ايماقتار • 27 قاڭتار، 2021

نۇر-سۇلتاندا ءۇي ىشىنە گاز ورناتۋ قۇنى 30%-دان استام ارزاندادى

7 رەت كورسەتىلدى

نۇر-سۇلتاندا ءۇي ىشىنە تىكەلەي گاز ورناتۋ قۇنى 30%-دان استام تومەندەدى، دەپ حابارلايدى Egemen.kz قالا اكىمدىگىنىڭ سايتىنا سىلتەمە جاساپ.

ەلوردا اكىمدىگى مونتاجداۋ جۇمىستارىنىڭ قۇرىلىسىنا ماماندانعان جەكە ۇيىمدارمەن بىرنەشە رەت كەزدەسۋ وتكىزدى.

وسىلايشا، مىسالى، ء"اليا سەرۆيس" جشس ءۇي ىشىندە گاز وتكىزۋ قۇنىن 240 مىڭ تەڭگەدەن 150 مىڭ تەڭگەگە دەيىن تومەندەتتى (37،5% - عا)، "قازترانسگاز ايماق" اق - 123 مىڭ تەڭگەگە جۋىق جانە باسقا دا بىرقاتار جەكە ۇيىم ءۇي ىشىنە گاز وتكىزۋ قۇنىن ارزانداتتى. بۇل سوماعا گاز جابدىعى مەن جيىنتىقتاۋىشتاردىڭ قۇنى كىرمەيدى.

ەستەرىڭىزگە سالا كەتەيىك، تۇرعىن ءۇي الاپتارىندا گاز تاراتۋ جەلىلەرىن، ونىڭ ىشىندە تۇرعىن ۇيلەر بويىنداعى ورامىشىلىك جەلىلەردى سالۋمەن نۇر-سۇلتان اكىمدىگى اينالىسادى، ال ءۇي ىشىنە تىكەلەي جەتكىزۋىنە جەكە ۇيىمدار جاۋاپتى.

تۇرعىندار كەز-كەلگەن مامانداندىرىلعان كومپانيانى تاڭداۋعا قۇقىلى. جوبانىڭ الەۋمەتتىك ماڭىزدىلىعىن ەسكەرە وتىرىپ، اكىمدىك جەكە ۇيىمدارمەن مونتاجداۋ جۇمىستارىنىڭ قۇنىن تومەندەتۋ بويىنشا كەلىسسوزدەر جۇرگىزۋدە. ەسەپتەگىشتەردىڭ وزدەرى ازاماتتارعا تەگىن بەرىلەدى.

قالانى گازداندىرۋ ءۇش كەزەڭ بويىنشا جۇرگىزىلەدى. بيىلعى جىلىتۋ ماۋسىمىندا جەلەزنودوروجنىي، كوكتال-2، اگروقالاشىقتىڭ ءبىر بولىگى گازعا كوشىرىلەدى. سونىمەن قاتار، كوكتال-1، پرومىشلەننىي، وڭتۇستىك-شىعىس تۇرعىن الاپتارىندا قۇرىلىس-مونتاجداۋ جۇمىستارى جۇرگىزىلۋدە.

اتالعان تۇرعىن الاپتاردا گازبەن جابدىقتاۋدىڭ ىشكى جەلىلەرىن جۇرگىزگەن تۇرعىندار گازعا قوسىلۋ ءۇشىن "قازترانسگاز ايماق" اق-عا جۇگىنە الادى (رەسپۋبليكا داڭعىلى، 24، "پاراسات" بو). بۇل ۇيىم گازبەن جابدىقتاۋدىڭ ىشكى جەلىلەرىنىڭ قاۋىپسىزدىگىمەن جانە تىكەلەي قوسىلۋىن تەكسەرۋمەن اينالىسادى، سونداي-اق ودان ءارى پايدالانۋعا جاۋاپ بەرەدى.

ەلوردانى گازداندىرۋ - ەلباسىنىڭ تاريحي جوباسى. ول ەكولوگيانى جاقسارتىپ قانا قويماي، جەكە سەكتور تۇرعىندارىنىڭ ءومىر ءسۇرۋ جاعدايىن ايتارلىقتاي جەڭىلدەتەدى.

گازداندىرۋ پروتسەسى مەملەكەت باسشىسىنىڭ باقىلاۋىندا.

فوتو: الەكساندر كۋپريەنكو

سوڭعى جاڭالىقتار

ۇقساس جاڭالىقتار