تەننيس • 26 قاڭتار، 2021

جەرلەسىمىز اتر چەمپيوندىق جارىسىندا ءۇشىنشى ورىنعا كوتەرىلدى

1 رەت كورسەتىلدى

كاسىبي تەننيسشىلەر قاۋىمداستىعى اتر چەمپيوندىق جارىسىنىڭ 25 قاڭتارعا ارنالعان رەيتينگىن جاريالادى دەپ حابارلايدى Egemen.kz Olympic.kz سايتىنا سىلتەمە جاساپ. 

جاڭارعان رەيتينگ بويىنشا قازاقستاندىق الەكساندر بۋبليك ءۇشىنشى ساتىعا كوتەرىلدى. ايتا كەتەلىك، بۋبليك قاڭتار ايىندا تۇركيانىڭ انتاليا قالاسىندا وتكەن اتر 250 ساناتىنداعى ءتۋرنيردىڭ فينالىنا جولداما العان ەدى. 

الايدا، تەننيسشى جاراقاتىنا بايلانىستى فينالدان باس تارتىپ، ءتۋرنيردى ەكىنشى ورىنمەن اياقتادى. وسىعان وراي، بۇگىن جاريالانعان اتر چەمپيوندىق جارىسىنىڭ رەيتينگىندە بۋبليك ۇزدىك ۇشتىككە ەندى. 

ءبىرىنشى ورىندى اۆستراليالىق الەكس دە مينور مەن پولشالىق حۋركاچ يەلەنگەن. ەكى سپورتشىدا دا 250 ۇپايدان بار. ءۇشىنشى ورىندى 150 ۇپاي جيناعان قازاقستاندىق الەكساندر بۋبليك پەن امەريكالىق سەباستيان كوردا ءوزارا بولىسكەن.

ايتا كەتەلىك، الەكساندر بۋبليك اتر رەيتينگىندى 45-ءشى ورىندا كەلەدى. 

سوڭعى جاڭالىقتار

ۇقساس جاڭالىقتار