سيريا استاناسى داماسكتىڭ تۇبىندەگى ادرا قالاسىندا سودىرلار 90-نان اسا تۇتقىندى اتىپ ولتىرگەن. ولاردىڭ اراسىندا ايەلدەر مەن بالالار دا بار. بۇل تۋرالى يتار-تاسس حابارلادى.
سيريا اسكەرى داماسكتان سولتۇستىك-شىعىسقا قاراي 20 شاقىرىم جەردەگى قارۋلانعان ەكسترەميستەردىڭ باسىپ العان ادرا قالاسىندا ۇرىس قيمىلدارىن جۇرگىزۋدە. بەلگىلى بولعانداي, اسكەريلەر وندا زەڭبىرەك قولدانۋدان باس تارتقان. سەبەبى, سودىرلار بەيبىت تۇرعىنداردى اسكەريلەردىڭ وعىنان قورعاناتىن ءتىرى ساۋىت رەتىندە قولدانۋدا. «ال-احد» تەلەارناسىنىڭ اقپارى بويىنشا, اسكەريلەر قالاداعى ءار ۇيگە شابۋىل جاساپ, ونشاقتى وتباسىن سودىرلاردىڭ قاماۋىنان بوساتىپ العان.
اسكەريلەر حالىقارالىق اۋەجايعا اپاراتىن جولدى بوگەپ تاستادى. تاس جول ادرا قالاسىنان نەبارى 4 شاقىرىم جەردە ورنالاسقان ەكەن. اسكەريلەردىڭ بولجامى بويىنشا, سودىرلار قالادان وسى باعىتپەن شىعىپ كەتۋگە تىرىسادى.
ايدار ورىسباەۆ.
دەرەككوز: Itar-tass.com
