ايدا بالاەۆا جاستارعا مينيسترلىكتىڭ قازاقستاندىق تەلەۆيزياداعى ساپالى كونتەنتتى دامىتۋ بويىنشا, ونىڭ ىشىندە قوعامدى مازالايتىن جانە ەرەكشە يدەولوگيالىق ماڭىزى بار وزەكتى تاقىرىپتارعا ارنالعان سەريالدار, دەرەكتى فيلمدەر, ارنايى باعدارلامالار جاساۋ بويىنشا جۇرگىزىپ جاتقان جۇمىستارى تۋرالى ايتتى.
ء«بىزدىڭ مينيسترلىك مەملەكەتتىك تاپسىرىستىڭ جانە مەملەكەتتىك اقپاراتتىق تاپسىرىس شەڭبەرىندە جىل سايىن ەلۋگە جۋىق تەلەحيكايالاردىڭ ءتۇسىرىلىمىن قامتاماسىز ەتەدى; ال دەرەكتى فيلمدەردىڭ سانى جۇزدەن اسادى. ولاردىڭ كەيبىرەۋلەرى كورەرمەندەر اراسىندا تانىمال بولسا, كوپشىلىگىنىڭ ساپاسى, وكىنىشكە قاراي, سىن كوتەرمەيدى», - دەدى مينيستر.
سونىمەن قاتار, مينيستر مينيسترلىكتىڭ الداعى 2022 جىلى تۇسىرەتىن تەلەسەريالدار مەن دەرەكتى فيلمدەرىنىڭ ۇزدىك ستسەناريلەرىن دايىنداۋعا بايقاۋ جاريالاپ جاتقانىن اتاپ ءوتتى. «ونىڭ نەگىزگى تاقىرىپتارى مينيسترلىكتىڭ سايتىندا جاريالاناتىن تاقىرىپتىق جوسپارلار تىزىمىندە كورسەتىلگەن», - دەدى ايدا بالاەۆا.
جالپى, مينيسترمەن كەزدەسۋگە وتاندىق قىزىقتى جوبالاردى قۇرۋدا تاجىريبەسى بار 29 جاس رەجيسسەر قاتىستى. ايدا بالاەۆا جاس رەجيسسەرلەردى ءدال وسى 2021 جىلى مينيسترلىككە جانە مەملەكەتتىك تەلەارنالارعا سەريالدار مەن فيلمدەردىڭ جاڭا ستسەناريلەرىن ۇسىنۋعا شاقىردى.
ءىس-شاراعا قاتىسۋشىلار مينيسترلىككە قازاقستاندىق تەلەۆيزيادا ەرەكشە, قىزىقتى جانە ساپالى كونتەنت قۇرۋدا جاڭا جوبالار ۇسىنۋعا نيەتتەرى مەن دايىندىقتارىن ءبىلدىردى.
