پاندەميا باستالعالى بەرى الماتىدا COVID-19-دىڭ 21 276 وقيعاسى تىركەلدى. 100 مىڭ تۇرعىنعا شاققاندا جۇقتىرۋ كورسەتكىشى-1065,6.
وسى جىلدىڭ قاڭتار ايىنىڭ سوڭعى 3 اپتاسىنداعى جاس قۇرامى جانە جۇقتىرۋ ورىندارى:
• 35,4% - 20-39 جاس ارالىعىندا, 27,4% - 40-59 جاس ارالىعىندا, 21,5% - 60 جاس جانە ودان جوعارى;
• 39,6% - قوعامدىق ورىندارعا بارۋ, 27,5% - وتباسىنداعى كۆي جۇقتىرعان ناۋقاسپەن بايلانىس, 20,3% - كولىكتە. سونىمەن قاتار, وتباسىنداعى ءىس-شارالاردا (قۇدالىق جانە ت.ب.) جۇقتىرۋدىڭ كوبەيگەنى اتاپ ءوتىلدى.
COVID-19-بەن ستاتسيونارلىق ەمدەۋدە 909 ادام جاتىر: 745-ءىنىڭ جاعدايى ورتاشا اۋىر, 149-ى اۋىر جاعدايدا, 15-ءى وتە اۋىر جاعدايدا. كۆي بەلگىلەرى بار 596 ناۋقاس ۇيدە باقىلاۋعا الىنعان. ەستەرىڭىزگە سالا كەتەيىك, الماتىدا بارلىعى 7011 توسەك-ورىن دايىندالعان, ونىڭ ىشىندە كۆي-مەن اۋىراتىن ناۋقاستار ءۇشىن -1866 ورىن بار.
الماتىدا سانيتارلىق-ەپيدەميالىق شارالاردىڭ ساقتالۋىن باقىلاۋ اياسىندا 32 مونيتورينگتىك توپ جۇمىسىن جالعاستىرۋدا. قاڭتار ايىنىڭ باسىنان كارانتيندىك شارالاردىڭ ساقتالۋىن تەكسەرۋ بويىنشا 305 ءىس-شارا وتكىزىلدى, 2305 نىسان قامتىلدى, 153 نىساندا ءتارتىپ بۇزۋ انىقتالدى. بۇل فاكتىلەر بويىنشا ءتيىستى ماتەريالدار بەرىلۋدە.
سونىمەن قاتار, 2021 جىلعى 17-24 قاڭتار ارالىعىندا ءبىر اپتا ىشىندە 101 رەيد جۇرگىزىلدى, 775 نىسان قامتىلدى, كارانتيندىك شارالار بۇزىلعان 77 نىسان انىقتالدى. سونداي-اق, وتكەن اپتادا بارلىق اۋدانداردىڭ حقكو-رى مەن مامانداندىرىلعان حقكو-رى, قوعامدىق كولىك, اۋەجاي جانە باسقا دا قوعامدىق ورىندار تەكسەرىلدى.
كاسىپكەرلىك سۋبەكتىلەرى پاندەميا كەزەڭىندە قاۋىپسىزدىك شارالارىنىڭ تالاپتارىن مۇلتىكسىز ساقتاۋى قاجەت — بۇل قىزمەتكەرلەر مەن كەلۋشىلەردىڭ تەرمومەترياسى, الەۋمەتتىك قاشىقتىق پەن بەتپەردە رەجيمىن ساقتاۋدى, جەكە قورعانىس قۇرالدارىنىڭ (بەتپەردەلەر, قولعاپتار) اۋىستىرىلۋىن, سانيتايزەرلەردىڭ جانە دەزينفەكتسيالاۋ قۇرالدارىنىڭ قورىنىڭ بولۋىن, ءۇي-جايلاردىڭ جەلدەتىلۋىن قامتاماسىز ەتۋ. جوعارىدا اتالعان تالاپتاردىڭ بۇزىلۋى ۇيىم قىزمەتكەرلەرى اراسىندا سىرقاتتانۋشىلىققا جانە كاسىپورىنداردىڭ جۇمىسىن توقتاتۋعا اكەپ سوعادى.
