مەديتسينا • 28 قاڭتار، 2021

دەنساۋلىق ساقتاۋ ۆيتسە-ءمينيسترى اقتوبە وبلىسىندا بولدى

6 رەت كورسەتىلدى

دەنساۋلىق ساقتاۋ ۆيتسە-ءمينيسترى اجار عينيات جۇمىس ساپارىمەن اقتوبە وبلىسىندا بولىپ، وڭىردەگى بوساندىرۋ قىزمەتىن كورسەتەتىن مەديتسينالىق ۇيىمداردى تەكسەردى، دەپ حابارلايدى Egemen.kz

ساپار بارىسىندا ۆيتسە-مينيستر اقتوبە وبلىستىق پەريناتالدىق ورتالىعىنىڭ جۇمىسىمەن تانىستى. نىسان 1977 جىلى پايدالانۋعا بەرىلگەن جانە 155 توسەك-ورىنعا لايىقتالعان. مۇندا 6 توسەكتىك ەرەسەكتەر رەانيماتسياسى مەن 85 توسەكتىك بوساندىرۋ بولىمشەسى جىل سايىن 7000-عا تارتا ايەلدى بوساندىرىپ، 1500-گە جۋىق وپەراتسيا جاساۋعا مۇمكىندىك بەرىپ وتىر.

سونداي-اق 20 توسەكتىك پاتولوگيا، 10 توسەكتىك لاپاروسكوپيالىق تۇراقتاعى گينەكولوگيالىق، 6 توسەكتىك بالالار رەانيماتسياسىمەن 30 توسەكتىك جاڭا تۋعان نارەستەلەر پاتولوگياسى بولىمشەلەرى بار. قوسىمشا قىزمەتتەر جۇمىس ىستەيدى: بيوحيميالىق جانە كلينيكالىق زەرتحانا، ءدارىحانا، فليۋوروگرافيالىق جانە رەنتگەنولوگيالىق كابينەت، ۋدز جانە كتگ، ەكگ فۋنكتسيونالدىق كابينەتتەرى، دەزينفەكتسيالىق كامەرا، كىر جۋاتىن ورىن جانە اس ءۇي.

ەكىنشى عيماراتتا ەكۇ، ماممولوگيالىق جانە مەديتسينالىق-گەنەتيكالىق ورتالىقتارى بار وبلىستىق پەريناتالدىق ورتالىقتىڭ كونسۋلتاتسيالىق-دياگنوستيكالىق بولىمشەسى جانە «فيلادەلفيا» اپپاراتى مەن يفت دياگنوستيكاسى بار گەنەتيكالىق سكرينينگتەر وتكىزۋگە ارنالعان زەرتحانا ورنالاسقان.

«بارلىق رەانيماتسيا جانە پاتولوگيا بولىمشەلەرىنە ورتالىقتاندىرىلعان وتتەگى كومپرەسسورىنىڭ جوقتىعىنا قاراماستان، وتتەگىمەن قامتاماسىز ەتۋ جۇرگىزىلەدى. بارلىق بالالار رەانيماتسياسى زاماناۋي كلاسستاعى كيۋۆەزدەرمەن جانە ءوجج اپپاراتىمەن جابدىقتالعان. بارلىق مەديتسينالىق جابدىقتار رەانيماتسيالىق كومەك كورسەتۋ ۋاقىتىن ەداۋىر قىسقارتۋعا، ءدارى-دارمەكتىڭ ەنگىزىلۋىن ۇنەمى باقىلاۋعا جانە ناۋقاستار جاعدايىنىڭ وبەكتيۆتى پارامەترلەرىن باقىلاۋعا مۇمكىندىك بەرەدى»، دەدى ورتالىق ديرەكتورى اسحات بالىقوۆ.

سونىمەن قاتار ول اعىمداعى جىلى ورتالىق جاڭا زاماناۋي عيماراتقا كوشۋدى جوسپارلاپ وتىرعانىن اتاپ ءوتتى، ويتكەنى قولدانىستاعى عيمارات «قاۋىپسىز انا» ستاندارتتارىنا ساي كەلمەيدى، سونداي-اق مۇندا قوسىمشا كىرمە جولدار مەن گاز تسيستەرنالارى جوق.

«دەنساۋلىق ساقتاۋ مينيسترلىگى اكىمدىكتەرمەن جانە كاسىبي قوعامداستىقپەن بىرلەسىپ، جاقىن ارادا بارلىق دەنساۋلىق ساقتاۋ ۇيىمدارىنا تۇگەندەۋ جۇرگىزەدى. ولاردى بارلىق قاجەتتى جابدىقتارمەن جانە ءدارى-دارمەكپەن جابدىقتاۋ بويىنشا شارالار قابىلدانادى»، دەدى ا.عينيات.

سونىمەن قاتار ول «اقتوبە مەديتسينالىق ورتالىعى» مپك بالالار ستاتسيونارىندا بولدى. اۋرۋحانا 2010 جىلى پايدالانۋعا بەرىلگەن، مۇندا 89 دارىگەر، 178 مەدبيكە جانە 132 سانيتار جۇمىس ىستەيدى. مەديتسينا قىزمەتكەرلەرىنىڭ 70% جانە مەدبيكەلەردىڭ 60% بىلىكتىلىك ساناتى بار. جىل سايىن ستاتسيوناردا قالا، وبلىس جانە باتىس قازاقستان وڭىرىنەن 11-12 000 ناۋقاس بالا ەمدەلەدى. كوروناۆيرۋس پاندەمياسى كەزەڭىندە امو بازاسىندا 25 توسەكتىك بالالار پروۆيزورلىق بولىمشەسى جانە ستاتسيوناردىڭ اكىمشىلىك كورپۋسىندا 100 توسەكتىك ەرەسەك پروۆيزورلىق بولىمشە، ونىڭ ىشىندە 50 توسەكتىك رەانيماتسيالىق بولىمشە اشىلدى.

بالالار پروۆيزورلىق بولىمشەسى ءۇشىن اۋرۋحانا شتاتىندا بارلىق بەيىندەگى ماماندار بار. ەرەسەك پروۆيزورلىق بولىمشەسىنىڭ دارىگەرلىك شتاتتارى وبلىستىق جۇقپالى اۋرۋلار اۋرۋحاناسىنىڭ شتاتتارىنان كوزدەلگەن. كوروناۆيرۋس ينفەكتسياسىنىڭ ەكىنشى تولقىنىنا دايىندىق اياسىندا اۋرۋحانا رەانيماتسيالىق توسەكتەردىڭ ءار پالاتاسىنا وتتەگى مەن ۆاكۋمدى ورتالىقتاندىرىلعان جەتكىزۋمەن جابدىقتالدى. 16 وتتەگى كونتسەنتراتورى ورناتىلدى، 10 كارديوماگنيت جانە 10 پۋلسوكسيمەتر ساتىپ الىندى.

بۇدان باسقا، ەرەسەك پروۆيزورلىق بولىمشەنىڭ 50 توسەگى ءۇشىن 50 ءوجج اپپاراتىن، قوسىمشا 34 وتتەگى كونتسەنتراتورىن، 40 كارديومونيتور جانە ەرەسەكتەردىڭ پروۆيزورلىق بولىمشەسى ءۇشىن 40 پۋلسوكسيمەتر ساتىپ الۋعا وتىنىمدەر بەرىلدى.

سونىمەن قاتار اۋرۋحانادا جالعىز كت جانە مرت اپپاراتتارى جۇمىس ىستەمەي تۇر. ا.عينيات جۇمىس ساپارىنىڭ ءبىرىنشى كۇنىن 135 توسەكتىك وبلىستىق كلينيكالىق جۇقپالى اۋرۋلار اۋرۋxاناسىنا بارۋمەن اياقتادى. اۋرۋحانا جەكە قورعانىس قۇرالدارىمەن تولىق قامتاماسىز ەتىلگەن.

سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار