التاي كولگىنوۆ اكسەلەراتورلىق دامۋ جۇمىس توبىنىڭ قاتىسۋشىلارىمەن كەزدەستى

ەلوردا • 20 قاڭتار، 2021

التاي كولگىنوۆ اكسەلەراتورلىق دامۋ جۇمىس توبىنىڭ قاتىسۋشىلارىمەن كەزدەستى

10 رەت كورسەتىلدى

«حالىق ۇنىنە قۇلاق اساتىن مەملەكەت» تۇجىرىمداماسىن جۇزەگە اسىرۋ اياسىندا 2019 جىلدىڭ قىركۇيەك ايىنان بەرى ەلوردادا بىرەگەي جوبا، ياعني قالا تۇرعىندارىنىڭ ماسەلەسىن تەز ارادا شەشۋگە مۇمكىندىك بەرەتىن قالالىق اكسەلەراتور ىسكە قوسىلدى، دەپ حابارلايدى Egemen.kz.

Marzhan Tileubekova

جوبا بەلسەندى ازاماتتار مەن جەكە كومپانيالارعا، قوعامدىق بىرلەستىكتەرگە جانە قالا اكىمدىگىنىڭ سالالىق قۇرىلىمدارىنا بىرىگىپ جۇمىس ىستەۋگە مۇمكىندىك بەرەدى. جۇمىس ءۇش باعىت بويىنشا جۇرگىزىلەدى: تكش (ميب) سالاسى، قالانىڭ سانيتارلىق تازالىعى (كوگالداندىرۋ) جانە قوعامدىق كولىك.

كوروناۆيرۋس پاندەمياسىنا قاراماستان قالالىق اكسەلەراتورلىق دامۋ بويىنشا ەلوردا اكىمدىگى جۇمىستى توقتاتقان ەمەس. بۇگىن ەلوردا اكىمى التاي كولگىنوۆ ونلاين رەجيمىندە اكسەلەراتورلىق دامۋ جۇمىس توبىنىڭ قاتىسۋشىلارىمەن كەزدەسۋ وتكىزىپ، ماڭىزدى ماسەلەلەردى تالقىلادى.

ءبىرىنشى. ميب-ءتى (مەنشىك يەلەرى بىرلەستىگى) ەنگىزۋ بويىنشا جۇمىس جالعاسىپ كەلەدى. ەلوردادا 198 ميب قۇرىلعان. بۇگىن قالا تۇرعىندارى قاجەتتى اقپاراتتى الا الاتىن ورتاق الاڭ قۇرۋ ماسەلەسى كوتەرىلدى. سونىمەن قاتار ولارعا تكش سالاسىندا زاڭدىق، كەڭەس تۇرعىدا جانە تەحنيكالىق قولداۋ كورسەتىلەدى. بۇل رەتتە ءتۇسىندىرۋ جۇمىستارىن جۇرگىزۋ ماڭىزدى.

ەكىنشى. ل.ن.گۋميلەۆ اتىنداعى ەۇۋ بازاسىنداعى كوپقاباتتى تۇرعىن ۇيلەردى باسقارۋ جانە كۇتىپ ۇستاۋ بويىنشا «قالالىق مودەراتور» باعدارلاماسى ارقىلى تكش سالاسىنداعى قىزمەتكەرلەردىڭ بىلىكتىلىگىن ارتتىرامىز. سونىمەن قاتار ميب جۇمىسى بويىنشا تاجىريبەسىمەن بولىسە الاتىن مامانداردى تارتۋ جونىندە IQamal قاۋىمداستىعىنان دا ۇسىنىس كەلىپ ءتۇستى.

ءۇشىنشى. سونداي-اق قوعامدىق كولىكتەر ينتەرۆالى مەن ۋاقىتىن قىسقارتۋ دا قالالىق اكسەلەراتورىن دامىتۋ جۇمىسىنىڭ وڭدى ناتيجەسى بولىپ سانالادى. سونىمەن، تۇرعىندارعا جۇرگىزىلگەن ساۋالناماعا سايكەس، 5 اۆتوبۋستىڭ قوزعالىس سىزباسى تۇزەتىلىپ، كولىكتى كۇتۋ ۋاقىتى 5-12 مينۋتقا قىسقاردى. سونىمەن قاتار كەلىپ تۇسكەن وتىنىشتەرگە سايكەس، س.سەيفۋللين جانە ش.ءۋاليحانوۆ كوشەلەرىنىڭ قيىلىسىنداعى سولعا قاراي بۇرىلىستا قوعامدىق كولىكتەردىڭ جۇرگىزۋشىلەرىنەن باسقا اۆتوكولىك تىزگىنشىلەرىنە تىيىم سالىندى. بۇل كولىك ءنوپىرى كەزىندە اۆتوبۋس كۇتۋ ۋاقىتىن قىسقارتىپ، اتالعان ۋچاسكەنى جەڭىلدەتۋگە مۇمكىندىك بەرەدى.

ءتورتىنشى. وتكەن جىلدىڭ كۇزىندە «باسپانا ورتالىعى» اشىلدى (رەسپۋبليكا داڭعىلى، 32)، وندا تۇرعىندار ء«بىر تەرەزە» قاعيداسى بويىنشا تۇرعىن ءۇي سالاسى جونىندە مەملەكەتتىك قىزمەت الا الادى. ورتالىق اشىلعاننان كەيىنگى 3 اي ىشىندە ورتالىققا 15 مىڭ تۇرعىن جۇگىندى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز