مىناداي ءتارتىپ ءجيى ءارى ورەسكەل بۇزىلىپ جاتادى: بۇقارالىق ءىس-شارالار وتكىزۋ, جۇمىس رەجيمىن جانە كەلۋشىلەردىڭ بەلگىلەنگەن سانىن ساقتاماۋ, ويىن-ساۋىق ورىندارىنىڭ جۇمىسىنا تىيىم سالۋدى ەلەمەۋ, سونداي-اق قوعامدىق مەكەمەلەر قىزمەتكەرلەرىنىڭ ماسكا رەجيمىن ساقتاماۋى.
ەلوردالىق كافەلەردىڭ بىرىندە مونيتورينگتىك توپتىڭ پايدا بولۋى ونىڭ يەلەرى مەن كەلۋشىلەرىنىڭ كوڭىلىنە كىربىڭ تۇسىرەرى انىق. ساعات 21:20. كەلۋشىلەر ءالى تارقاماعان جايتتار مىنا مەكەمەلەردە انىقتالدى: "ۋگول" كلۋبى, "توي" كافەسى, "نيرۆاننا", "Easy", "Brewery" بارلارى, "سچاستە" مەيرامحاناسى.
ەلوردانىڭ باس سانيتارلىق دارىگەرى كەشكى ساعات 20.00-دەن كەيىن بارلار مەن مەيرامحانالاردا كوڭىل كوتەرۋگە قاتاڭ تىيىم سالدى. ءتارتىپ بۇزۋشىلارعا ايىپپۇل سالىنادى. بيزنەسمەندەرگە 600 مىڭ تەڭگەدەن استام, ال قوناقتاردىڭ 87 000 تەڭگەدەن استام ايىپپۇل تولەۋىنە تۋرا كەلەدى.
ايتا كەتۋ كەرەك, كارانتين رەجيمىن قاساقانا بۇزۋشىلارعا قاتىستى ماتەريالدار سوتقا جىبەرىلەدى.
ماسەلەن, شەكتەۋ شارالارىن بۇزعانى جانە نۇسقامالاردى ورىنداماعانى ءۇشىن بىرنەشە رەت جاۋاپقا تارتىلعان 24 كاسىپكەرلىك سۋبەكتىسىنە قاتىستى ەلوردانىڭ اكىمشىلىك سوتىنا 30 ماتەريال جىبەرىلدى. ولار "SOVA" كاراوكە-بارى, "جانىم سول" كاراوكە-بارى, "Alanya" تۇنگى كلۋبى, «Echo» بارى, «ZOLOTO» مەيرامحاناسى, «ستوريس» لاۋندج بارى, "Tequila" كافە-بارى, «AURA ALANYA» تۇنگى كلۋبى, «Raspawn» كومپيۋتەر كلۋبى, "Abba" بارى, «Kango» باتۋت ورتالىعى,«Icon» كلۋبى, "GINZA" مەيرامحانا-كاراوكە, "Hero" ويىن كلۋبى, «رىبا موەي مەچتى» لاۋندج بارى, ء«ساتتى» دۇكەنى, «گرافين» كافەسى, "Fashion bar" بارى, "Qoyan" لاۋندج-بارى, "Alanya" رەستوران كاراوكە, «Cabera» رەستو-بارى, "تابىس" دۇكەنى, "ەكيپاج" رەستو-بارى.
سوت بارلىعى 11 قوعامدىق مەكەمەنىڭ قىزمەتىن توقتاتتى. قىزمەتىن توقتاتۋ تۋرالى سوت شەشىمى ورىندالماعان جاعدايدا شوب وبەكتىلەرىنىڭ باسشىلارىنا اكىمشىلىك قاماۋعا الۋ شارالارى قولدانىلاتىن بولادى.
ەستەرىڭىزگە سالا كەتەيىك, قازىرگى ۋاقىتتا ەلوردا كوروناۆيرۋستىق ينفەكتسيانىڭ تارالۋ قارقىنى بويىنشا "قىزىل" ايماققا ورنالاسقان. بۇعان دەيىن ەلوردانىڭ باس سانيتارلىق دارىگەرى سارحات بەيسەنوۆانىڭ قاۋلىسى كۇشىنە ەندى, وعان سايكەس تۇرعىندار اراسىندا كۆي اۋرۋلارىنىڭ وسۋىنە بايلانىستى قوعامدىق تاماقتانۋ وبەكتىلەرى شەكتەۋ شارالارىن قاتاڭ ساقتاعان جاعدايدا عانا جۇمىس ىستەۋى ءتيىس.
