ەكولوگيا • 20 قاڭتار، 2021

ەلوردادا 10 مىڭ دانا ەكودوربا تاراتىلادى

18 رەت كورسەتىلدى

نۇر-سۇلتان قالاسى جاستار ساياساتى ماسەلەلەرى باسقارماسى مەن «استانا جاستارى» كمم-نىڭ ۇيىمداستىرۋىمەن ەلوردادا ء«بىز – تازا قالا ءۇشىن!» ەكولوگيالىق اكتسيا باستالدى. اكتسيا اياسىندا ءبىر اپتا ىشىندە ەرىكتىلەر «انۆار» گيپەرماركەتىنىڭ كەلۋشىلەرىنە «Eco Friend» جشس وندىرگەن 10 مىڭعا جۋىق ەكودوربا تاراتادى. بۇل تۋرالى Egemen.kz ەلوردا ينفوعا سىلتەمە جاساپ حابارلايدى.

«Eco Friend» جشس شىعارعان ەكودوربا 7 كەلىگە دەيىنگى زاتتى كوتەرۋگە قاۋقارلى. سونىمەن قاتار ونى ءبىر رەت ەمەس، بىرنەشە مارتە پايدالانۋعا بولادى. نەگىزگى باعاسى – 70 تەڭگە.

ء«بىز پلانەتانىڭ تازا بولعانىن قالايمىز. ەكولوگيانىڭ تازالىعىنا قولداۋ كورسەتە وتىرىپ، ءبىز جاڭا دەڭگەيگە ءوتۋىمىز كەرەك. ەكودوربالاردى، سومكەلەردى قولدانا وتىرىپ، ءبىز ەكولوگياعا، قورشاعان ورتاعا، تابيعاتقا پايدامىزدى تيگىزە الامىز. «انۆار» ساۋدا جەلىسى ءوتىنىشىمىزدى قابىل الىپ، وسى اكتسياعا قاتىسىپ جاتىر. جالپى، تۇرعىندار وسى دوربانى پايدالانۋ ارقىلى اتموسفەراعا زيان تيگىزەتىن پوليەتيلەندىك دوربالاردان ارىلا الادى. ەكودوربانىڭ تاعى ءبىر تيىمدىلىگى ونى قايتا وڭدەۋگە بولادى»، دەدى «Eco Friend» جشس نەگىزىن قالاۋشى الما تولەباەۆا.

ونىڭ ايتۋىنشا، اتالعان كومپانيا اي سايىن 700 مىڭ ەكودوربا شىعارادى. زاۋىت ەلوردادا ورنالاسقان. زاماناۋي قۇرال-جابدىقپەن قامتاماسىز ەتىلگەن. نارىقتا جۇمىس ىستەپ كەلە جاتقانىنا ەكى جىل بولعان.

ۇيىمداستىرۋشىلار بۇل ەكولوگيالىق اكتسيانىڭ جىل بويى جالعاساتىنىن اتاپ ءوتتى.

نۇر-سۇلتان قالاسى اكىمدىگىنىڭ «استانا جاستارى» كمم باسشىسىنىڭ ورىنباسارى ايان ەرمەنتاەۆتىڭ ايتۋىنشا، بۇل ناۋقان الدا SMALL سياقتى باسقا دا نۇر-سۇلتان قالاسىنداعى بىرقاتار سۋپەرماركەتتەر مەن گيپەرماركەتتەردە وتكىزىلەدى.

سوڭعى جاڭالىقتار

يتاليادا توعىز جۇلدە الدىق

سپورت • بۇگىن، 10:10

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار