جەلتوقساننىڭ 15-ءى كۇنى استانادا قازاقستان بوكس فەدەراتسياسىنىڭ كۋبوگى ءۇشىن استانا قالاسى مەن ماڭعىستاۋ وبلىسى قۇرامالارى اراسىندا فينالدىق كەزدەسۋ بولىپ ءوتتى. وندا ەلوردا جاساعى 6:4 ەسەبىمەن جەڭىسكە جەتتى.
جەلتوقساننىڭ 15-ءى كۇنى استانادا قازاقستان بوكس فەدەراتسياسىنىڭ كۋبوگى ءۇشىن استانا قالاسى مەن ماڭعىستاۋ وبلىسى قۇرامالارى اراسىندا فينالدىق كەزدەسۋ بولىپ ءوتتى. وندا ەلوردا جاساعى 6:4 ەسەبىمەن جەڭىسكە جەتتى.
كەزدەسۋ باستان-اياق تارتىسقا تولى بولدى. ول سوڭعى ەكى ۇرىس قالعانعا دەيىن ەسەپتىڭ 4:4 بولىپ تۇرعانىنان دا كورىنەدى. ال رينگكە ءبىرىنشى بولىپ شىققان 49 كيلوداعى ازات قامزين (استانا) مەن قۋانىشباي سارسەنباەۆ (ماڭعىستاۋ) اراسىنداعى ايقاستا بۇلاردىڭ ءبىرىنشىسى 3:0 (29:28, 29:28, 30:27) ەتىپ ۇتتى. كەلەسى كەزەكتە ونىڭ جەڭىسىن ءىلياس سۇلەيمەنوۆ (52 كگ) جالعاستىردى. ول نۇرجان قوشانوۆتى 3:0 (30:27, 30:27, 30:27) ەسەبىمەن تىزە بۇكتىردى. ال 56 كيلوعا دەيىنگى مەيىربولات تويىتوۆ بۇل ەسەپتى 3:0-گە دەيىن ءوسىردى. ونىڭ قانات كوپتىلەۋوۆپەن شايقاسى دا جوعارىداعى ەسەپتى اينا-قاتەسىز قايتالادى.
وسىدان كەيىن عانا مۇنايلى تۇبەكتىڭ جامپوزدارى ءوز سوزدەرىن ايتا ءبىلدى. اتاپ ايتقاندا, الدىمەن 60 كيلوداعى بەرىك ءابدىراحمانوۆ قارسىلاسى دارحان جۇمساقباەۆتى 3:0 (30:27, 30:27, 30:27) ەسەبىمەن ۇتسا, سوسىن 64 كيلوداعى جانىبەك ءاجىباي ءۆيزاۆيى ءداۋلەت ءداۋكەنوۆتى ءدال وسىنداي ەسەپپەن تىزە بۇكتىردى.
ال 69 كيلوعا دەيىنگى سالماقتا استانالىق مەيىرىم نۇرسۇلتانوۆ ماڭعىستاۋلىق سۋلەيمان بەردۋكاەۆتى ەكىنشى راۋندتا تەحنيكالىق نوكاۋتپەن جەڭدى. كەلەسى سالماقتا (75 كگ) ماڭعىستاۋلىق ەرىك ءالجانوۆ وسى نوكاۋتتىڭ ەسەسىن قايتاردى. ول اسلانبەك داربەكتى ەكىنشى راۋندتا قايتىپ وزىنە بەتتەتپەي قويدى. وسىلايشا ەسەپ 4:3-كە توقتادى. ال 81 كيلوداعى ادىلبەك نيازىمبەتوۆ استانالىق داۋرەن ەلەۋسىنوۆتى 3:0 (29:28, 29:28, 30:27) ەتىپ قاپى قالدىرىپ, كوماندالىق ەسەپتى 4:4-كە جەتكىزدى.
ەندى ءبارىن سوڭعى ەكى جەكپە-جەك شەشەتىن بولدى. مۇندا استانا بىلعارى قولعاپ شەبەرلەرىنىڭ ابىرويلارى اسىپ كەتتى. اۋەلى 91 كيلوعا دەيىنگى سالماقتاعى ۆاسيلي لەۆيت ءوز ارىپتەسى ازامات ابىلەۆتى ءبىرىنشى راۋندتا تەحنيكالىق نوكاۋتپەن الاڭنان شىعارىپ تاستادى. سوڭىنان 91 كيلودان اۋىر سالماقتا ەرمەك ۇسەنوۆ قارسىلاسى ماعجان بازاربايدان باسىم ءتۇستى.
ءسويتىپ, استانا قۇراماسى ەكىنشى مارتە كۋبوكقا قول جەتكىزدى. ال وتكەن جىلى عانا كۋبوكتى ارقالاپ قايتقان ماڭعىستاۋ مارقاسقالارى وسىمەن 4 ماۋسىمنىڭ 3-ۋىندە فينالدا شايقاسىپ وتىر.
تاعى ءبىر دەرەك, استانا كومانداسى جارتىلاي فينالدا وڭتۇستىك قازاقستان قۇراماسىنان 6:5 ەسەبىمەن اسىپ تۇسسە, ماڭعىستاۋ وبلىسى قاراعاندى جاساعىن 7:3 ەتىپ ەڭسەرگەن ەدى.
دامير قوجامقۇل.
