ايماقتار • 26 قاڭتار، 2021

ءوڭىر تاعى دا «قىزىل ايماققا» ەندى

48 رەت كورسەتىلدى

ەپيدەميالىق جاعدايدى باعالاۋدىڭ وڭىرلىك تىزبەسىنە سايكەس ءوڭىردىڭ پاۆلودار، اقسۋ جانە ەكىباستۇز قالالارى مەن 9 اۋدانى «قىزىل» ايماقتا، ال باياناۋىل اۋدانى «سارى» ايماققا ەندى. سوڭعى كۇندەرى وڭىردە ىندەت تارالۋىنىڭ 226 جاعدايى انىقتالعان. ناۋقاستار اراسىندا 12 وقۋشى مەن 2 ستۋدەنت بار. تاۋلىك سايىنعى ءوسىم 2،13 پايىزدى قۇرايدى.

كوللاجدى جاساعان زاۋرەش سماعۇل، «EQ»

ءوڭىر اۋماعىندا كارانتين شارالارىن كۇشەيتۋ تۋرالى جاڭا قاۋلىنى وبلىستىڭ باس سانيتار دارىگەرى باتىربەك اليەۆ قا­بىل­دادى. قاۋلىدا بارلىق ساۋدا ورنىنا، قوعامدىق كولىككە، تاكسيگە، ونەركاسىپتىك كاسىپورىندارعا، كى­رە­بەرىستەرگە، ليفت كابينالارى­نا، ۇيىمدارعا جانە باسقا دا قوعامدىق ورىن­دارعا سانيتارلىق جانە دە­زينفەكتسيالىق وڭدەۋ جۇرگىزىلۋ كەرەگى جازىلعان. قاۋ­لى 25 قاڭتاردا ساعات 00:00-دە كۇشىنە ەندى. كارانتين ۋاقىتى 8 اقپانعا دەيىن جالعاسادى. دەمالىس كۇندەرىنە لوكداۋن جاريالاندى. بىرقاتار قوعامدىق نىساننىڭ جۇمىسىنا تىيىم سالىندى. ۇيىمدار مەن مەكەمەلەر قىزمەتكەرلەرىنىڭ 80 پايىزى قاشىقتان جۇمىس ىستەۋگە اۋىسۋدا.

دەپارتامەنتتىڭ سانيتارلىق باقىلاۋ ءبولىمىنىڭ باسشىسى گۇلميرا قۇلماعانبەتوۆانىڭ ايتۋىنشا، ىندەت جۇقتىرعانداردىڭ دەنى پاۆلودار قالاسىندا تىر­كەلگەن. ىندەتتىڭ تارالۋىنا تۇر­عىنداردىڭ كارانتيندىك شارالاردى ساقتاماۋى سەبەپ. سوندىقتان سەنبى، جەك­سەنبى كۇندەرى قوعامدىق كولىكتەر جۇرمەيدى. تاماقتانۋ ورىندارىنىڭ جۇمىس ۋاقىتى قىسقارتىلىپ، ساۋدا ورىندارى ۋاقىتشا جابىلادى. سەنبى، جەكسەنبى كۇندەرى جابىلاتىن كەي قوعامدىق نىساندار، ساۋدا ورىندارىندا دا سانيتارلىق شارالار وتكىزىلەدى.

وڭىردە ينفەكتسيالىق گوس­پي­تالدا 5 مىڭعا جۋىق تو­سەك­­­تىك ورىن دايىندالعان. امبۋلا­تو­ر­-

لىق دەڭگەيدە 169 دارگەر­­لىك بريگادا جۇمىس ىستەيدى. ما­مان­­داردىڭ ايتۋىنشا، اۋرۋ جۇقتىرۋ بويىن­شا جۇرگىزىلگەن زەرتتەۋلەر نا­تي­جەسىندە سىرتتان جەتكىزىلگەن دەرەكتەر دە بارشىلىق. ماسەلەن، سوڭعى تاۋلىكتە 15 مىڭنان استام پتر-زەرتتەۋ جۇرگىزىلسە، شەتەلدەن كەلگەن 110 جاعداي انىقتالعان. باسىم بولىگى سيمپتومسىز، قازىرگى ۋاقىتتا ناۋقاستار امبۋلاتورلىق دەڭگەيدە ەم قابىلداپ جاتىر.

ال وبلىستىق اكىمدىكتە وتكەن وتىرىس بارىسىندا وڭىردەگى ەپي­­دەميالىق احۋالدى جاق­سار­تۋ ءۇشىن وبلىس اكىمى ابىل­قايىر سقاقوۆ سانيتارلىق-ەپي­­­دە­ميا­لىق رەجىمنىڭ قاتاڭ ساق­تالۋىن باقىلاۋ مەن وبلىس تۇر­عىن­دارى اراسىندا ءتۇسىندىرۋ جۇمىس­تارىن ءارى قاراي دا جال­عاستىرۋ قاجەتتىگىن اتاپ ءوتتى.

– قازىر قىس كەزىندە ادام­داردىڭ ءبىر-ءبىرىن قوناققا شا­قىرۋى جيىلەيدى. توي وتكىزۋ ءالى توقتاعان جوق. وسىدان كەيىن اۋرۋدىڭ تاعى ءبىر تولقىنىنا ۇشى­راۋىمىز مۇمكىن. ەگەر بەل­­گىلى ءبىر اۋداندى نەمەسە اۋىل­دى جابۋ قاجەت بولسا، جا­بىڭىزدار. باستىسى، تۇرعىندارعا قابىل­دانىپ جاتقان شەكتەۋ شارالارىن جانە ولاردىڭ قاجەت­تىلىگىن تۇسىندىرىڭىزدەر، – دەدى وبلىس اكىمى.

سونداي-اق مونيتورينگتىك توپتارعا رەيد جۇرگىزۋدى توقتات­پاۋدى، سانيتارلىق دارىگەرلەردىڭ نۇسقاۋىن ەلەمەيتىن، ادامداردىڭ كوپ جينالاتىن ورىندارىن انىقتاپ، تەكسەرۋدى تاپسىردى. مونيتورينگتىك توپتار انىق­تالعان ءتارتىپ بۇزۋشىلىقتار تۋرالى وبلىستىق دەنساۋلىق ساقتاۋ باسقارماسىنىڭ «ۇيلەس­تىرۋ ور­تالىعىنا» ەپيدەميالىق حابارلاما جىبەرۋى قاجەت. قاشىق­تان جۇمىس ىستەۋ دە باقىلاۋعا الىنۋدا. سوڭعى ۋاقىتتا كاسىپ­ورىنداردا دا ىندەت جۇقتىرۋ جاعدايلارى جيىلەي ءتۇستى.

قالاارالىق، اۋدانارالىق جانە وبلىسارالىق جولاۋشىلار تاسىمالى توقتاتىلدى. دەمالىس كۇندەرى قوعامدىق تاماقتانۋ نىساندارىنىڭ جۇمىسى جەتكىزۋ جۇيەسىنە اۋىسادى.

 

پاۆلودار وبلىسى

 

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

دارىگەر-جازۋشىلار

ادەبيەت • بۇگىن، 08:34

زاڭسىز سالىنعان ءۇي ءسۇرىلدى

ايماقتار • بۇگىن، 08:30

جالعان شوت-فاكتۋرا جارعا جىقتى...

ايماقتار • بۇگىن، 08:27

قىمبات وپەراتسيانى تەگىن جاسادى

مەديتسينا • بۇگىن، 08:22

ۇقساس جاڭالىقتار