«قازمۇنايگاز» ۇك» اق قارجىلىق تۇراقتىلىعىن ساقتاپ قالدى, وپەراتسيالىق جانە كۇردەلى شىعىستاردى ەداۋىر قىسقارتىپ, بورىشتىق جۇكتەمەنى 472 ملن اقش دوللارىنا تومەندەتتى, سونداي-اق ەۋرووبليگاتسيالاردى 907 ملن اقش دوللارىنا قايتا قارجىلاندىرۋدى جۇرگىزدى.
ەكونوميكالىق داعدارىسقا قاراماستان, كومپانيا قىزمەتى بەلسەندى تۇردە جالعاستى. ماسەلەن, جەلتوقسان ايىندا شىعىس ورىكتاۋ كەن ورنىندا ەكى ۇڭعىما تاجىريبەلىك پايدالانۋعا بەرىلدى. ماڭعىستاۋ وبلىسىنداعى شىعىس بەكتۇرلى بارلاۋ بلوگىندا جانە اتىراۋ وبلىسىنداعى س.نۇرجانوۆ كەن ورنىندا بۇرقاقتى مۇناي اعىنى الىندى. اتىراۋ وبلىسىندا 2020 جىلى 53% -دان 80% -عا دەيىن وسكەن گاز-حيميا كەشەنىنىڭ قۇرىلىسىندا ايتارلىقتاي جەتىستىكتەرگە قول جەتكىزىلدى.
اعىمداعى جىلى كومپانيا ءوزىنىڭ كۇش-جىگەرىن گەولوگيالىق بارلاۋعا ينۆەستيتسيالار تارتۋعا, ءىرى جوبالاردى ىسكە اسىرۋعا جانە تۇراقتى دامۋ ماقساتتارىنا قول جەتكىزۋگە شوعىرلاندىرۋعا نيەتتى.
