مەديتسينا • 25 قاڭتار، 2021

وتاندىق نەيروحيرۋرگتار تۇڭعىش رەت "Cerebra” يننوۆاتسيالىق باعدارلاماسىمەن وتا جاسادى

179 رەت كورسەتىلدى

تمد جانە قازاقستان بويىنشا تۇڭعىش رەت الماتى قالالىق N7 كلينيكالىق اۋرۋحاناسىندا جاساندى ينتەللەكت كومەگىمەن ينسۋلتتى ەرتە انىقتاۋدىڭ راديولوگيالىق باعدارلاماسى ەنگىزىلدى. بۇل انىقتاۋ جۇيەسى «Cerebra» جاساندى ينتەللەكت نەگىزىندە جۇزەگە اسادى. الدىمەن پاتسيەنت كت-تەكسەرۋدەن وتەدى، ونىڭ ءتۇسىرىلىمىن يننوۆاتسيالىق سوفت جۇيەسى سكانەرلەيدى. 

الماتى قالالىق №7 كلينيكالىق اۋرۋحاناسىنىڭ باس دارىگەرى، پروفەسسور ماناس رامازانوۆتىڭ ايتۋىنشا، الماتىلىق جاس ءىت-مامانداردىڭ جاساپ شىعارعان جاڭا جوباسىن العاش بولىپ ءدال وسى اۋرۋحانا ەنگىزدى. ازىرگە جۇيە پيلوتتىق رەجيمدە ىستەيدى، الايدا ءوزىنىڭ تيىمدىلىگىن كورسەتىپ تە ۇلگەردى. جاساندى ينتەللەكت كومەگى تيگەن العاشقى پاتسيەنت تە بار.

الماتى قالالىق №7 كلينيكالىق اۋرۋحاناسىنىڭ قان-تامىرلارى نەيروحيرۋرگياسى بولىمشەسىنىڭ دارىگەرلەرى يشەميالىق ينسۋلت العان 71 جاستاعى پاتسيەنتكە جاساندى ينتەللەكت كومەگىمەن ءبىرىنشى وپەراتسيا جاسادى. پاتسيەنت اتالعان اۋرۋحانانىڭ قابىلداۋ بولىمىنە سول جاق دەنەسى مۇلدەم قيمىلسىز، بەتىندە اسسيمەتريامەن، جانە قۇلاعى ەش ەستىمەيتىن جاعدايدا تۇسكەن ەدى. تەز ارادا كومپيۋتەرلىك توموگرافيا جاسالىپ، «Cerebra» جۇيەسىندە وڭدەلدى. شۇعىل تۇردە باس ميىنىڭ وڭ جاق ورتاڭعى ارتەرياسىنا مەحانيكالىق ترومبوەكستراكتسيا جاسالدى. وپەراتسيادان كەيىن پاتسيەنت ەسىن جيىپ، ەكى اياعىن تەڭ باساتىن دەڭگەيگە جەتتى، تەك قولىندا السىزدىك بار. پاتسيەنت ەندى وڭالتۋ ەم-شاراسىن قابىلداماق. قان-تامىرلارى نەيروحيرۋرگياسى بولىمشەسىنىڭ مەڭگەرۋشىسى راۋان قاستەي ينسۋلت كەزىندە ميداعى قان اينالىمىن، اعزا جۇمىسىن قالپىنا كەلتىرۋ باستاپقى "التىن ۋاقىت" سانالاتىن 4،5 ساعاتتا عانا مۇمكىن ەكەنىن ايتادى. اۆتوماتتاندىرىلعان پلاتفورما ينسۋلتتىڭ بار-جوعىن 5-10 مينۋتتا انىقتاپ بەرەدى جانە تەز ارادا باس ميىنىڭ قان تامىرلارىنداعى وزگەرىستى كورسەتەدى. بۇل كلينيكالىق-دياگنوستيكالىق باعدارلاما ينسۋلتتى ەرتە دەڭگەيدە انىقتاپ، بىردەن يشەمياعا ۇشىراعان ايماقتى بىلۋگە، ۋاقىتىندا ەمدەۋدى باستاۋعا، وپەراتسيا جاساۋعا قارسى كورسەتىلىمنىڭ بار-جوعىن انىقتاۋعا، نەمەسە ترومبوليتيكالىق تەراپيا جانە ينسۋلتپەن تۇسكەن پاتسيەنتكە قاجەتتى انىقتاۋ مەن ەمدەۋ شارالارىن اتقارۋعا مۇمكىندىك بەرەدى.

ا

ايتا كەتەيىك، وسى جىلدىڭ 22 قاڭتار كۇنى قر تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين الماتى قالاسىنا جۇمىس ساپارى كەزىندە الماتى قالالىق N7 كلينيكالىق اۋرۋحاناسىنا كەلگەن ەدى. مينيسترگە «Cerebra» باعدارلاماسى تانىستىرىلدى. جۋرناليستەرگە بەرگەن سۇحباتىندا ب.مۋسين اسىرەسە مەديتسينا سالاسىندا مۇنداي جوبالاردىڭ ماڭىزدىلىعىن جانە جاساندى ينتەللەكت نەگىزىندە ونى ارى قاراي دامىتۋ قاجەتتىگىن اتاپ ءوتتى. جاقىن ارادا «Cerebra» جوباسى الماتى مەن نۇر-سۇلتان قالالارىنىڭ باسقا دا ءىرى كلينيكالارىندا ەنگىزۋ جوسپارلانىپ وتىر.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار