الەم • 26 قاڭتار، 2021

ءۇندىستاندا ەكپە تۋرالى قاۋەسەت تاراتقاندار جازاعا تارتىلادى

1 رەت كورسەتىلدى

ءۇندىستاندا كوروناۆيرۋسقا قارسى ۆاكتسينالاۋ تۋرالى جالعان اقپاراتپەن كۇرەس كۇشەيتىلدى، دەپ حابارلايدى Egemen.kz «حابار 24» سايتىنا سىلتەمە جاساپ.

ەندى وسى ماسەلەگە قاتىستى قاۋەسەت تاراتقاندار قىلمىستىق جاۋاپكەرشىلىككە تارتىلۋى مۇمكىن. ويتكەنى سوڭعى ۋاقىتتا الەۋمەتتىك جەلىلەر مەن اقپارات قۇرالدارىندا جەرگىلىكتى ەكپەلەردىڭ قاۋىپسىزدىگى مەن تيىمدىلىگىنە قاتىستى دايەكسىز مالىمەتتەر كوبەيگەن. سالدارىنان ۆاكتسينادان باس تارتىپ جاتقاندار از ەمەس. ماسەلەن، ەل استاناسى نيۋ-دەليدە جۇرگىزىلگەن ساۋالناماعا قاتىسقاندارىڭ 62 پروتسەنتى ەكپەگە قارسى ەكەندەرىن ايتقان. جالپى، الەمدەگى ۆاكتسينالاردىڭ 60 پروتسەنتى وسى ءۇندىستاندا وندىرىلەدى. قازىر مۇندا كوروناۆيرۋسقا قارسى بىرنەشە ەكپەنى ازىرلەۋ جانە كلينيكالىق سىناقتان وتكىزۋ جۇمىستارى ءجۇرىپ جاتىر. 16 قاڭتاردان باستاپ جەرگىلىكتى ەكى پرەپارات وندىرىسكە ەنگىزىلىپ، حالىققا سالىنۋدا.   

تاپاس رادجان بەحەرا، دارىگەر:

– ۆاكتسيناعا قاتىستى جالعان اقپاراتتىڭ تارالۋى ۇلكەن پروبلەماعا اينالدى. ويكتەنى سوڭعى ۋاقىتتا قاۋەسەت كوبەيىپ كەتتى. ءبىز اۋىلدى ايماقتا تۇرامىز. ال مۇندا ونداي اقپاراتتىڭ قالاي تەز تارايتىنى بارىنە ءمالىم.

سوڭعى جاڭالىقتار

ۇقساس جاڭالىقتار