قازاقستاندا العاش رەت ورناتىلعان بۇل ساعات جەردىڭ ورتاشا تەمپەراتۋراسىن 1,5°C دەڭگەيىندە ۇستاپ تۇرۋ ماقساتىندا پارنيكتىك گازدار ۇلەسىن ازايتۋ ءۇشىن قالعان ۋاقىتتى كورسەتەدى. بۇل - كليمات جونىندەگى پاريج كەلىسىمىنىڭ باستى ماقساتى. پرەزيدەنت دجو بايدەننىڭ يناۋگۋراتسيادان كەيىن قول قويعان جارلىقتارىنىڭ ءبىرى وسى پاريج كەلىسىمىنە قايتا ورالۋ جايلى بولدى.
بۇل جوبانى باستاعان - FLEX 2020 باعدارلاماسىنىڭ جاس تۇلەكتەرى راميل اكمولين, عاليا اسقاروۆا, مەرۋەرت راماتۋاللاەۆا مەن گۇلنيزا مۇقان.
ولاردىڭ ايتۋىنشا, قازاقستاننىڭ ەشبىر قالاسى كليمات وزگەرىسىنە ەرەكشە كوڭىل بولەتىن س40 قالالار جەلىسىنە قوسىلماعانىن بىلە سالىپ, ولار Climate Clock جاھاندىق قوزعالىسىنا قوسىلۋعا بەل بۋىپتى.
نيۋ-يورك قالاسىندا ءدال وسىنداي ساعات 2020 جىلعى قىركۇيەگىندە پايدا بولعان.
