ەلىمىزدىڭ باس قالاسى –استانادا «قازاق سوزدىگى» اتتى ءبىر تومدىق تۇسىندىرمە سوزدىگى جيناعىنىڭ تۇساۋكەسەر ءراسىمى بولدى. بۇل تۋرالى «24 kz» حابارلادى.
بۇل قۇندى جيناق مادەنيەت جانە اقپارات مينيسترلىگىنىڭ قولداۋىمەن جارىققا شىقتى. ال وسى ۋاقىت ارالىعىنا دەيىن 80 مىڭ ءسوز بەن ءسوز تىركەسىن قامتىعان «وزبەك ءتىلىنىڭ تۇسىندىرمە سوزدىگى», قىرعىزداردىڭ 50 مىڭ ءسوز بەن ءسوز ايقىشىن قامتىعان ەكى تومدىق «قىرعىز ءتىلىنىڭ سوزدىگى», تۇرىكتەردىڭ 92 292 ءسوزدى قامتىپ, 122 423 ءسوز ماعىناسى كەلتىرىلگەن «تۇرىكشە سوزدىكتەرى» شىعارىلدى. وسى ورايدا «قازاق سوزدىگى» 106 مىڭ اتاۋ ءسوز بەن 48 300 ءسوز تىركەسىن قامتىعان بىرەگەي سوزدىككە اينالىپ وتىر. مەملەكەت باسشىسى وسى سوزدىككە ارناعان العى سوزىندە بىلاي دەدى: «ءتىل – ۇلتپەن بىرگە جاساپ, تولاسسىز تولىعىپ وتىراتىن قۇبىلىس. قولدارىڭىزعا ۇستاپ وتىرعان «قازاق سوزدىگى» - ءبىزدىڭ مەملەكەتتىك ءتىلىمىزدىڭ تۇركى تىلدەر توبىنداعى ەڭ باي ءتىل ەكەندىگىن ايعاقتايتىن بىرەگەي باسىلىم».
وسى قۇندى جيناقتىڭ ماڭىزى تۋرالى مادەنيەت جانە اقپارات ءمينيسترى م. قۇل-مۇحاممەد تە ءوز پىكىرىن بىلدىرگەن بولاتىن: «بۇل سوزدىكتە 106 مىڭ اتاۋ ءسوز بەن 48 300 ءسوز تىركەسى قامتىلىپ وتىر. جالپى ايتقاندا, دۇنيە جۇزىندەگى 30-دان استام تۇركى تىلدەرىنىڭ ىشىندەگى ەڭ بايى قازاق ءتىلى ەكەندىگىن دالەلدەيتىن باسىلىم».
باقىتبەك كەنەش ۇلى.
دەرەككوز: «24 kz»
