قاداعالاۋ ۆەدومستۆوسىنىڭ باسشىسى پروكۋرورمەن پروتسەستىك شەشىمدەردى كەلىسۋدىڭ جاڭا ءتارتىبى بويىنشا قۇقىق قورعاۋ ورگاندارىنىڭ جۇمىسىن ۇيىمداستىرۋ مەن ءوزارا ءىس-قيمىلىن تەكسەردى.
ىشكى ىستەر ءمينيسترىنىڭ ورىنباسارىمەن بىرگە ەكى ءوڭىردىڭ پروكۋراتۋرا جانە پوليتسيا باسشىلارىمەن كەزدەسۋ وتكىزدى.
عيزات نۇرداۋلەتوۆ قابىلدانعان شەشىمدەردى قاداعالاۋدىڭ ەلەكتروندىق فورماتىنىڭ ۋاقىتتى ۇنەمدەيتىنىن جانە قىلمىستىق پروتسەستىڭ اشىقتىعىن قامتاماسىز ەتەتىنىن اتاپ ءوتتى.
ء«بىز بىرگە پرەزيدەنتتىڭ پوليتسيا, پروكۋراتۋرا جانە سوت اراسىندا جاۋاپكەرشىلىك ايماقتارىن ناقتى ءبولۋ جونىندەگى تىكەلەي تاپسىرماسىن ورىندايمىز.
وسى فورماتتا ءبىر ايعا جۋىق ۋاقىت جۇمىس ىستەپ كەلەمىز. ونىڭ وڭ ناتيجەسىن, ارينە, قازىردىڭ وزىندە كورىپ وتىرمىز. قاتەلىكتەردىڭ, بۇزۋشىلىقتاردىڭ از بولۋىمەن, سايكەسىنشە, پروتسەسكە قاتىسۋشىلاردىڭ شاعىمدارىنىڭ العىشارتتارىن ازايتامىز.
باستى مىندەت - ازاماتتارىمىزدى قىلمىسكەرلەردەن قورعاۋدى قامتاماسىز ەتۋ جانە سونىمەن بىرگە زاڭسىز ايىپتاۋعا جول بەرمەۋ», - دەدى باس پروكۋرور.
پروكۋرورلارعا قىلمىستىق پروتسەستە قاداعالاۋدى كۇشەيتۋ, بۇزۋشىلىقتارعا ءپرينتسيپتى تۇردە دەن قويۋ جانە بارلىق قۇقىق قورعاۋ ورگاندارىن ۇيلەستىرۋدى جولعا قويۋ تاپسىرىلدى.
ەستەرىڭىزگە سالا كەتەيىك, 2020 جىلعى 31 جەلتوقساننان باستاپ پروكۋرورلار كۇدىكتى دەپ تانۋ, ونىڭ ارەكەتىن سارالاۋ, قىلمىستىق ءىستى ءۇزۋ جانە توقتاتۋ تۋرالى تەرگەۋ شەشىمدەرىن كەلىسەدى, سونداي-اق تەرىس قىلىقتار بويىنشا حاتتامالاردى بەكىتەدى.
بۇل مەملەكەت باسشىسىنىڭ «جاڭا جاعدايداعى قازاقستان: ءىس-قيمىل كەزەڭى» جولداۋىن ورىنداۋ اياسىندا جۇزەگە اسىرىلاتىن قىلمىستىق پروتسەستىڭ ءۇش بۋىندى مودەلىنە كوشۋدىڭ باستاپقى كەزەڭى.
بارلىق نوۆەللالار قىلمىستىق وربيتاعا تۇسكەن ازاماتتاردىڭ كونستيتۋتسيالىق قۇقىقتارىن ساقتاۋ كەپىلدىكتەرىن كۇشەيتۋگە باعىتتالعان.
