قوعام • 21 قاڭتار، 2021

«Nur Otan»-نىڭ ايماقتىق فيليالدارى باسشىلىعىندا كادرلىق وزگەرىستەر بولدى

14 رەت كورسەتىلدى

«Nur Otan»-نىڭ ايماقتىق فيليالدارى باسشىلىعىندا بىرقاتار كادرلىق جاڭارتۋ جۇرگىزىلدى. ورتالىق اپپاراتتىڭ ءباسپاسوز قىزمەتى حابارلاعانداي، جاڭا تاعايىنداۋلار «Nur Otan»-نىڭ سايلاۋالدى ۋادەلەرىن ءتيىمدى جۇزەگە اسىرۋعا قاتىستى پارتيا ليدەرى قويعان مىندەتتەردى ەسكەرە وتىرىپ جۇرگىزىلدى، دەپ حابارلايدى Egemen.kz.

ەلباسى، پارتيا ليدەرى نۇرسۇلتان نازارباەۆتىڭ بيلىكتىڭ اتقارۋشى جانە وكىلدى ورگاندارىندا باسشىلىقتاعى ايەلدەردىڭ ۇلەسىن 30%-كە دەيىن ۇلعايتۋ تۋرالى تاپسىرماسىن ورىنداۋ اياسىندا، «Nur Otan»-نىڭ الماتى وبلىستىق فيليالى توراعاسىنىڭ ءبىرىنشى ورىنباسارى گۇلنار تويلىباەۆا بولدى. ول پارتيادا 2007 جىلدان باستاپ ءبولىم مەڭگەرۋشىسىنەن وبلىستىق فيليال توراعاسىنىڭ ورىنباسارىنا دەيىنگى ەڭبەك جولىنان وتكەن.

سونداي-اق، «Nur Otan» پارتياسىنىڭ شىمكەنت قالالىق فيليالى توراعاسىنىڭ ءبىرىنشى ورىنباسارى بولىپ جانار بەكتاەۆا تاعايىندالدى. ول 2019 جىلدان باستاپ شىمكەنت قالاسى اكىمدىگىنىڭ ىشكى ساياسات باسقارماسىنىڭ باسشىسى بولىپ جۇمىس ىستەدى.

مەملەكەت باسشىسى قاسىم-جومارت توقاەۆتىڭ بەلسەندى جاستارعا ارنالعان الەۋمەتتىك ليفت قۇرۋ جونىندەگى تاپسىرماسىن ىسكە اسىرۋ اياسىندا «Nur Ota»-نىڭ ەلوردالىق فيليالى توراعاسىنىڭ ءبىرىنشى ورىنباسارى بولىپ 30 جاستاعى داۋلەت كارىبەك تاعايىندالدى. پارتيانىڭ ساياسي كەڭەسى بيۋروسىنىڭ جانە پرەزيدەنتتىك جاستار كادرلىق رەزەرۆىنىڭ مۇشەسى. ساراپشىدان باستاپ «Jas Otan» جاستار قاناتىنىڭ توراعاسىنا دەيىنگى قىزمەتتىك جولدان ءوتتى. سوڭعى جۇمىس ورنى – نۇر-سۇلتان قالاسى جاستار ساياساتى ماسەلەلەرى باسقارماسىنىڭ باسشىسى.

الماتىدا پارتيانىڭ قالالىق فيليالى توراعاسىنىڭ ءبىرىنشى ورىنباسارى 33 جاستاعى مەيىرجان وتىنشيەۆ بولدى. ءال-فارابي اتىنداعى قازۇۋ مەن قر پرەزيدەنتى جانىنداعى مەملەكەتتىك باسقارۋ اكادەمياسىنىڭ تۇلەگى. ەڭبەك جولىن الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ مامانى بولىپ باستاعان. سوڭعى 2 جىلدا الماتى قالاسى اكىمدىگىنىڭ تۇرعىن ءۇي ساياساتى باسقارماسى باسشىسىنىڭ ورىنباسارى بولىپ ىستەدى.

ساياسي كەڭەستىڭ ايماقتىق بيۋروسىنىڭ ۇسىنۋىمەن پارتيانىڭ جامبىل وبلىستىق فيليالى توراعاسىنىڭ ءبىرىنشى ورىنباسارى بولىپ داۋىل بەيسەنقۇلوۆ تاعايىندالدى. ول وسى تاعايىنداۋعا دەيىن جامبىل وبلىسى اكىمدىگىنىڭ ىشكى ساياسات باسقارماسىن باسقاردى.

پارتيانىڭ ءباسپاسوز قىزمەتى تاراتقان اقپاراتقا سايكەس، ەرلان قاناليموۆ (نۇر-سۇلتان)، ستانيسلاۆ كانكۋروۆ (الماتى)، باحادىر نارىمبەتوۆ (شىمكەنت) جانە جانبولات جورگەنباەۆ (الماتى وبلىسى) اتالعان وڭىرلەر ءماسليحاتتارىنىڭ حاتشىلارى بولىپ سايلاندى.

ءوز كەزەگىندە اقمولا، اقتوبە، الماتى، اتىراۋ، باتىس قازاقستان، قىزىلوردا، ماڭعىستاۋ، پاۆلودار، سولتۇستىك قازاقستان جانە تۇركىستان وبلىستىق فيليالدارى توراعاسىنىڭ ءبىرىنشى ورىنباسارلارى وڭىرلىك ماسليحاتتارداعى «Nur Otan» فراكتسيالارىنىڭ باسشىسى قىزمەتىن قاتار اتقارادى.

ءباسپاسوز قىزمەتىندە اتاپ وتكەندەي، كادرلارعا قاتىستى مۇنداي شەشىم «Nur Otan» پارتياسىنىڭ ايماقتىق سايلاۋالدى باعدارلامالارىن ساپالى جۇزەگە اسىرۋ جانە سايلاۋارالىق كەزەڭدە ءتيىستى جۇمىستى ۇيىمداستىرۋ بويىنشا پارتيا باسشىلىعى قويعان مىندەتتەرگە تولىق جاۋاپ بەرەدى.

سوڭعى جاڭالىقتار

COVID-19: سىرى قاشان اشىلار؟..

كوروناۆيرۋس • بۇگىن، 08:35

العىس ارقالاعان ازامات

مەديتسينا • بۇگىن، 08:34

جاقسىلىق جاساساڭ، اۋىلىڭا جاسا

مەديتسينا • بۇگىن، 08:31

العا باسقان ازاماتتىق قوعام

قازاقستان • بۇگىن، 08:26

اقىن داڭقى الاسارمايدى

رۋحانيات • بۇگىن، 08:25

كورشى ءوڭىردىڭ كومەگى

ءبىلىم • بۇگىن، 08:25

ءوڭىردىڭ وركەندەۋى – ورتاق يگىلىك

وڭتۇستىك قازاقستان • بۇگىن، 08:22

ءۇمىت وتىن لاۋلاتقان...

ايماقتار • بۇگىن، 08:22

عۇلاما عالىم، كورنەكتى قايراتكەر

قازاقستان • بۇگىن، 08:19

70 ملن توننا مۇناي ەكسپورتتالدى

قازاقستان • بۇگىن، 08:17

ماقتانىشىم مەن ساعىنىشىم

قازاقستان • بۇگىن، 08:15

ءار سۋرەتتە – ءومىر ساۋلەسى

ايماقتار • بۇگىن، 08:13

جاقسىلىققا جەتەلەگەن جوبا

قوعام • بۇگىن، 08:10

وزىق كاسىپورىن – «رودينا»

قوعام • بۇگىن، 08:10

تاريحي ماڭىزى زور شەشىم

قازاقستان • بۇگىن، 08:06

ەرىكتىلەردىڭ ەلەۋلى ءىسى

قوعام • بۇگىن، 08:05

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار