قالادا قاراشا ايىنان بەرى 4300-دەن استام ادامنىڭ ۆيرۋس جۇقتىرعانى انىقتالعان. وتكەن اپتادا ىندەت جۇقتىرعان ناۋقاستاردىڭ جارتىسى – قالانىڭ جۇمىسشىلارى تۇراتىن ياۋ تسيم مونگ اۋدانىنىڭ تۇرعىندارى بولعان. ماماندار وسى ايماقتاعى اعىندى سۋ سىناماسىنان ۆيرۋس ىزدەرىن انىقتاعان ەكەن. بۇل – ناشار سالىنعان سۋ جۇيەلەرى مەن جەكەلەگەن بولىمشەلەردە جەلدەتۋدىڭ بولماۋىنىڭ سالدارى.
2003 جىلى گونكونگتە SARS ىندەتى كەزىندە دۇنيەجۇزىلىك دەنساۋلىق ساقتاۋ ۇيىمىنىڭ (ددسۇ) تەحنيكالىق تالداۋى ۆيرۋس ساپاسىز سۋ قۇبىرلارى ارقىلى تاراۋى مۇمكىن دەگەن تۇجىرىم جاساعان. قالانىڭ كەدەي اۋداندارىنىڭ بىرىندە ۆيرۋستىڭ ورشۋىنە وسى سەبەپ بولۋى مۇمكىن دەپ ۇيعارعان ماماندار اۋماقتاعى ۇيلەردى تولىعىمەن جاۋىپ تاستادى. تەست ناتيجەسىن المايىنشا, تۇرعىندار سىرتقا شىعا المايدى.
ال پاندەميانىڭ باستاپقى كەزىندە گونكونگ بيلىگى لوكداۋن سەكىلدى قاتاڭ قاۋىپسىزدىك شارالارىن ەنگىزۋدەن باس تارتقان-دى.
