چيليدەگى پرەزيدەنت سايلاۋىندا ميشەل باچەلەت جەڭىسكە جەتتى. بۇل تۋرالى يتار-تاسس حابارلادى.
سايلاۋ قورىتىندىسى بويىنشا, 62 جاسار ميشەل باچەلەت 62,2 پايىز داۋىس جيناعان. ال ونىڭ قارسىلاسى, بيلىكتەگى كونسەرۆاتيۆتى «چيلي اليانسى» كواليتسياسىنان ۇسىنىلعان كانديدات ءارى بۇرىنعى ەڭبەك ءمينيسترى ەۆەلين ماتتەي سايلاۋشىلاردىڭ 37,84 پايىز داۋسىن جيناعان. ەلدىڭ قازىرگى پرەزيدەنتى سەباستيان پينەرا تەلەفون ارقىلى ميشەل باچەلەتتى سايلاۋداعى جەڭىسىمەن قۇتتىقتادى.
«جاڭا كوپشىلىك» بىرلەسكەن سولشىل كواليتسياسى تاراپىنان ۇسىنىلعان ميشەل باچەلەت 2006-2010 جىلدارى چيلي پرەزيدەنتى قىزمەتىن اتقارعان بولاتىن. تاياۋ ۋاقىتقا دەيىن ول بۇۇ ايەلدەر ۇيىمىنىڭ اتقارۋشى ديرەكتورى بولدى. ەندى ءتورت جىل ۇزىلىستەن كەيىن ميشەل باچەلەت ۇلكەن ساياساتقا قايتا ورالىپ وتىر.
ايدار ورىسباەۆ.
دەرەككوز: Itar-tass.com
