26 قاڭتار كۇنى ساعات 10:15-تە №51 مەكتەپ-گيمنازياسىنىڭ ەلەكتروندى مەكەن جايىنا مەكتەپكە بومبا قويىلعانى تۋرالى حابارلاما كەلىپ ءتۇستى. بارلىق شۇعىل قىزمەتتەر دەرەۋ وقيعا ورنىنا شىقتى. وقۋشىلاردى, وقىتۋشىلار قۇرامى مەن تەحنيكالىق پەرسونالداردى ەۆاكۋاتسيالاۋ ۇيىمداستىرىلدى. بارلىعى 550-دەن استام ادام ەۆاكۋاتسيالاندى. ارنايى بولىمشە ساپەرلەرى بارلىق عيماراتتارعا جارىلعىش قۇرىلعىلاردى انىقتاۋ ءۇشىن تەكسەرۋ جۇرگىزدى.
جارىلعىش قۇرىلعىلار تابىلعان جوق. اتالعان فاكتى بويىنشا سوتقا دەيىنگى تەرگەۋ باستالدى.
پوليتسيا دەپارتامەنتى كۇدىكتىنى انىقتاۋعا جانە ۇستاۋعا باعىتتالعان جەدەل ءىس-شارالار جۇرگىزۋدە. ەستەرىڭىزدە بولسا, 18 قاڭتار كۇنى اتالعان مەكتەپتىڭ مەكەن-جايىنا ءدال وسى سىندى حابارلاما كەلىپ تۇسكەن بولاتىن. ازىرگە حابارلاما جازعان ادام ءالى انىقتالمادى.
