الەم • 28 قاڭتار، 2021

نورۆەگيا 29 قاڭتاردان باستاپ شەكارانى جابادى

15 رەت كورسەتىلدى

نورۆەگيانىڭ تەلەگراف بيۋروسى ۇكىمەتتىڭ 29 قاڭتاردان باستاپ شەكارانى جابۋ تۋرالى شەشىم قابىلداعانىن مالىمدەدى. ەندى ەلدەن تەك اسا ماڭىزدى سەبەپپەن عانا شىعۋعا بولادى، دەپ حابارلايدى Egemen.kz

«تاجىريبە جۇزىندە شەكارا نورۆەگيادا تۇرمايتىنداردىڭ بارلىعىنا جابىق بولادى»، دەپ مالىمدەدى ەلدىڭ پرەمەر-ءمينيسترى ەرنا سۋلبەرگ.

ۇكىمەت باسشىسىنىڭ ايتۋىنشا، وتە ماڭىزدى تاۋارلار مەن قىزمەتتەر بۇرىنعىشا نورۆەگياعا جەتكىزىلىپ وتىرادى. الايدا جاڭا ەرەجەگە سايكەس «كوپتەگەن ەڭبەك ميگرانتى كەلەسى اپتادا ەلگە كەلە المايدى». بۇل ەرەجە ەكى اپتادان كەيىن قايتا قارالادى. سەبەبى نورۆەگيادا كوروناۆيرۋس جۇقتىرعاندار سانى تاۋلىگىنە 279 ادامعا ارتىپ، 61 594-كە جەتكەن.

پاندەميا كەزىندە ىندەتتەن ەلدە 550 ناۋقاس قايتىس بولدى. 3 ملن-نان اسا ادام كوروناۆيرۋستىڭ بار-جوعىن انىقتايتىن تەست تاپسىرسا دا، 6 قاڭتار كۇنى 930 ناۋقاس تىركەلدى.

ەلدە كوروناۆيرۋس جۇقتىرعان العاشقى ادام بىلتىرعى جىلدىڭ اقپان ايىنىڭ سوڭىندا تىركەلدى. 25 قاڭتاردان باستاپ نورۆەگيا ەلگە كىرۋگە قويىلاتىن تالاپتاردى كۇشەيتتى. ەندى ەلگە كىرەتىن ادامداردىڭ بارلىعى ساپارىنان كەم دەگەندە 24 ساعات بۇرىن تاپسىرىلعان، كوروناۆيرۋستىڭ جوق ەكەنىن دالەلدەيتىن تالداۋ ناتيجەسىن كورسەتۋى قاجەت.

الدىڭعى اقپاراتتاردا حابارلاعانىمىزداي، بۇعان دەيىن نورۆەگيادا كوروناۆيرۋسقا قارسى العاشقى ۆاكتسينا بيىل ساۋىردە قولدانىلۋى مۇمكىن ەكەنى حابارلانعان ەدى.

سوڭعى جاڭالىقتار

ۇقساس جاڭالىقتار