شىمكەنت قالاسىندا جۇرگىزىلگەن جەدەل-ىزدەستىرۋ ءىس-شارالارىنىڭ ناتيجەسى بويىنشا جالعان ەسەپكە الۋ-باقىلاۋ ماركاسى بار الكوگول ءونىمىن دايىندايتىن استىرتىن تسەح قىزمەتىنىڭ جولى كەسىلدى. وندىرىلگەن ءونىم شىمكەنت قالاسىنىڭ اۋماعىندا ساتىلىپ كەلگەن.
«تەكسەرۋ بارىسىندا جالعان ەبم بار «رۋسسكايا نا برۋنكاح» جانە «بەرەزوۆايا» ماركالى 2 مىڭ بوتەلكەدەن استام الكوگول ءونىمى, 160 ليتر سپيرت, 10 مىڭنان استام ماركا, سۇيىقتى ارالاستىرۋعا ارنالعان سورعى, الكوگولگە ارنالعان 140 بوس قوراپ جانە 80-نەن استام بوس بوتەلكە, 400-دەن استام قاقپاق تاركىلەندى», دەلىنگەن حابارلامادا.
كوميتەتتىڭ مالىمدەۋىنشە, اتالعان فاكت بويىنشا قىلمىستىق كودەكستىڭ 233-بابى 2-بولىگىمەن (كورiنەۋ جالعان ەسەپكە الۋ-باقىلاۋ ماركالارىن پايدالانۋ نەمەسە وتكىزۋ) بويىنشا سوتقا دەيىنگى تەرگەۋ ءىسى باستالدى. قازىرگى ۋاقىتتا ءتيىستى ساراپتاما مەن تەرگەۋ امالى جۇرگىزىلىپ جاتىر.
