الماتىنىڭ تۇركسىب اۋدانىندا گاز قوسىلماعان ۇيلەردىڭ سانى 60%-عا قىسقاردى

ايماقتار • 25 قاڭتار، 2021

الماتىنىڭ تۇركسىب اۋدانىندا گاز قوسىلماعان ۇيلەردىڭ سانى 60%-عا قىسقاردى

7 رەت كورسەتىلدى

گازداندىرىلماعان 10 مىڭنان استام ءۇيدى سۋمەن جابدىقتاۋ جۇيەسىنە قوسۋ تاپسىرمالارى قالاي ورىندالىپ جاتىر؟ بۇل تۋرالى وكك بريفينگىندە الماتى قالاسى تۇركسىب اۋدانىنىڭ اكىمى باقىتجان اقجاروۆ حابارلادى.

ايناش ەسالى

«2020 جىلدىڭ 12 ايىندا گازعا قوسىلماعان ۇيلەردىڭ سانى 60%-عا قىسقاردى. قالعان 350 ءۇيدىڭ 57-ءسى قوسىلۋعا دايىن، قوسىلماي قالعان ۇيلەرگە ىشكى مونتاجدىق جۇمىستارىن جۇرگىزۋ جانە ءۇي قۇرىلىسىن زاڭداستىرۋ قاجەت.
بيزنەستىڭ الەۋمەتتىك جاۋاپكەرشىلىگى اياسىندا 2020 جىلدىڭ باسىندا دەمەۋشىلىك قارجى ەسەبىنەن 14 ءۇي گاز جابدىعىنا قوسىلدى»، - دەپ اتاپ ءوتتى ول.

سونداي-اق، حالىقتىڭ ءومىر ءسۇرۋ ساپاسىن ارتتىرۋ جونىندەگى جۇمىستار اياسىندا سۋمەن جابدىقتاۋ جانە كارىز جۇيەلەرى دامۋدا.

بۇگىنگى تاڭدا 2500-دەن استام ءۇيدى قامتيتىن "المەرەك"، "قايرات"، "نۇرشاشقان" ءۇش شاعىن اۋدانى بويىنشا سۋمەن جابدىقتاۋ جانە سۋ بۇرۋ جەلىلەرىنىڭ قۇرىلىسى اياقتالۋدا. سونىمەن بىرگە، فيزۋلي، وگارەۆ، مەنجينسكي كوشەسى، «التاي-1» ىقشام اۋدانىندا 3،5 شاقىرىم سۋ جابدىعىنىڭ قۇبىرى اۋىستىرىلدى. 8 مىڭنان استام ءۇيدى قامتيتىن «جاس قانات»، «شۋاقتى» ى/ا، تومەنگى پياتيلەتكا اۋماعىندا جانە زاكارپاتسكايا كوشەسىنىڭ كوممۋنيكاتسيا قۇرىلىسى بويىنشا جسق ازىرلەنۋى اياقتالۋدا.

سونىمەن قاتار، قوسىلعان شاعىن اۋدانداردى تۇراقتى ەلەكترمەن جابدىقتاۋدى قامتاماسىز ەتۋ ءۇشىن «نۇرشاشقان»، «المەرەك» جانە «قايرات» شاعىن اۋداندارىندا 4 قوسالقى ستانتسيا ورناتىلدى. «المەرەك»، «قايرات»، «نۇرشاشقان» جانە «شۋاقتى».شاعىن اۋداندارىندا ەلەكترمەن جابدىقتاۋدىڭ جوبالىق-سمەتالىق قۇجاتتاماسى ازىرلەنۋدە.

2020 جىلى ۇزىندىعى 9،8 شاقىرىم 14 كوشەگە ورتاشا جوندەۋ جۇرگىزىلدى جانە ۇزىندىعى 12،8 كم 10 كوشە بويىنشا تروتۋارلار سالىندى. "نۇرشاشقان"، "المەرەك" جانە "قايرات" شاعىن اۋداندارىنداعى 74 كوشەدە 50 شاقىرىم جول سالۋ بويىنشا جوبالاۋ-سمەتالىق قۇجاتتاما ازىرلەندى. جۇمىستار بيىل باستالادى.

«حالىقتىڭ قاۋىپسىزدىگىن قامتاماسىز ەتۋ جانە جول-كولىك وقيعالارىنىڭ قاۋپىن ازايتۋ ءۇشىن ءبىلىم بەرۋ جانە دەنساۋلىق ساقتاۋ وبەكتىلەرىنىڭ جانىنداعى پروبلەمالىق ۋچاسكەلەرگە تۇگەندەۋ جۇرگىزىلدى. تەكسەرۋ قورىتىندىسى بويىنشا 2020 جىلى 29 مەكتەپ پەن 7 ەمحانانىڭ جانىندا جاياۋ جۇرگىنشىلەر وتكەلى، جول بەلگىلەرى ورناتىلىپ، «جولاق» بەلگىسى قويىلدى»، - دەدى اۋدان اكىمى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز