىندا جۇمىس ىستەيتىن بارلىق ازاماتتارعا العىس ايتۋعا رۇقسات ەتىڭىزدەر. قيىن جاعدايدا بىردە-ءبىر ازامات كەيىن تارتپادى. وسى كەزەڭدە ەشقايسىسى باسىن بۇعىپ قالمادى, تىكەلەي اتسالىستى», دەدى ۇكىمەت باسشىسىنىڭ ورىنباسارى.
سونىمەن قاتار ۇكىمەت باسشىسىنىڭ ورىنباسارى ۆولونتەرلىك باعىتتا كوپتەگەن ءىس-شارانىڭ اتقارىلىپ جاتقانىن باسا ايتتى.
«وسىعان وراي پرەزيدەنتتىڭ تىكەلەي تاپسىرماسىمەن ءتيىستى جۇمىستار جۇزەگە اسىرىلدى. بۇل جۇمىستى ارى قاراي جالعاستىرۋعا قاتىستى تاپسىرمالار بەرىلدى, سوندىقتان وسىنى ىسكە اسىراتىن بولامىز», دەدى ەرالى توعجانوۆ.
ەسكە سالا كەتەيىك, بۇگىن اقپارات جانە قوعامدىق دامۋ مينيسترلىگىنىڭ كەڭەيتىلگەن القالى وتىرىسى ءوتتى.
