قارجى • 27 قاڭتار، 2021

جەكە باسقارۋشى كومپانيالار قازاقستاندىقتاردىڭ زەينەتاقى جيناقتارىن قالاي باسقارادى؟

13 رەت كورسەتىلدى

قارجى نارىعىن رەتتەۋ جانە دامىتۋ اگەنتتىگى زەينەتاقى جيناقتارىن جەكە باسقارۋشى كومپانيالارعا بەرۋ جونىندە ءجيى قويىلاتىن سۇراقتارعا جاۋاپ بەردى، دەپ حابارلايدى Egemen.kz.

  1. زەينەتاقى جيناقتارىن جەكە كومپانيالاردىڭ باسقارۋىنا اۋدارۋ تەتىگى قانداي؟ كومپانيانى كىم تاڭدايدى؟

زەينەتاقى جيناقتارىن جەكە باسقارۋشى كومپانيالاردىڭ سەنىمگەرلىك باسقارۋىنا بەرۋ قۇقىعىن:

1) زەينەتاقى جاسىنا جەتپەگەن جانە «ەڭ تومەن جەتكىلىكتىلىك شەگىنەن» اساتىن زەينەتاقى جيناقتارى بار; نە 

2) ءومىر بويعى اننۋيتەتتىك تولەمدەردى قامتاماسىز ەتەتىن ساقتاندىرۋ كومپانيالارىمەن زەينەتاقى اننۋيتەتى شارتىن جاساعان سالىمشىلار قولدانا الادى.

«ەڭ تومەن جەتكىلىكتىلىك شەگى»، زەينەتاقى جيناقتارىنىڭ جەكە باسقارۋشىعا اۋدارۋ ءۇشىن جەتكىلىكتى سوماسى  تۋرالى اقپارات جانە زەينەتاقى جيناقتارىنىڭ جاي-كۇيى تۋرالى دەرەكتەردى بجزق-نىڭ ينتەرنەت-رەسۋرسى جانە سالىمشىنىڭ جەكە كابينەتى نە eGov.kz سايتىندا جانە eGov mobile موبيلدىك قوسىمشاسى ارقىلى الۋعا بولادى.

سالىمشى ينۆەستيتسيالىق پورتفەلدى باسقارۋشىلار تىزبەسىمەن جانە ولار ۇسىناتىن ينۆەستيتسيالىق دەكلاراتسيالارمەن بجزق-نىڭ ينتەرنەت-رەسۋرسىندا تانىسا الادى، سودان كەيىن ءوزىنىڭ ينۆەستيتسيالىق ماقساتتارىنا نەعۇرلىم سايكەس كەلەتىن باسقارۋشى كومپانيانى تاڭدايدى.

زەينەتاقى جيناقتارىن جەكە باسقارۋشىعا اۋدارۋ ماقساتتارى ءۇشىن سالىمشى زەينەتاقى جيناقتارىن ءبىر نەمەسە بىرنەشە باسقارۋشى كومپانيانىڭ سەنىمگەرلىك باسقارۋىنا اۋدارۋ تۋرالى وتىنىشپەن بجزق-عا جۇگىنۋى قاجەت. ءوتىنىشتى بجزق-عا جەكە بارىپ بەرۋگە نە بجزق-نىڭ ينتەرنەت-رەسۋرسى ارقىلى ەلەكتروندىق تۇردە بەرۋگە بولادى.

بجزق سالىمشىنىڭ جەكە زەينەتاقى شوتىندا جەتكىلىكتىلىك شەگىنەن اساتىن زەينەتاقى جيناقتارىنىڭ نە جاسالعان زەينەتاقى اننۋيتەتى شارتىنىڭ بار-جوعىن تەكسەرگەننەن كەيىن 30 كۇن ىشىندە زەينەتاقى جيناقتارىنىڭ ءتيىستى بولىگىن (قالدىعىن) جەكە كومپانيانىڭ باسقارۋىنا اۋدارادى.

زەينەتاقى جيناقتارىنىڭ قالعان بولىگى ۇلتتىق بانكتىڭ باسقارۋىندا قالا بەرەدى.

ءار سالىمشىنىڭ زەينەتاقى جيناقتارىن جەكە ەسەپكە الۋدى قامتاماسىز ەتۋ ماقساتىندا بجزق سالىمشىلاردىڭ جەكە زەينەتاقى شوتتارى بويىنشا ءوزىنىڭ اقپاراتتىق جۇيەسىندە جەكە باسقارۋعا بەرىلگەن زەينەتاقى جيناقتارىن ەسەپكە الۋدى  جالعاستىرادى.

وسىلايشا، بجزق بارلىق زەينەتاقى اكتيۆتەرىن ءبىر ورتالىقتان ەسەپكە الۋدى جالعاستىرادى جانە سالىمشىلاردىڭ جەكە باسقارۋشىلارمەن ءوزارا ءىس-قيمىل جاساۋىندا «بىرىڭعاي تەرەزە» قىزمەتىن اتقارادى.

بجزق سالىمشىلارى وزدەرىنىڭ جيناقتارىن باسقا باسقارۋشى كومپانياعا اۋدارۋ نە ۇلتتىق بانكتىڭ باسقارۋىنا قايتارۋ قۇقىعىن ساقتاپ قالادى.

زەينەتاقى اكتيۆتەرىن ينۆەستيتسيالاۋدىڭ ۇزاق مەرزىمدىلىگىن ەسكەرە وتىرىپ ينۆەستيتسيالاردان شىققان كەزدە سالىمشىلاردى ينۆەستيتسيالىق كىرىسىن جوعالتۋدان قورعاۋ ماقساتىندا زەينەتاقى جيناقتارىن ءبىر باسقارۋشى كومپانيادان باسقا باسقارۋشى كومپانياعا اۋدارۋ مۇمكىندىگى جىلىنا 1 رەت دەپ بەلگىلەندى. سالىمشىنىڭ زەينەتاقى جيناقتارىن جەكە باسقارۋشىعا كومپانياعا زەينەتاقى جيناقتارىن بەرگەننەن كەيىن 2 جىلدان كەيىن ۇلتتىق بانكتىڭ باسقارۋىنا قايتارۋعا بولادى. 

 

  1. جەكە باسقارۋشى كومپانيالارعا بەرىلگەن زەينەتاقى جيناقتارىن سالىمشىلاردىڭ الۋ مۇمكىندىگى بار ما؟

زەينەتاقى جيناقتارى ازاماتتاردىڭ زەينەتكەرلىككە شىققان كەزدە كىرىستەرىن قامتاماسىز ەتۋگە ارنالعان، سوعان بايلانىستى جەكە باسقارۋشى كومپانيالاردىڭ سەنىمگەرلىك باسقارۋىنا بەرىلەتىن زەينەتاقى اكتيۆتەرى زەينەتاقىمەن قامتاماسىز ەتۋ جۇيەسىندە ساقتالادى جانە زەينەتكەرلىك جاسقا جەتكەن كەزدە كەستە بويىنشا زەينەتاقى تولەمدەرىن جۇزەگە اسىرۋ، زەينەتاقى اننۋيتەتى شارتىن جاساسۋ، زاڭنامادا كوزدەلگەن وزگە ماقساتتار، ونىڭ ىشىندە تۇرعىن ءۇي جاعدايىن جاقسارتۋ جانە (نەمەسە) ەمدەلۋ ءۇشىن پايدالانىلادى.  

سونىمەن بىرگە جيناقتاردى جەكە باسقارۋعا بەرۋ كەزىندە ءتۇرلى ينۆەستيتسيالىق ستراتەگيالاردى پايدالانۋ سالىمشىلاردىڭ تاۋەكەلدەرىن ارتاراپتاندىرۋعا، نەعۇرلىم جوعارى ينۆەستيتسيالىق كىرىس الۋعا جانە، تيىسىنشە، زەينەتاقى جيناقتارىنىڭ كوبەيۋىنە ىقپال ەتەتىن بولادى.

سالىمشى ءوزىنىڭ زەينەتاقى جيناقتارىن جەكە باسقارۋشى كومپانياعا اۋدارعان كەزدە ونىڭ ءوز جيناقتارىن باسقا باسقارۋشى كومپانياعا اۋدارۋ نە ۇلتتىق بانكتىڭ باسقارۋىنا قايتارۋ قۇقىعى ساقتالادى.

 

  1. ينفلياتسيا دەڭگەيى ەسكەرىلە وتىرىپ، جەكە باسقارۋشى كومپانيالارعا بەرىلگەن زەينەتاقى جيناقتارىنىڭ ساقتالۋىنا كەپىلدى بەرىلە مە؟

سالىمشىلارعا ءوزىنىڭ زەينەتاقى اكتيۆتەرىن باسقارۋعا قاتىسۋعا، ءوزىنىڭ مەنشىكتى زەينەتاقى جوسپارىن قالىپتاستىرۋعا، ءوزىنىڭ جيناق اقشاسىن ينۆەستيتسيالاۋدىڭ بالاما ساياساتىن تاڭداۋعا جانە تاۋەكەل-دارەجەسىنىڭ ءتيىستى دەڭگەيىنە سايكەس كەلەتىن كىرىستىلىك الۋىنا مۇمكىندىك بەرىلەدى.

سالىمشى، ءوزىنىڭ زەينەتاقى جيناقتارىن سەنىمگەرلىك باسقارۋعا بەرۋ ءۇشىن ينۆەستيتسيالىق پورتفەلدى باسقارۋشىنى جانە  ينۆەستيتسيالىق ستراتەگيانى تاڭداي وتىرىپ،ى جيناقتارىن سەىنمگەرلىك باسقارۋعا بەرۋ ءۇشىن ينۆەستتسيالىق پولرتفلەدى ابسششارۋشىنى جانە  يۆنەستيتسياولىقۇ ستراتەگياينى ينۆەستيتسيالىق تاۋەكەلدەردى قابىلدايدى. وسىعان بايلانىستى، جيناقتاردى جەكە باسقارۋعا بەرۋ كەزىندە ينفلياتسيانىڭ دەڭگەيى ەسكەرىلە وتىرىپ، زەينەتاقى جيناقتارىنىڭ ساقتالۋىنا مەملەكەتتىڭ كەپىلدىگى باسقارۋشى كومپانيانىڭ سەنىمگەرلىك باسقارۋعا قابىلدانعان زەينەتاقى اكتيۆتەرى كىرىستىلىگىنىڭ ەڭ تومەنگى دەڭگەيىن قامتاماسىز ەتۋ جونىندەگى كەپىلدىگىمەن اۋىستىرىلدى.

باعالاناتىن كەزەڭنىڭ قورىتىندىسى بويىنشا باسقارۋشى العان كىرىستىلىك نومينالدىق پەن زەينەتاقى اكتيۆتەرى كىرىستىلىگىنىڭ ەڭ تومەنگى ءمانى اراسىندا تەرىس ايىرما تۋىنداعان جاعدايدا، باسقارۋشى سالىمشىعا وسى ايىرمانى مەنشىكتى كاپيتالىنىڭ ەسەبىنەن وتەۋگە ءتيىس بولادى.

كىرىستىلىكتىڭ ەڭ تومەنگى دەڭگەيى جەكە باسقارۋشى كومپانيالاردىڭ باسقارۋىنا بەرىلگەن زەينەتاقى اكتيۆتەرىنىڭ ورتاشا الىنعان كىرىستىلىگىنەن ەسەپتەلەدى.

زەينەتاقى اكتيۆتەرى بويىنشا ەڭ تومەنگى كىرىستىلىك پەن ورتاشا الىنعان كىرىستىلىكتىڭ كورسەتكىشتەرى اي سايىن ەسەپتەلەدى جانە قازاقستان رەسپۋبليكاسى ۇلتتىق بانكىنىڭ رەسمي ينتەرنەت-رەسۋرسىندا جاريالانادى.

 

  1. زەينەتاقى جيناقتارىن ءبىر باسقارۋشى كومپانيادان باسقاسىنا جىلىنا نەشە رەت اۋدارۋعا بولادى؟ زەينەتاقى جيناقتارىن ۇلتتىق بانكتىڭ باسقارۋىنا قاشان كەرى قايتارۋعا بولادى؟

زەينەتاقى جيناقتارىن سالىمشى جەكە باسقارۋشى كومپانيالارعا بەرە الادى جانە ولاردىڭ باسقارۋىندا سالىمشى زەينەتكەرلىك جاسقا جەتكەنگە دەيىن بولۋى مۇمكىن.

سالىمشى زەينەتكەرلىك جاسقا جەتكەنگە دەيىن 10 كۇن بۇرىن جەكە باسقارۋشىنىڭ سەنىمگەرلىك باسقارۋىنداعى زەينەتاقى جيناقتارى كەستە بويىنشا زەينەتاقى تولەمدەرىن جۇزەگە اسىرۋ، زەينەتاقى اننۋيتەتىن شارتىن جاساۋ ماقساتتارى نەمەسە زاڭنامادا كوزدەلگەن وزگە ماقساتتار ءۇشىن بجزق-عا قايتارۋعا جاتادى.

بۇل رەتتە بۇكىل كەزەڭ ىشىندە سالىمشىلاردا وزدەرىنىڭ جيناقتارىن باسقا باسقارۋشى كومپانياعا جىلىنا ءبىر رەتتەن ءجيى ەمەس اۋدارۋ نە زەينەتاقى جيناقتارىن جەكە باسقارۋشى كومپانياعا باستاپقى بەرگەننەن كەيىن ەكى جىل وتكەن سوڭ ۇلتتىق بانكتىڭ باسقارۋىنا قايتارۋ قۇقىعى ساقتالادى. مەرزىمدەر بويىنشا شەكتەۋ باسقارۋشىلار ءۇشىن ينۆەستيتسيالىق كەڭىستىكتى جوسپارلاۋ قاجەتتىلىگىمەن، سونداي-اق كىرىستىلىكتىڭ قىسقا مەرزىمدى قۇبىلۋى كەزىندە سالىمشىلاردىڭ وزدەرىنىڭ مۇددەلەرىن قورعاۋمەن نەگىزدەلدى. 

 

  1. قاراجاتتى باسقارۋشى قورعا بەرۋ كەزىندە تابىس سالىعى سالىنا ما؟

سالىمشى (الۋشى) بىرىڭعاي جيناقتاۋشى زەينەتاقى قورىنان بىرجولعى زەينەتاقى تولەمىن تۇرعىن ءۇي جاعدايىن جاقسارتۋ جانە (نەمەسە) ەمدەلۋ ءۇشىن اقى تولەۋ ماقساتىندا عانا الادى.

سالىمشىنىڭ ءوزىنىڭ زەينەتاقى جيناقتارىنىڭ بولىگىن جەكە باسقارۋشى كومپانياعا باسقارۋعا اۋدارۋى بىرجولعى زەينەتاقى تولەمىن الۋعا جاتپايدى، سەبەبى جەكە باسقارۋعا بەرىلۋگە ءتيىس زەينەتاقى جيناقتارى بجزق جۇيەسىندە قالادى. 

وسىلايشا، جەكە باسقارۋعا بەرىلگەن زەينەتاقى اكتيۆتەرىن جەكە باسقارۋعا بەرۋ ساتىندە تابىس سالىعى سالىنبايدى.

 

  1. جەكە باسقارۋشى كومپانيالار سالىمشىلاردىڭ زەينەتاقى جيناقتارىن قايدا سالادى؟ باسقارۋشى كومپانيالاردىڭ ينۆەستيتسيالىق ساياساتىنا قانداي دا ءبىر شەكتەۋلەر بار ما؟

قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ جونىندەگى اگەنتتىگى باسقارۋشى كومپانيالاردىڭ قىزمەتىن رەتتەۋ شەڭبەرىندە جەكە باسقارۋشى كومپانيالار باسقارۋعا قابىلدانعان زەينەتاقى اكتيۆتەرىن ولاردىڭ كرەديتتىك ساپاسىن ەسكەرە وتىرىپ ينۆەستيتسيالاي الاتىن قارجى قۇرالدارىنىڭ تىزبەسىن ايقىندادى.

بۇل تىزبە قازاقستان رەسپۋبليكاسىنىڭ جانە شەت مەملەكەتتەردىڭ مەملەكەتتىك باعالى قاعازدارىن، قازاقستاندىق، سونداي-اق شەتەلدىك ۇيىمدار شىعارعان ۇلەستىك جانە بورىشتىق مەملەكەتتىك ەمەس باعالى قاعازداردى، سونداي-اق قازاقستان رەسپۋبليكاسىنىڭ ەكىنشى دەڭگەيدەگى بانكتەرىندەگى جانە بەيرەزيدەنت-بانكتەردەگى سالىمداردى قامتيدى.

پورتفەلدى ءارتاراپتاندىرۋ ماقساتىندا زەينەتاقى اكتيۆتەرىن: ءبىر قارجى قۇرالدارى شىعارىلىمىنا، ءبىر ۇيىم جانە ونىڭ ۇلەستەس تۇلعالارى شىعارعان قارجى قۇرالدارىنا، سونداي-اق شەتەل ۆاليۋتاسىندا نومينيرلەنگەن قارجى قۇرالدارىنا ينۆەستيتسيالاۋ ليميتتەرى بەلگىلەنگەن.

بۇل رەتتە زەينەتاقى اكتيۆتەرىن ينۆەستيتسيالاۋ ستراتەگياسىن ينۆەستيتسيالىق پورتفەلدىڭ قۇرىلىمىن، قارجى قۇرالدارىنىڭ تۇرلەرى بويىنشا ينۆەستيتسيالاۋ ليميتتەرىن جانە زاڭنامادا بەلگىلەنگەن شەكتەۋلەر شەڭبەرىندە زەينەتاقى اكتيۆتەرىن ءارتاراپتاندىرۋدىڭ باسقا دا نورمالارىن ايقىندايتىن، بەكىتىلەتىن ينۆەستيتسيالىق دەكلاراتسيا شەڭبەرىندە باسقارۋشى كومپانيانىڭ ءوزى ايقىندايتىن بولادى.

 

  1. سالىمشىنىڭ قاراجاتتى جەكە باسقارۋشى كومپانياعا اۋدارعان كەزدە ونىڭ قاراجاتى ەسەبىنەن (ۆاليۋتا قۇرالدارىنىڭ ۇلەسى، ۇلەستىك جانە بورىشتىق قۇرالداردىڭ اراقاتىناسى، گەوگرافيالىق جانە سالالىق ءارتاراپتاندىرۋ جانە ت.ب.) قالىپتاساتىن پورتفەلدىڭ ولشەمدەرىن رەتتەۋگە قۇقىعى بار ما؟

جەكە باسقارۋشى كومپانيالاردىڭ زەينەتاقى اكتيۆتەرىن باسقارۋى ۇجىمدىق ينۆەستيتسيالاۋ قاعيداتتارىندا جۇزەگە اسىرىلادى، ياعني سالىمشى ءوزىنىڭ زەينەتاقى جيناقتارىن باسقارۋعا بەرە وتىرىپ، باسقارۋشى كومپانيا ايقىنداعان، زەينەتاقى اكتيۆتەرىن ينۆەستيتسيالاۋ ءۇشىن ارنايى ازىرلەنگەن ونىڭ ينۆەستيتسيالىق دەكلاراتسياسىندا بەلگىلەنگەن ينۆەستيتسيالىق ستراتەگيامەن كەلىسەدى.

باسقارۋشى كومپانيانىڭ ينۆەستيتسيالىق دەكلاراتسياسى ينۆەستيتسيالىق پورتفەلدىڭ قۇرىلىمىن، قارجى قۇرالدارىنىڭ تۇرلەرى بويىنشا ينۆەستيتسيالاۋ ليميتتەرىن جانە زاڭنامادا بەلگىلەنگەن شەكتەۋلەر شەڭبەرىندە زەينەتاقى اكتيۆتەرىن ءارتاراپتاندىرۋدىڭ باسقا دا نورمالارىن ايقىندايدى.

 

  1. باسقارۋشى كومپانيالارعا زەينەتاقى جيناقتارىن باسقارۋعا بەرۋ ءۇشىن قانداي تالاپتار قويىلادى؟

زەينەتاقى اكتيۆتەرىن باسقارۋشىلار ينۆەستيتسيالىق پورتفەلدى باسقارۋعا ليتسەنزياسى بار جانە وزدەرىن ءتيىمدى باسقارۋشى رەتىندە كورسەتكەن نارىقتاعى جۇمىس تاجىريبەسى بار جۇمىس ىستەپ تۇرعان كومپانيالاردان ىرىكتەلەتىن بولادى. بۇل كومپانيالارعا قوسىمشا ليتسەنزيالار الۋ قاجەت ەمەس.

كومپانيانى باسقارۋ زەينەتاقى اكتيۆتەرىن باسقارۋ ءۇشىن قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ اگەنتتىگى بەلگىلەيتىن قوسىمشا ساندىق جانە ساپالىق ولشەمدەرگە سايكەس كەلۋى ءتيىس.

باسقارۋشى كومپانيادا زەينەتاقى اكتيۆتەرىن ينۆەستيتسيالاۋعا بايلانىستى شىعىنداردى جابۋ ءۇشىن مەنشىكتى كاپيتالىنىڭ جەتكىلىكتى مولشەرى بولۋى ءتيىس. ونىڭ مەنشىكتى كاپيتالىنىڭ مولشەرى ونىڭ باسقارۋىنداعى زەينەتاقى اكتيۆتەرىنىڭ كولەمىنە بايلانىستى.

باسقا نەگىزگى ولشەمدەردىڭ ىشىندە كليەنتتەردىڭ اكتيۆتەرىن باسقارۋ تاجىريبەسىنىڭ جانە سوڭعى بىرنەشە جىلدىڭ قورىتىندىلارى بويىنشا قارجى-شارۋاشىلىق قىزمەتتىڭ وڭ ناتيجەلەرىنىڭ بولۋىن، سونداي-اق مەنشىك يەلەرىنىڭ قۇرىلىمىندا قاجەت بولعان جاعدايدا كومپانيانى كاپيتالداندىرۋعا قابىلەتتى ءىرى اكتسيونەردىڭ بولۋىن ءبولىپ كورسەتۋگە بولادى. بۇدان باسقا، زەينەتاقى اكتيۆتەرىن باسقارۋعا رۇقسات بەرۋ ءۇشىن باسقارۋشى كومپانيانىڭ قىزمەتىندە پرۋدەنتسيالىق نورماتيۆتەردى بۇزۋ فاكتىلەرى، ورىندالماعان قاداعالاپ دەن قويۋ شارالارى نە اگەنتتىك تاراپىنان قولدانىلعان سانكتسيالار، سونداي-اق باعالى قاعازدار نارىعىندا جوسىقسىز ارەكەت ەتۋ فاكتىلەرى بولماۋى ءتيىس.

ساندىق جانە ساپالىق ولشەمدەرگە جاۋاپ بەرەتىن كومپانيالاردىڭ ءتىزىمى اگەنتتىكتىڭ رەسمي ينتەرنەت-رەسۋرسىندا ورنالاستىرىلادى جانە اي سايىنعى نەگىزدە جاڭارتىلادى.

كومپانيالار ساپالى جانە/نەمەسە ساندىق ولشەمدەردى بۇزعان جاعدايدا، مىسالى، مەنشىكتى كاپيتال مولشەرىن ازايتۋ جاعدايىندا كومپانيالارعا كەمشىلىكتەردى جويۋعا ۋاقىت بەرىلەدى جانە قاجەت بولعان جاعدايدا قولدانىستاعى قاداعالاپ دەن قويۋ شارالارى نەمەسە سانكتسيالار قولدانىلادى.

 

  1. زەينەتاقى اكتيۆتەرىنىڭ ءبىر بولىگىن باسقارعىسى كەلەتىن باسقارۋشى كومپانيالار ءۇشىن قانداي كوميسسيا بەلگىلەۋ جوسپارلانۋدا؟ نەمەسە بۇل كەيبىر فاكتورلارعا (قانداي فاكتورلار؟) بايلانىستى بولا ما؟

«قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» قازاقستان رەسپۋبليكاسى زاڭىنىڭ 53-بابىندا بەلگىلەنگەن زەينەتاقى اكتيۆتەرىن باسقارعانى ءۇشىن ينۆەستيتسيالىق پورتفەلدى باسقارۋشىنىڭ كوميسسيالىق سىياقىسىنىڭ شەكتى شاماسى الىنعان ينۆەستيتسيالىق كىرىستىڭ 7،5%-نان اسپايتىن شەكتە بەلگىلەنەدى.

كوميسسيالىق سىياقىنىڭ ناقتى شاماسى ينۆەستيتسيالىق پورتفەلدى  باسقارۋشى مەن بجزق اراسىندا جاسالعان زەينەتاقى اكتيۆتەرىن باسقارۋ تۋرالى شارتتا بەلگىلەنەدى.

 

  1. سالىمشى مەن جەكە باسقارۋشى كومپانيا اراسىندا داۋ تۋىنداعان جاعدايدا سالىمشىلاردىڭ مۇددەلەرىن كىم قورعايدى؟ بجزق، ۇلتتىق بانك نەمەسە قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ اگەنتتىگى مە؟

زەينەتاقى اكتيۆتەرىن باسقارۋشى كومپانيالار باسقارۋشى مەن بجزق اراسىندا جاسالاتىن شارت نەگىزىندە سالىمشىلاردىڭ مۇددەلەرىن قورعايتىن ۇيىم رەتىندە باسقاراتىن بولادى. شارتتىڭ ۇلگىلىك نىسانى قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ اگەنتتىگىنىڭ نورماتيۆتىك قۇقىقتىق اكتىسىمەن انىقتالادى.

شارتقا سايكەس بجزق سالىمشىلاردىڭ مۇددەلەرىن بىلدىرەتىندىگىن ەسكەرە وتىرىپ، ولاردىڭ مۇددەلەرىن قورعاۋدى دا بجزق جۇزەگە اسىراتىن بولادى.

ءوز كەزەگىندە ۇلتتىق بانك پەن اگەنتتىك ءوز قۇزىرەتى شەگىندە سالىمشىلاردىڭ مۇددەلەرىن قورعايدى.

 

  1. جەكە باسقارۋشى كومپانيالارعا سەنىمگەرلىك باسقارۋعا بەرىلگەن سالىمشىلاردىڭ زەينەتاقى جيناقتارى قايدا جانە قالاي ساقتالادى جانە ەسەپكە الىنادى؟ باسقارۋشى كومپانيا ليتسەنزياسىنان ايىرىلعان نە تاراتىلعان جاعدايدا  سالىمشىلاردىڭ اكتيۆتەرى نە بولادى؟

سەنىمگەرلىك باسقارۋعا بەرىلگەن زەينەتاقى اكتيۆتەرىن ەسەپكە الۋ جانە ساقتاۋ باسقارۋشى كومپانيامەن ۇلەستەس ەمەس كاستوديان بانكتە اشىلعان بجزق شوتىندا جۇزەگە اسىرىلادى.

كاستوديان بانكتىڭ نەگىزگى مىندەتتەرىنىڭ ءبىرى  زەينەتاقى اكتيۆتەرىنىڭ ماقساتتى پايدالانىلۋىن جانە زەينەتاقى اكتيۆتەرى ەسەبىنەن ساتىپ الىناتىن قارجى قۇرالدارىنىڭ زاڭناما تالاپتارىنا جانە باسقارۋشى كومپانيانىڭ ينۆەستيتسيالىق دەكلاراتسياسىنا سايكەستىگىن باقىلاۋدى جۇزەگە اسىرۋ بولىپ تابىلادى.

سالىمشىلاردىڭ ارقايسىسىنىڭ زەينەتاقى جيناقتارىن جەكە ەسەپكە الۋدى قامتاماسىز ەتۋ ماقساتىندا بجزق سالىمشىلاردىڭ جەكە زەينەتاقى شوتتارى بولىگىندە ءوزىنىڭ اقپاراتتىق جۇيەسىندە جەكە باسقارۋعا بەرىلگەن زەينەتاقى جيناقتارىن ەسەپكە الۋدى جالعاستىرادى.

باسقارۋشى كومپانيا ءوزىنىڭ زەينەتاقى اكتيۆتەرىن ىشكى ەسەپكە الۋ جۇيەسىنىڭ دەرەكتەرىن كاستوديان بانكتىڭ جانە بجزق دەرەكتەرىمەن سايكەستىگىنە كاستوديان شارتىندا بەلگىلەنگەن كەزەڭدىلىكپەن (كۇن سايىن، اپتا سايىن جانە اي سايىن) ءۇش جاقتى سالىستىرۋدى جۇرگىزەتىن بولادى. بۇل كاستوديان شارتىنىڭ ءاربىر تاراپىنىڭ زەينەتاقى اكتيۆتەرىن ەسەپكە الۋدىڭ اشىقتىعى مەن سەنىمدىلىگىن قامتاماسىز ەتەدى جانە سايكەسىنشە سالىمشىلاردىڭ زەينەتاقى اكتيۆتەرىنىڭ ساقتالۋىن قامتاماسىز ەتەدى.

باسقارۋشى كومپانيا ليتسەنزياسىنىڭ قولدانىسى توقتاتىلا تۇرعان نەمەسە ليتسەنزيادان ايىرعان جاعدايدا، كاستوديان بانكتە ساقتاۋدا تۇرعان  زەينەتاقى اكتيۆتەرى بجزق-نىڭ ۇلتتىق بانكتەگى كاستوديان شوتىنا قايتارىلادى.

 

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار