ولار ەل استاناسىنا تراكتورمەن كەلگەن. ەرەۋىلشىلەردىڭ تالابى ءارتۇرلى. ءبىرى وتاندىق اۋىل شارۋاشىلىق ونىمدەرىن ساتىپ الۋعا قولداۋ سۇراسا, باسقالارى نيتراتتاردى توقتاتىپ, ولاردىڭ ورنىنا بيوونىمدەر ءوسىرۋدى تالاپ ەتتى. بۇدان باسقا, شارۋالار مەملەكەت تاراپىنان بەرىلەتىن قارجىلاي كومەكتىڭ ىندەت كەزىندە بەرىلمەي جاتقانىن ايتىپ, شاعىمدانعان. ولار اۋىر تەحنيكامەن ورتالىق كوشەلەردى جاۋىپ, كولىك كەپتەلىسىن تۋدىرۋعا ارەكەتتەندى. سوسىن ءارى قاراي تابيعاتتى قورعاۋ مينيسترىلىگىنە باردى. نارازى توپ بيلىك تالاپ-تىلەكتەرىنە قۇلاق اسپايىنشا, اپتا بويى ۇيگە قايتپايمىز دەپ بەكىنگەن.
يان حەننينگديركس, شارۋا:
– بىزگە قولايلى جاعداي جاسايتىن جاڭا زاڭدەر كەرەك. بۇدان ءارى توزە المايمىز دەگىمىز كەلەدى. بارلىق تاراپ ءبىر ۇستەلدىڭ باسىنا وتىرىپ, ءادىل باسەكە, ونىمدەرىمىزدىڭ باعاسى, تىڭايتقىشتاردى قولدانۋ مەن كليماتتى قورعاۋ ماسەلەلەرى بويىنشا كەلىسسوزدەر جۇرگىزۋى كەرەك. مەنىڭ ەسەبىم بويىنشا, بەرلينگە مىڭعا تارتا ادام مەن ەكى ءجۇز تراكتور كەلدى. بارلىعى شارۋاسىن تاستاپ, ءبىر ۋاقىتتا جينالا المايدى. سوندىقتان جۇمىستى دا ىستەپ ۇلگەرۋ ءۇشىن اپتا ىشىندە اۋىسىپ وتىرامىز.
