فوتو: freepik.com
جەڭىلدەتىلگەن يپوتەكالار مەملەكەتتىك باعدارلامالار اياسىندا جۇزەگە اسىرىلادى. نەسيە 2 جانە 5%-دىق مولشەرلەمەمەن, باستاپقى جارناسى كەمىندە 10%, ال مەرزىمى 20 جىلعا دەيىن بەرىلەدى.
باعدارلاماعا قاتىسۋ ءۇشىن ۇمىتكەرلەر ەكى نەگىزگى تالاپقا ساي بولۋى كەرەك:
- تۇرعىن ءۇي كەزەگىندە تۇرۋى,
- الەۋمەتتىك وسال ساناتقا جاتۋى.
2%-دىق يپوتەكا تەك بەلگىلى ءبىر ساناتتارعا ارنالعان. ولاردىڭ قاتارىندا:
- ۇوس ارداگەرلەرى مەن ولارعا تەڭەستىرىلگەن تۇلعالار;
- مۇگەدەكتىگى بار ازاماتتار;
- جەتىم بالالار;
- كوپبالالى وتباسىلار;
- مۇگەدەك بالاسى بار وتباسىلار;
- جەسىرلەر بار.
ال 5%-دىق يپوتەكا الەۋمەتتىك وسال توپتاردىڭ بارلىعىنا دەرلىك قولجەتىمدى (بارلىعى 12 سانات). ونىڭ ىشىندە تولىق ەمەس وتباسىلار, سوزىلمالى اۋرۋى بار ازاماتتار, قانداستار جانە توتەنشە جاعداي سالدارىنان باسپاناسىنان ايىرىلعاندار بار.
ءوتىنىم بەرۋ «وتباسى بانك» ارقىلى جۇزەگە اسادى:
- رەسمي سايتتا ونلاين;
- ءموبيلدى قوسىمشا ارقىلى;
- بانك بولىمشەلەرىندە.
ماڭىزدى تالاپ – بانك شوتىندا پاتەر قۇنىنىڭ كەمىندە 10% كولەمىندە جيناق بولۋى ءتيىس.
10 كۇندە جەڭىلدەتىلگەن نەسيە: ۇكىمەت بيزنەستى قولداۋدىڭ جاڭا تەتىكتەرىن ازىرلەپ جاتىر
پاتەرلەر قاي وڭىرلەردە بەرىلىپ جاتىر
ۇسىنىلىپ وتىرعان بارلىق باسپانالار پايدالانۋعا بەرىلگەن, تازا ارلەۋمەن دايىن كۇيدە.
قوستاناي قالاسىندا:
– بەرەكە ىقشاماۋدانى, 31 ءۇي – 60 پاتەر, باعاسى 253 606 تگ/م².
ءوتىنىم قابىلداۋ – 1–9 ءساۋىر, ءبولۋ – 15 ءساۋىر.
پەتروپاۆل قالاسىندا:
– جۇماباەۆ كوشەسى, 282 – 126 پاتەر, 180 000 تگ/م² ء(بولۋ – 10 ءساۋىر);
– كرەپوستنايا, 141 جانە بەسكول اۋىلى – 72 جانە 50 پاتەر, 230 000 تگ/م² ء(بولۋ – 9 ءساۋىر).
تاراز قالاسىندا:
– شاپاعات ىقشاماۋدانى, 9 – 28 پاتەر, 226 110 تگ/م²;
– شاپاعات, 25 – 45 پاتەر, 226 110 تگ/م²;
– ۇلى دالا, 52 – 80 پاتەر, 160 000 تگ/م².
اياگوز قالاسىندا:
– قابانباي باتىر كوشەسى, 5/4 – 59 پاتەر, 220 000 تگ/م² ء(بولۋ – 16 ءساۋىر).
جاركەنت قالاسىندا:
– سەگىزباي بەسپاەۆ كوشەسى, 78/1, 78/2 – 120 پاتەر, 261 850 تگ/م² ء(بولۋ – 13 ءساۋىر).
ال الماتى مەن استانا قالالارىندا ازىرگە بۇل باعدارلاما بويىنشا نىساندار ۇسىنىلماعان, تۇرعىن ءۇي دايىنداۋ جۇمىستارىن اكىمدىكتەر جۇرگىزىپ جاتىر.
مال شارۋاشىلىعى: جەڭىلدەتىلگەن نەسيە نەشە پايىزبەن بەرىلەدى؟
تۇرعىن ءۇي قالاي بولىنەدى؟
جەڭىلدەتىلگەن يپوتەكا تەك قاتىسۋشىنىڭ جەكە ءوتىنىمى نەگىزىندە راسىمدەلەدى – بانك تاراپىنان شاقىرۋ نەمەسە SMS كۇتۋ قاجەت ەمەس.
ۇدەرىس بىرنەشە كەزەڭنەن تۇرادى:
- اكىمدىكتەر تۇرعىن ءۇي دايىندايدى;
- بانك ناقتى پۋل بويىنشا ءوتىنىم قابىلداۋدى جاريالايدى;
- كەزەكتە تۇرعاندار Baspana Market پلاتفورماسى ارقىلى ءوتىنىش بەرەدى;
- بانك تولەم قابىلەتىن تەكسەرەدى;
- پاتەرلەر ءوتىنىم بەرۋ ۋاقىتى مەن سانات باسىمدىعىنا قاراي بولىنەدى.
بارلىق كەزەڭدى ۇمىتكەرلەر جەكە كابينەت ارقىلى باقىلاي الادى.
باسپانا الدىمەن ەڭ مۇقتاج ساناتتارعا بەرىلەدى – ارداگەرلەر, مۇگەدەكتىگى بار ازاماتتار, جەتىمدەر, كوپبالالى وتباسىلار, جەسىرلەر.
ولارعا ءار تۇرعىن ءۇي كەشەنىندەگى پاتەرلەردىڭ 70%-ى قاراستىرىلعان. ونىڭ ىشىندە 20%-ى – جەتىم بالالارعا تيەسىلى. قالعان 30%-ى باسقا الەۋمەتتىك وسال توپتارعا بولىنەدى.
ايتا كەتكەن ءجون, 2026 جىلعى 2 ناۋرىزدان باستاپ تۇرعىن ءۇي تەك ينۆەنتاريزاتسيادان وتكەن كەزەكتەگىلەرگە عانا بەرىلەدى. ەگەر بۇل راسىمنەن وتپەسە, ازامات باعدارلاماعا قاتىسا المايدى.
كوكتەمگى ەگىس ناۋقانى: بيىل قانشا فەرمەر جەڭىلدەتىلگەن نەسيە الدى؟
