ايماقتار • 21 قاڭتار، 2021

الاياقتىق جولمەن 80 ميلليون تەڭگە العان كۇدىكتى ايەل ۇستالدى

8 رەت كورسەتىلدى

تۇركىستان وبلىسىنىڭ پوليتسەيلەرى تۇرعىنداردى الداپ، الاياقتىق جولمەن 80 ميلليون تەڭگە العان كۇدىكتى ايەلدى ۇستادى، دەپ حابارلايدى Egemen.kz Polisia.kz سايتىنا سىلتەمە جاساپ.

سوزاق اپب-نە جەرگىلىكتى تۇرعىن الاياقتىڭ قۇربانى بولعاندىعى تۋرالى ارىز تۇسىرگەن. جابىرلەنۋشى ايەلدىڭ ايتۋىنشا، سىرتتاي تانىسى مەملەكەت تاراپىنان قايتارىمسىز نەسيە الىپ بەرەمىن دەپ سەنىمىنە كىرىپ، الاياقتىق جولمەن 4،5 ميلليون تەڭگەدەن استام اقشاسىن زاڭسىز يەمدەنىپ كەتكەنىن كورسەتكەن. ءتارتىپ ساقشىلار اتالعان جايتتى قر قك-ءنىڭ 190-بابى (الاياقتىق) بويىنشا سدتبت-عا تىركەپ، قىلمىستىق ءىستى بىردەن باستاپ كەتتى. 

ارىزدانۋشىلاردىڭ شاعىمىنا سايكەس، ورىن العان الاياقتىق قىلمىسىن اشىپ، كۇدىكتىنى انىقتاۋ ماقساتىندا سوزاق اپب-نىڭ تەرگەۋ بولىمشەسىنىڭ قىزمەتكەرلەرى قاجەتتى ءىس-شارالاردى جۇرگىزدى. تەكسەرۋ جۇمىستارى ناتيجەسىندە، پوليتسەيلەر وسى قىلمىسقا قاتىستى كۇدىكتىنى انىقتاپ، ونى تۇرعىلىقتى مەكەن-جايىنان ۇستادى. قازىرگى تاڭدا كۇدىكتى جاس ايەل قاماۋعا الىنىپ، تەرگەۋ امالدارى جۇرگىزىلۋدە.

سونداي-اق اپب باستىعىنىڭ تەرگەۋ جونىندەگى ورىنباسارى اسىلمۇرات تۇرسىنبەكوۆ پەن تەرگەۋشى دوسجان جانسەيت باستاعان تەرگەۋ توبى جان-جاقتى جۇمىس جاساپ، كۇدىكتىگە جاساعان قىلمىستى مويىنداتۋ ءۇشىن ناقتى ايعاقتار مەن دالەلدەر تاۋىپ، ءاربىر ءىستى تەرەڭ ءارى تياناقتى زەرتتەۋ ناتيجەسىندە بۇل جايت انىقتالدى. سونىمەن قاتار 50-دەن استام وسىنداي جايتقا قاتىستىلىعى انىقتالدى.

تاجىريبەلى تەرگەۋشىلەر كۇدىكتى ازاماتشانىڭ جابىرلەنۋشىلەردىڭ ارقايسىسىنان 350 مىڭ تەڭگەدەن باستاپ، 4 550 000 تەڭگەگە دەيىن الاياقتىق جولمەن اقشا الىپ جۇرگەنىن اشتى. ولارعا كەلتىرىلگەن جالپى شىعىن كولەمى 80 ميلليون تەڭگەنى قۇراپ وتىر. قازىرگى تاڭدا تەرگەۋ ءبولىمىنىڭ قىزمەتكەرلەرىمەن كۇدىكتىنىڭ بۇدان باسقا دا جايتتارعا قاتىستىلىعى انىقتالۋدا.

تۇركىستان وبلىسىنىڭ پوليتسەيلەرى وبلىس تۇرعىندارىنا كەز كەلگەن جانعا سەنبەۋدى، الاياقتىڭ ارباۋىنا ءتۇسىپ قالماۋدى ەسكەرتەدى. ازاماتتارعا ءار ءتۇرلى الاياقتاردىڭ ايلا-امالدارىنا تۇسپەۋ ءۇشىن قىراعى بولۋدى ۇسىنادى.

سوڭعى جاڭالىقتار

العا باسقان ازاماتتىق قوعام

قازاقستان • بۇگىن، 08:26

ماقتانىشىم مەن ساعىنىشىم

قازاقستان • بۇگىن، 08:15

جاقسىلىققا جەتەلەگەن جوبا

قوعام • بۇگىن، 08:10

وزىق كاسىپورىن – «رودينا»

قوعام • بۇگىن، 08:10

تاريحي ماڭىزى زور شەشىم

قازاقستان • بۇگىن، 08:06

ەرىكتىلەردىڭ ەلەۋلى ءىسى

قوعام • بۇگىن، 08:05

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار