“Chevrolet Niva” اۆتوكولىگىن تىزگىندەگەن جامبىل اۋدانىنىڭ 37 جاستاعى تۇرعىنىن پوليتسەيلەر اۋدان ورتالىعى پرەسنوۆكادا ۇستاعان. جۇرگىزۋشىدەن ىشىمدىكتىڭ ءيىسى ءبىلىنىپ تۇرعان. مەديتسينالىق كۋالاندىرۋ ەر ادامنىڭ ماساڭ كۇيدە بولعانىن راستادى.
ناتيجەسىندە قر اكىمشىلىك قۇقىق بۇزۋشىلىق تۋرالى كودەكسىنىڭ 608-بابى 1-بولىگى بويىنشا حاتتاما تولتىرىلدى جانە اۋداندىق سوتقا جىبەرىلدى. باپ سانكتسياسىمەن 15 تاۋلىككە اكىمشىلىك قاماۋعا الۋ, سونداي-اق جەتى جىلعا جۇرگىزۋشى كۋالىگىنەن ايىرۋ كوزدەلگەن. سوڭعى بىرنەشە تاۋلىكتە اتتاس جەدەل-پروفيلاكتيكالىق ءىس-شاراسى شەڭبەرىندە وبلىس جولدارىندا بەس ماس جۇرگىزۋشى ۇستالدى. سقو پوليتسيا دەپارتامەنتى جەرگىلىكتى پوليتسيا قىزمەتى باسقارماسىنىڭ باستىعى ايدىن بايماتوۆ “ماس جۇرگىزۋشى” وپەراتسياسىنىڭ العاشقى كۇنىندە جول قوزعالىسى ەرەجەلەرىنىڭ 477 بۇزۋشىلىعى انىقتالعانىن اتاپ ءوتتى. باسقارۋ قۇقىعىنان ايىرىلعان 24 جۇرگىزۋشى, جىلدامدىقتى اسىرعان – 28 جانە مانەۆر جاساۋ ەرەجەلەرىن بۇزعانى ءۇشىن – 13 جۇرگىزۋشى ۇستالدى. سونداي-اق قاۋىپسىزدىك بەلدىگىن پايدالانباعانى ءۇشىن 70 جۇرگىزۋشى, رولدە تەلەفوندى پايدالانعانى ءۇشىن 52 جۇرگىزۋشى جاۋاپقا تارتىلدى.
– باستى مىندەت – اۆتوموبيل اپاتتارىنا جانە جاياۋ جۇرگىنشىلەردى سوعىپ كەتۋگە, بالالاردىڭ جول-كولىك جاراقاتتانۋىنا جول بەرمەۋ. قاڭتاردىڭ 21-ءى مەن 31-ءى ارالىعىندا “ماس جۇرگىزۋشى” جەدەل-پروفيلاكتيكالىق ءىس-شاراسىمەن بىرگە “قاۋىپسىز مەكتەپ اۆتوبۋسى” اكتسياسى وتكىزىلەدى, وقۋشىلارمەن جول قوزعالىسى ەرەجەلەرى تۋرالى, جولدى كەسىپ ءوتۋ, ۆەلوسيپەدپەن ءجۇرۋ ەرەجەلەرى تۋرالى اڭگىمە جۇرگىزىلۋدە, – دەدى ايدىن بايماتوۆ.
جىل باسىنان سقو جولدارىندا 30-دان استام ماس جۇرگىزۋشى ۇستالدى. وبلىستىق “ماس جۇرگىزۋشى” وپەراتسياسى 30 قاڭتارعا دەيىن جالعاسادى.
