ايماقتار • 26 قاڭتار، 2021

الماتى دارىگەرلەرى ىندەت اۋامەن تارايتىنىن تاعى ەسكە سالدى

38 رەت كورسەتىلدى

الماتى قالاسىنىڭ №32 قالالىق ەمحاناسىنىڭ باس دارىگەرى ارتۋر قاجىباەۆ وكق بريفينگىندە مەگاپوليستەگى كۇردەلى ەپيدەميالىق جاعدايعا بايلانىستى قالا تۇرعىندارىنا بىرقاتار ۇسىنىستار ايتتى، دەپ حابارلايدى Egemen.kz

«بىرىنشىدەن، بەتپەردە كيىپ، ادامدار كوپ جينالاتىن ورىندارعا بارماۋ، قولعا قولعاپ كيۋ. ۇيگە كەلگەننەن كەيىن قولدى جۋ. ادامدارمەن كەزدەسكەن كەزدە 1،5-2 مەتر قاشىقتىقتى ساقتاۋ قاجەت. باستىسى ادامدار كوپ توپتاسىپ جينالاتىن جەرلەرگە بارماۋ كەرەك»،  دەيدى ارتۋر قاجىباەۆ.

«قولعاپ كيۋ وتە ماڭىزدى، ويتكەنى ەگەر قولعاپسىز قولىمىزدا ينفەكتسيا بولسا، ءبىز ونى بايقامايمىز جانە اۆتوماتتى تۇردە بەتىمىزدى قولمەن ۇستايمىز – سولاي ءبىز تەز جۇقتىرۋىمىز مۇمكىن. قازىرگى ۋاقىتتا بەتپەردەلەر ەڭ ماڭىزدى ساقتىق شارالارىنىڭ ءبىرى بولىپ تۇر. ادامدار ءبىر-بىرىمەن سويلەسكەن كەزدە ينفەكتسيا اۋا ارقىلى تارالادى، سوندىقتان قالا تۇرعىندارىنا بەتپەردە مەن قولعاپ كيگەن دۇرىس»، دەدى باس دارىگەر.

ەستەرىڭىزگە سالا كەتەيىك، الماتىداعى ىندەت وشاقتارى تۋرالى اقپاراتقا سايكەس، جۇقتىرۋ وقيعالارىنىڭ 39،6%-ى قوعامدىق ورىندارعا; 27،5%-ى – وتباسىندا كۆي-مەن اۋىراتىن ناۋقاسپەن قارىم-قاتىناس جاساۋعا; 20،3%-ى – كولىكپەن جۇرۋگە تيەسىلى. ارتۋر قاجىباەۆ كۆي-دەن تۇسكەن ادامداردى جۇقتىرۋدىڭ سەبەپتەرى تۋرالى ەمحانا بولىنىسىندە حابارلادى.

«جۇقتىرۋ سەبەپتەرىنە كەلەتىن بولساق، الدىڭعى كەزەككە ­– جاڭا ناۋقاستاردىڭ ونىڭ الدىندا ىندەت جۇقتىرعانداردىڭ  ادامدارمەن قارىم-قاتىناستا بولۋى شىعىپ وتىر. ەكىنشى ورىنعا ادامدار كوپ جينالاتىن جەرلەردە بولعاندار جانە قوناق شاقىرىپ، قوناققا، مىسالى، تويعا بارعاندار جايعاسادى. مىسالى، ازىق-ت ۇلىك دۇكەندەرىنەن – 36%، قوعامدىق كولىكتەردەن – 13%، بازارلاردان – 12%. بۇل ءبىزدىڭ ەمحانادا باقىلاۋعا الىنعان 23 ادامنىڭ جۇقتىرۋ وقيعالارى. كوبىنەسە ىندەتكە شالدىعۋ الدىن الۋ شارالارىن ەسكەرمەۋمەن بايلانىستى بولىپ وتىر»، دەيدى باس دارىگەر.

سپيكەر سونداي-اق ءموبيلدى بريگادانى قانداي جاعدايلاردا دەرەۋ شاقىرۋ كەرەك دەگەن سۇراققا جاۋاپ بەردى.

«ەگەر جرۆي بەلگىلەرى – جوتەل، دەنە قىزۋى پايدا بولسا، وندا ەمدەلۋشىگە ەمحاناعا جۇگىنۋ كەرەك – تىركەۋ بولىمىنە قوڭىراۋ شالۋ قاجەت. تىركەۋ ورنىندا ءموبيلدى بريگاداعا اۋىستىرادى، ءموبيلدى بريگادا كەلىپ، قىزمەت كورسەتەدى. ەڭ الدىمەن، ولار ء(موبيلدى بريگادا) دا قوڭىراۋ شالىپ، جاعدايىنا باعا بەرىپ، سودان كەيىن كەلىپ كومەك كورسەتەدى. ءموبيلدى بريگادا كەلىپ، قاراپ، اۋرۋحاناعا جاتقىزۋ قاجەت دەگەن بەلگىلەردى كورسە، ناۋقاس اۋرۋحاناعا جاتقىزىلادى. بۇل رەتتە ناۋقاس 14 كۇن بويى باقىلاۋدا بولادى»، دەپ ءتۇسىندىردى ارتۋر قاجىباەۆ

سوڭعى جاڭالىقتار

ۇقساس جاڭالىقتار