ۇبت-نىڭ ءبىرىنشى كۇنىنىڭ قورىتىندىسى بويىنشا 205 قاتىسۋشى 110-نان استام بالل جينادى. كارانتينگە بايلانىستى تەستىلەۋ 15 لەك بويىنشا وتەتىنىن ايتا كەتكەن ءجون. قاڭتار ايىنداعى ۇبت بارىسىندا اۋديتوريالاردىڭ سىيىمدىلىعى 20-25%-كە پايدالانىلدى. ءبىرىنشى كۇنى 143 پۋنكتىڭ 114-ىندە تەستىلەۋ ءوتتى. بارلىق اۋديتوريا بەينەباقىلاۋ كامەرالارىمەن جابدىقتالعان, اتا-انالار ءۇشىن بەينەترانسلياتسيا قولجەتىمدى.
ۇبت-نىڭ بارلىق قاتىسۋشىسى دەزينفەكتسيالىق تۋننەل جانە ارنايى كىلەمشەلەر ارقىلى ءوتتى, دەنە قىزۋىن ولشەتتى, قولدارىن سانيتايزەرمەن زالالسىزداندىردى جانە ۇسىنىلعان مەديتسينالىق ماسكالاردى پايدالاندى, ياعني قاتىسۋشىلار سانيتارلىق-ەپيدەميولوگيالىق نورمالارعا سايكەس دەزينفەكتسيادان ءوتتى.
تەست تاپسىرۋشىلاردى اۋديتوريالارعا كىرگىزۋ جانە وتىرعىزۋ كەزىندە كەمىندە 2 مەتر اراقاشىقتىق ساقتالىپ جاتىر. ءار اۋديتوريا جەلدەتىلىپ, باكتەريتسيدتىك جابدىقتارمەن وڭدەلگەن. سانيتارلىق تالاپتاردىڭ بارلىعى قاتاڭ باقىلاۋعا الىنعان.
قاڭتار ايىنداعى ۇبت سەرتيفيكاتتارى جوعارى وقۋ ورنىنا اقىلى نەگىزدە ءتۇسۋ ءۇشىن جارامدى. تالاپكەرلەر ءبىر جىلدا تەستىلەۋدى 4 رەت تاپسىرا الادى. ۇلتتىق بىرىڭعاي تەستىلەۋ ەلىمىز بويىنشا كەشە, 20 قاڭتار كۇنى باستالدى جانە 5 اقپانعا دەيىن جالعاسادى.
