قوعام • 20 قاڭتار، 2021

قازاقستاندىقتاردىڭ زەينەتاقى جيناقتارى 2،1 ترلن تەڭگەگە ارتتى

23 رەت كورسەتىلدى

2021 جىلدىڭ 1 قاڭتارىندا بىرىڭعاي جيناقتاۋشى زەينەتاقى قورى سالىمشىلارىنىڭ شوتتارىندا 12،9 تريلليون تەڭگە زەينەتاقى جيناقتارى قالىپتاستىرىلدى. جىل بويىنعى سوما 2،1 ترلن تەڭگەگە نەمەسە 20% كوبەيدى، دەپ حابارلايدى Egemen.kz بجزق رەسمي سايتىنا سىلتەمە جاساپ.

زەينەتاقى جيناقتارىنىڭ نەگىزگى سوماسى مىندەتتى زەينەتاقى جارنالارى (مزج) ەسەبىنەن جيناقتالىپ، ونىڭ مولشەرى 12،6 ترلن تەڭگە (2020 جىلدىڭ باسىنان بەرگى ءوسىم – 19%) بولدى. مىندەتتى كاسىپتىك زەينەتاقى جارنالارى (مكزج) بويىنشا زەينەتاقى جيناقتارىنىڭ سوماسى 315،3 ملرد تەڭگەگە ء(وسىم 28%)، ال ەرىكتى زەينەتاقى جارنالارى (ەزج) بويىنشا زەينەتاقى جيناقتارىنىڭ سوماسى 2،2 ملرد تەڭگەگە ء(وسىم 12%) جەتتى.

2020 جىلدىڭ 1 قاڭتارىنان باستاپ 2021 جىلدىڭ 1 قاڭتارىنا دەيىنگى كەزەڭ ىشىندە بجزق سالىمشىلارىنىڭ شوتتارىنا 1،2 ترلن تەڭگە تازا ينۆەستيتسيالىق تابىس ەسەپتەلدى. بۇل 2019 جىلدىڭ سايكەس كەزەڭىمەن سالىستىرعاندا 578،1 ملرد تەڭگەگە ء(وسىم 90%) ارتىق. ينۆەستيتسيالىق تابىستىڭ بۇل جولى دا زەينەتاقى جارنالارىنىڭ سوماسىنان اسىپ تۇسكەنىن اتاپ وتكەن ءجون.

2020 جىلدىڭ باسىنان بەرى سالىمشىلاردىڭ شوتتارىنا جالپى كولەمى 1،1 ترلن تەڭگە زەينەتاقى جارنالارى اۋدارىلدى، ول 2019 جىلعى كورسەتكىشتەن 94،8 ملرد تەڭگەگە نەمەسە 10% اسىپ ءتۇستى. جارنالاردىڭ جالپى كولەمىنىڭ 95،6 پايىزىن بجزق-عا مزج بويىنشا اۋدارىلعان 1،04 ترلن تەڭگە مولشەرىندەگى تۇسىمدەر ء(وسىم 10%) قۇرايدى. 46،9 ملرد تەڭگەنىڭ اۋدارىمى مكزج بويىنشا ء(وسىم 8%) جاسالسا، 539 ميلليون تەڭگە ەزج بويىنشا ء(وسىم 51%) اۋدارىلعان.     

بجزق-داعى جەكە زەينەتاقى شوتتارىنىڭ سانى 2021 جىلدىڭ 1 قاڭتارىندا 11،6 ميلليون بىرلىكتى (جىل باسىنان بەرگى ءوسىم 10% ) قۇرادى. شوتتاردىڭ باسىم بولىگى مىندەتتى زەينەتاقى جارنالارى (مزج) بويىنشا اشىلعان، ولاردىڭ سانى – 10 981 218 ء(وسىم – 11%). ودان كەيىن مىندەتتى كاسىپتىك زەينەتاقى جارنالارى (مكزج) ەسەبىنەن قالىپتاستىرىلعان شوتتار – 528 283 ء(وسىم – 4%). بجزق-داعى ەرىكتى زەينەتاقى جارنالارى (ەزج) بويىنشا اشىلعان شوتتاردىڭ سانى قازىر 57 645 بىرلىك ء(وسىم – 6%).     

تولەمدەر 193،4 ملرد تەڭگەنى قۇرادى. ونىڭ باسىم بولىگى، اتاپ ايتقاندا 35% جاسى بويىنشا تولەمدەر (67،7 ملرد تەڭگە)، ساقتاندىرۋ ۇيىمدارىنا اۋدارىمدار (46،3 ملرد تەڭگە)، قازاقستان رەسپۋبليكاسىنان تىس تتج كەتۋ (36،8 ملرد تەڭگە)، مۇراگەرلەرگە (36،5 ملرد تەڭگە)، جەرلەۋگە (4،4 ملرد تەڭگە) ، مۇگەدەكتىك بويىنشا (1،7 ملرد تەڭگە) بەرىلگەن تولەمدەر.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار