ايماقتار • 20 قاڭتار، 2021

شىمكەنتتە توپ-10 ينۆەستيتسيالىق جوبالار ىسكە اسادى

81 رەت كورسەتىلدى

شىمكەنت قالاسىندا 2021-2025 جىلداردا ىسكە اسىرىلاتىن توپ-10 ينۆەستيتسيالىق جوبالار قالىپتاستىرىلدى، دەپ حابارلايدى Egemen.kz.

اتاپ ايتقاندا:

ءبىرىنشى - «شىمكەنت سيتي» اۋماعىنان وڭتۇستىك كورەيالىق ينۆەستورلاردىڭ قاتىسۋىمەن «Highvill Kazakhstan» كومپانياسىنىڭ كوپقاباتتى تۇرعىن ۇيلەر كەشەنى. اتالعان جوبانى جۇزەگە اسىرۋ ءۇشىن 49 گەكتار جەر تەلىمى ءبولىندى. ينۆەستيتسيا كولەمى 387 ملرد تەڭگەنى قۇرايدى. بۇگىندە ۇلەستىك قاتىسۋ جانە جەر تەلىمدەرىن ساتىپ الۋدى جالعا الۋ قۇقىعى بويىنشا جۇمىستار جۇرگىزىلۋدە.

ەكىنشى - «ۋنيۆەرسيتەتسكايا كلينيكا» جشس-نىڭ 1000 ورىندىق ۋنيۆەرسيتەت كلينيكاسى مەن اۋىسىمىنا 700 ادام قابىلدايتىن ەمحانا قۇرىلىسى. جوبا 2023 جىلى ىسكە اسىرىلىپ، قالاعا 120،3 ملرد. تەڭگەگە ينۆەستيتسيا تارتىلادى. جوبانىڭ قۇجاتتارى مەملەكەتتىك ساراپتاماعا جولدانىپ، ەسكەرتۋلەر (جول جانە كارىز جۇيەلەرى) بويىنشا ءتيىستى جۇمىستار اتقارىلۋدا. 150 گا جەر تەلىمىنە مەملەكەتتىك اكت الىندى.

ءۇشىنشى -  «شىمكەنتسكايا حيميچەسكايا كومپانيا» جشس-نىڭ مەتيل-ترەت-بۋتيل ەفيرى مەن ۇنتاق پروپيلەن ءوندىرۋ زاۋىتى قۇرىلىسىنىڭ ءبىرىنشى جوباسى 2021 جىلى 2-توقسانىندا ىسكە اسىرىلىپ، جاڭا 150 جۇمىس ورىندارىمەن، قالاعا 11 ملرد تەڭگەگە ينۆەستيتسيا تارتىلاتىن بولادى. اتالعان جوبانىڭ ءبىرىنشى كەزەڭى جۇزەگە اسىرىلۋدا، سونداي-اق، ىسكە قوسۋ-باپتاۋ جانە جابدىقتى ورنالاستىرۋ جۇمىستارى جۇرگىزىلۋدە.

ءتورتىنشى - «KazAlPack» جشس-نىڭ اليۋميني ىدىس ءوندىرىسى. جوبا بويىنشا قالاعا 19،7 ملرد تەڭگە ينۆەستيتسيا تارتىپ، 157 جاڭا جۇمىس ورنىمەن قامتىلۋى جوسپارلانۋدا. 2021 جىلدىڭ 4-توقسانىندا ىسكە اسادى دەپ جوسپارلانىپ وتىر. بۇگىندە جوبانىڭ قۇرىلىس-مونتاج جۇمىستارى 50% اياقتالدى. جوباعا قاجەتتى جابدىقتاردىڭ نەگىزگىلەرى جەتكىزىلدى.

بەسىنشى - قىتايلىق ينۆەستورلاردىڭ قاتىسۋىمەن قۇنى 18،2 ملرد تەڭگەگە تەڭ، جاڭا 250 جۇمىس ورىندارىمەن قامتيتىن مەتاللۋرگيالىق زاۋىتى. 2020 جىلدىڭ قىركۇيەك ايىندا زاۋىت سىناق رەجيمىندە ىسكە قوسىلدى. زاۋىتتىڭ تولىق ىسكە قوسىلۋى 2021 جىلدىڭ 1-توقسانىنا جوسپارلانعان.

التىنشى - «SCAT «اك» اق-نىڭ حالىقارالىق اۋەجايدىڭ جاڭا جولاۋشىلار تەرمينال قۇرىلىسىنىڭ جوباسى 2021 جىلدىڭ 4-توقسانىندا ىسكە اسىرىلىپ، قالاعا 16،7 ملرد. تەڭگەگە ينۆەستيتسيا تارتىلادى. قالا تۇرعىندارى 100 جاڭا جۇمىس ورىندارىمەن قامتىلاتىن بولادى. قازىرگى ۋاقىتتا قۇرىلىس-مونتاجداۋ جۇمىستارىنىڭ 40%-ى عانا اياقتالدى. قازاقستان رەسپۋبليكاسى سىرتقى ىستەر مينيسترلىگى ينۆەستيتسيا كوميتەتىمەن ينۆەستيتسيالىق كەلىسىم جاساسۋ ءۇشىن بيزنەس-جوسپار ازىرلەنۋدە.

جەتىنشى - «Asia trafo» جشس-نىڭ قۋاتتىلىعى 220، 500 كۆ قۇرايتىن ترانسفورماتور زاۋىتى. جوبا 2022 جىلى ىسكە اسىرىلىپ، جاڭا 250 جۇمىس ورىندارىمەن، قالا ەكونوميكاسىنا 18،0 ملرد تەڭگەگە ينۆەستيتسيا تارتىلادى. جوبانى ىسكە اسىرۋ ءۇشىن «Alageum Electric» كومپانياسىمەن بىرگە ماركەتينگتىك تالداۋ جۇمىستارى جۇرگىزىلۋدە.

سەگىزىنشى - «Standart Steel» جشس-نىڭ ءتۇستى مەتالل كونتسەنتراتىن الۋ ءۇشىن قالدىقتاردى قايتا وڭدەۋ زاۋىتى. جوبا اعىمداعى جىلى ىسكە اسىرىلىپ، 8،5 ملرد تەڭگەگە ينۆەستيتسيا تارتىلادى. ناتيجەسىندە 400 جاڭا جۇمىس ورنى قۇرىلادى. قازىرگى ۋاقىتتا جوبالىق-سمەتالىق قۇجاتتاماسى مەملەكەتتىك ساراپتاما قاراۋىندا. جوبانىڭ ىسكە اسۋ مەرزىمى 2021 جىلدىڭ 3-توقسانى.

توعىزىنشى - «ONGUD GROUP CO.LTD» جشس-نىڭ تەرىدەن اياق كيىم جانە باسقا دا بۇيىمدار ءوندىرىسىنىڭ جوباسى             2023 جىلى ىسكە اسىرىلادى دەپ كوزدەلۋدە. جوبانىڭ جالپى قۇنى 3،8 ملرد تەڭگە، جاڭا جۇمىس ورىندارىنىڭ سانى – 200. قازىرگى تاڭعا، جوباعا قاجەت 6 گا جەر تەلىمى ءبولىنىپ، قورشاۋ جۇمىستارى جۇرگىزىلۋدە. زاۋىتتىڭ قۇرىلىسى جۇمىستارىنىڭ باستالۋى اعىمداعى جىلدىڭ 2-توقسانىنا جوسپارلانۋدا.

ونىنشى - وزبەك ينۆەستورىمەن بىرلەسكەن «Dentafill Kazakhstan» جشس-ءنىڭ ءدارى-دارمەك جانە گيگيەنالىق قۇرالداردىڭ  ءوندىرىسى.  جوبانىڭ جالپى قۇنى 2،5 ملرد تەڭگەنى قۇرايدى. 2021 جىلدىڭ 3-توقسانىندا جۇزەگە اسىرىلىپ، جاڭا 90 جۇمىس ورىندارىمەن قامتىلادى.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار