پاندەميا جاعدايىنداعى الماتىدا مساك ءرولى كۇشەيتىلدى

مەديتسينا • 26 قاڭتار، 2021

پاندەميا جاعدايىنداعى الماتىدا مساك ءرولى كۇشەيتىلدى

11 رەت كورسەتىلدى

الماتى قالاسىنىڭ №32 قالالىق ەمحاناسىنىڭ باس دارىگەرى ارتۋر قاجىباەۆ بۇگىنگى وكق بريفينگىندە COVID-19 جۇقتىرعان ادامداردى ۇيدە ەمدەۋدە العاشقى مەديتسينالىق-سانيتارلىق كومەك ۇيىمدارىنىڭ جۇمىسى تۋرالى باياندادى، دەپ حابارلايدى Egemen.kz

ايناش ەسالى

«پاندەمياعا بايلانىستى كۇردەلى جاعدايدى ەسكەرە وتىرىپ، الماتى قالاسىنىڭ اكىمى باقىتجان ساعىنتاەۆتىڭ تاپسىرماسى بويىنشا COVID-19-عا قارسى كۇرەستە مساك ءرولى كۇشەيتىلدى.

«№32 قالالىق ەمحاناعا» تىركەلگەن تۇرعىندار سانى – 34 653 ادام بولسا، ونىڭ ىشىندە 11 811 بالا، 22 842 ەرەسەك ادام بار، ونىڭ ىشىندە 70-تەن اسقاندار – 2005. ەمحانانىڭ جوسپارلى قۋاتتىلىعى اۋىسىمىنا 450 كەلۋشىنى قۇرايدى.

مەديتسينالىق جابدىقتاردىڭ ىشىنەن ەمحانادا مرت، تۇز شاحتاسى، لور-كومباين، ەلەكتروەنتسەفالوگراف، اق جانە ەكگ حولتەرلىك مونيتورلەۋگە ارنالعان اپپارات، سپيرومەتر، ستوماتولوگيالىق قوندىرعى، ەكگ اپپاراتتارى بار.

ەمحانادا كۆي-مەن كۇرەسۋ جوسپارى ازىرلەندى، وعان ينفەكتسيا كوزىنە، قوزدىرعىشتىڭ بەرىلۋ مەحانيزمىنە، الەۋمەتتىك سەزىمتال كونتينگەنتكە قاتىستى ءىس-شارالار، سونداي-اق ءدارى-دارمەكپەن قامتاماسىز ەتۋ جانە ماتەريالدىق-تەحنيكالىق جاراقتاندىرۋ كىرەدى»، - دەدى باس دارىگەر.

سونداي-اق دەنساۋلىق ساقتاۋ مينيسترلىگىنىڭ 2020 جىلعى 13 تامىزداعى № 505 «COVID-19 كۇدىكتى جانە اۋرۋى بار ناۋقاستارعا مەديتسينالىق كومەكتى ۇيىمداستىرۋ تۋرالى» بۇيرىعىنا سايكەس مەديتسينالىق ۇيىمداردا COVID-19 بار ناۋقاستاردى امبۋلاتوريالىق باقىلاۋ بويىنشا ۋاقىتشا ءموبيلدى بريگادالار قۇرىلدى.

بۇگىندە مەديتسينالىق باقىلاۋدا 23 ادام بار، ونىڭ ىشىندە وڭ ناتيجە راستالعان – 21، پنەۆمونيامەن – 9 ادام جانە 3 بالا، 65 جاستان جوعارى 5 پاتسيەنت بار. قالا ستاتسيونارلارىندا كۆي-مەن 6 ناۋقاس ەمدەلۋدە.

بۇل ەمحانادا 14 قىزمەتكەردەن تۇراتىن 7 ءموبيلدى توپ جۇمىس ىستەيدى. ولاردىڭ جۇكتەمەسى ەپيدەميالىق جاعدايعا جانە تىركەلگەن حالىق سانىنا بايلانىستى بولىنەدى. بۇل بريگادالار جەدەل رەسپيراتورلىق اۋرۋ بەلگىلەرى بار جانە كۆي كۇدىگى بار نەمەسە كوروناۆيرۋستىق ينفەكتسياسى بار ناۋقاستارعا ۇيدە قىزمەت كورسەتۋ ءۇشىن قۇرىلعان.

ءموبيلدى بريگادالار مەديتسينالىق قىزمەتتەر كەشەنىن كورسەتەدى (شاقىرۋلارعا قىزمەت كورسەتۋ، پاتسيەنتتەرگە كەڭەس بەرۋ (اۋديو-ۆيدەو)، تەلەمەديتسينا ورتالىعىمەن جۇمىس ىستەيدى، چەك-پاراقتى تولتىرۋعا ۇيرەتەدى. سونداي-اق، ءدارى-دارمەكتەردى ۇيگە تاعايىندايدى جانە جەتكىزەدى.

2020 جىلدىڭ ناۋرىز ايىنان بەرى 316 پاتسيەنتكە كەڭەس بەرىلدى، ونىڭ 286-سى پتر (كۆي) وڭ ناتيجەسىمەن، 2021 جىلدىڭ 1 قاڭتارىنان باستاپ 26 پاتسيەنت باقىلاۋدا. ونىڭ ىشىندە 23 پاتسيەنت كۆي جۇقتىرعان. زاماناۋي گادجەتتەرى بار بارلىق پاتسيەنتتەرمەن بەينە-قوڭىراۋلار ارقىلى كەڭەس بەرىلدى. بۇدان باسقا، ماماندار بيولوگيالىق ماتەريالداردىڭ ۇلگىلەرىن الۋدى جۇرگىزەدى (2020 جىلى 2171 پاتسيەنتتەن پتر الۋ جۇرگىزىلدى، ونىڭ ىشىندە وڭ ءماندى – 85 ادام (4%) قۇرايدى، 2021 جىلعى 1 قاڭتاردان باستاپ – 221 پتر الىندى، ونىڭ ىشىندە وڭ ءماندى– 9 ادام (4%) قۇرايدى. سونىمەن قاتار، دارىلىك زاتتاردى تاعايىندالادى جانە ۇيگە جەتكىزىلەدى.

«ۋاقتىلى ەمدەۋ ناۋقاستى تەز وڭالتادى. پاندەميا كەزەڭىندە 316 ناۋقاستى ءموبيلدى توپ قاراپ شىقتى، ولاردىڭ 90%-دان استامى قالپىنا كەلدى»، - دەدى باس دارىگەر.

مساك ماماندارىنىڭ ءىس-قيمىل الگوريتمى تومەندەگىدەي:

باقىلاۋ پاراعى بويىنشا جالپى جاعدايدى باعالاۋ ءۇشىن پاتسيەنتتەرگە كۇندەلىكتى ءبىر رەتتىك قوڭىراۋ شالۋ (تەمپەراتۋرا، جوتەل، ەنتىگۋ، السىزدىك جانە ت.ب.)، ساتۋراتسيانى ولشەۋ، ياعني وكپەنىڭ وتتەگىمەن قانىعۋىن (كۇن سايىن ۇيگە بارىپ). قاجەت بولعان جاعدايدا بەينە كەڭەس بەرۋ، بىراق 3 كۇندە 1 رەتتەن كەم ەمەس; كورسەتكىشتەر بويىنشا بەيىندى مامانداردىڭ كونسۋلتاتسيالارى جۇرگىزىلەدى;
ەگەر پاتسيەنتتە كۆي بەلگىلەرى بولماسا، وندا باقىلاۋ بۇرىنعى رەجيمدە جالعاسادى-14 كۇنگە دەيىن، ەگەر كوروناۆيرۋستىق ينفەكتسيانىڭ بەلگىلەرى پايدا بولسا، پاتسيەنت دەرەۋ اۋرۋحاناعا جاتقىزىلادى.

«ايتا كەتۋ كەرەك، ءبىزدىڭ ۇيىمدا كوروناۆيرۋستىق ينفەكتسيانى ەمدەۋگە ارنالعان ءدارى-دارمەكتەر جەتكىلىكتى مولشەردە»، دەدى باس دارىگەر.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز