ايماقتار • 20 قاڭتار، 2021

تۇركىستان وبلىسىنىڭ پوليتسەيلەرى جوعالىپ كەتكەن ايەلدى امان-ەسەن تاپتى

27 رەت كورسەتىلدى

تۇركىستان وبلىسىنىڭ پوليتسەيلەرى جوعالىپ كەتكەن ايەلدى امان-ەسەن تاپتى، دەپ حابارلايدى Egemen.kz Polisia.kz سايتىنا سىلتەمە جاساپ.

تولە بي اپب-ءنىڭ كەزەكشى بولىمىنە جەرگىلىكتى تۇرعىن ارىزدانادى. ەر ادامنىڭ ايتۋىنشا، ونىڭ جۇبايى تاڭعى ساعات 07:15 شاماسىندا ۇيىنەن اۋرۋحاناعا كەتتىم دەپ شىعىپ، قايتا ورالماعان. وسىلايشا ايەلىمەن ەش بايلانىسا الماي، حابار-وشارسىز قالعان ەر ادام وزدىگىنەن ىزدەي باستايدى. اتا-اناسى مەن جاقىن تۋىستارىنىڭ ۇيىنە بارماعانىن بىلگەننەن كەيىن پوليتسەيلەرگە ارىزدانىپ، كومەك سۇرايدى.

ءتارتىپ ساقشىلارى اقپارات الىسىمەن جوعالعان ايەلدى ىزدەستىرۋگە كىرىسەدى. كورگەن-بىلگەندەردەن، تانىستارىنان جاۋاپ الىپ، ونىڭ بارۋى مۇمكىن جەرلەر مۇقيات تەكسەرىلەدى. جان-جاقتى قاجەتتى شارالار ىسكە اسىرىلادى.

جەدەل-ىزدەستىرۋ جۇمىستارىنىڭ ناتيجەسىندە، پوليتسەيلەر بەس ساعات ىشىندە جاس ايەلدى سايرام اۋدانىنان ەشقانداي تۋىستىق نە تانىستىق قاتىناسى جوق بەلگىسىز ازاماتشانىڭ ۇيىندە جۇرگەن جەرىنەن تابادى.

پوليتسەيلەر ونى تۋعان اناسىنا امان-ەسەن تاپسىردى. تەكسەرۋ بارىسىندا انىقتالعانداي، 2018 جىلى وتاۋ قۇرعان جاس جۇبايلار اراسىندا وتباسىلىق كيكىلجىڭ ورىن الىپ، سودان كۇيەۋىنە رەنجىگەن ايەل ۇيىنەن كەتىپ قالعان. قازىرگى تاڭدا ەرلى-زايىپتىلارعا تۇسىندىرمە جۇمىستارى جۇرگىزىلىپ، ايەل امان-ەسەن ۇيىنە قايتارىلدى.

ءوز كەزەگىندە اناسى، قىزىن تاۋىپ بەرگەن پوليتسەيلەرگە العىسىن ءبىلدىرىپ، جۇمىستارىنا تابىس تىلەدى. 

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار