ايماقتار • 20 قاڭتار، 2021

گۇلشارا ابدىقالىقوۆا سوتسياليستىك ەڭبەك ەرىن قۇتتىقتادى

19 رەت كورسەتىلدى

بۇگىن وبلىس اكىمى گۇلشارا ابدىقالىقوۆا ەڭبەك ارداگەرى، سوتسياليستىك ەڭبەك ەرى اراپبەك ابيەۆپەن كەزدەسىپ، 80 جاس مەرەيتويىمەن قۇتتىقتادى.

- سىر ولكەسىندە ەلىمىز ءۇشىن ايانباي ەڭبەك ەتىپ، ءوزىنىڭ ادالدىعىمەن، پاراساتتىلىعىمەن ەرەكشەلەنگەن ازاماتتارىمىز بارشىلىق. سولاردىڭ ءبىرى اراپبەك ابيەۆ اعامىز بيىل مەرەيلى 80 جاسقا تولىپ وتىر. ءسىزدى سىر ءوڭىرى جۇرتشىلىعىنىڭ اتىنان مەرەيتويىڭىزبەن شىن جۇرەكتەن قۇتتىقتايمىز!، - دەدى وبلىس اكىمى.

اراپبەك ابيەۆ 1941 جىلعى 9 قاڭتاردا قىزىلوردا وبلىسى، جاڭاقورعان اۋدانىندا دۇنيەگە كەلگەن. جاڭاقورعانداعى №17 كاسىپتىك-تەحنيكالىق ۋچيليششەنى ءبىتىرىپ، دالا اكادەميگى اتانعان كۇرىششى ىبىراي جاقاەۆتىڭ مەكتەبىنەن وتكەن.

1968-1977 جىلدارى كۇرىش زۆەنوسىنىڭ جەتەكشىسى بولىپ، 1978-1994 جىلدارى بريگادا باسقاردى، 1994-1997 جىلدارى كەڭشار ديرەكتورىنىڭ شارۋاشىلىق جونىندەگى ورىنباسارى بولدى. العاشقى جىلدان باستاپ كۇرىشتەن مول ءونىم جيناپ، وزات ديقان اتاندى.

اۋىلشارۋاشىلىعى سالاسىنىڭ دامۋىنا قوسقان ۇلەسى ءۇشىن سوتسياليستىك ەڭبەك ەرى اتاعىن الدى.   بۇكىلوداقتىق اۋىل شارۋاشىلىق جەتىستىكتەرى كورمەسىنىڭ كۇمىس جانە التىن مەدالدارىمەن ماراپاتتالدى.

شارادا ايماق باسشىسى مەرەيتوي يەسىنە سىر ەلىنىڭ الەۋمەتتىك-ەكونوميكالىق دامۋىنا سىڭىرگەن ەڭبەگى ءۇشىن وبلىستىڭ ەڭ جوعارى ناگراداسى – قىزىلوردا وبلىسىنىڭ قۇرمەت گراموتاسىن تابىستاپ، حالقىمىزدىڭ ءداستۇرى بويىنشا يىعىنا شاپان جاپتى.

شارا سوڭىندا مەرەيتوي يەسى اراپبەك ابيەۆ كورسەتىلگەن قۇرمەتكە ريزاشىلىعىن ءبىلدىردى.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار