قازاقستان • 26 قاڭتار، 2021

دەپۋتاتتار نوتاريۋس قىزمەتىن تسيفرلاندىرۋدىڭ مۇمكىندىكتەرىن تالقىلادى

3 رەت كورسەتىلدى

سەنات دەپۋتاتتارى كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنىڭ كەڭەيتىلگەن وتىرىسىندا نوتاريۋس ماسەلەلەرى جونىندەگى زاڭ جوباسىن تالقىلادى.

نەگىزگى وزگەرىستەردىڭ ءبىرى - بىرىڭعاي اقپاراتتىق جۇيەنىڭ جۇمىسىن رەتتەۋ، قۇجاتتاردى ساقتاۋ مەن ەسەپكە الۋ ءۇشىن ەلەكتروندى مۇراعات قالىپتاستىرۋ ەرەجەلەرىن قالىپتاستىرۋ بولىپ تابىلادى.

تسيفرلاندىرۋ باعىتىنداعى وزگەرىستەر نوتاريالدىق قىزمەتكە دە اسەر ەتەدى. تىركەۋ جۇمىستارى جەڭىل ءارى ءتيىمدى ءوتۋى ءۇشىن ەلەكتروندىق قۇجاتتار قاعاز قۇجاتتارمەن تەڭ دەڭگەيدە قاراستىرىلۋى قاجەت بولادى. مۇنىڭ ءبارى قازىرگى زامانعى تسيفرلىق تەحنولوگيالاردى قولدانۋعا جانە نوتاريات تۋرالى زاڭناماداعى قۇقىقتىق ولقىلىقتاردى جويۋعا مۇمكىندىك بەرەدى.

«تۇزەتۋلەر نوتاريات سالاسىنداعى زاڭنامانى ودان ءارى جەتىلدىرۋ ءۇشىن، جەكە جانە زاڭدى تۇلعالاردىڭ قۇقىقتارى مەن مۇددەلەرىن قورعاۋدىڭ جۇيەسىن قامتاماسىز ەتۋ ماقساتىندا ازىرلەندى»، - دەدى كوميتەت توراعاسى ۆلاديمير ۆولكوۆ.

تۇزەتۋلەر قابىلدانعاننان كەيىن نوتاريات قىزمەتىنىڭ تيىمدىلىگى جانە سالاداعى زاڭدىلىقتىڭ ساقتالۋ دەڭگەيى ارتادى دەپ كۇتىلۋدە.

زاڭ جوباسى پارلامەنت دەپۋتاتتارىنىڭ باستاماسىمەن ازىرلەنگەن بولاتىن.

سوڭعى جاڭالىقتار

ۇقساس جاڭالىقتار