ايماقتار • 20 قاڭتار، 2021

اسقار مامين جۇمىس ساپارىمەن سولتۇستىك قازاقستان وبلىسىنا باردى

10 رەت كورسەتىلدى

قر پرەمەر-ءمينيسترى اسقار مامين سولتۇستىك قازاقستان وبلىسىنا جۇمىس ساپارى اياسىندا ينۆەستيتسيالىق جوبالاردىڭ ىسكە اسىرىلۋىن تەكسەرىپ، ءوڭىردىڭ ودان ءارى الەۋمەتتىك-ەكونوميكالىق دامۋى جونىندە كەڭەس وتكىزدى.

پەتروپاۆل قالاسىندا ۇكىمەت باسشىسى «Qyzyljar» اەا اۋماعىندا ەلەكتر تەحنيكالىق ءونىمىن وندىرەتىن جاڭا زاۋىتتىڭ قۇرىلىس بارىسىمەن تانىستى. جوبا قۇنى – 10 ملرد تگ. كاسىپورىننىڭ قۋاتتىلىعى 300 جاڭا جۇمىس ورنىن قۇرۋمەن جىلىنا 13 مىڭ ترانسفورماتوردى قۇرايدى.

ا. مامين «پەتروپاۆل اۋىر ماشينا جاساۋ زاۋىتىنا» باردى، ونىڭ اۋماعىندا تەز بۇزىلاتىن ازىق-ت ۇلىك ونىمدەرىن تاسىمالداۋعا ارنالعان تەرموس ۆاگونداردى قۇراستىراتىن جاڭا ءوندىرىس ورنى اشىلعان. جوبالىق قۋاتتىلىعى – 200 ادامدى جۇمىسپەن قامتي وتىرىپ، جىلىنا 1200 ۆاگون. 

پرەمەر-مينيستر «سولتۇستىك فانەرا كومبيناتى» جشس لاميناتتالعان فانەرا وندىرەتىن زاۋىتتىڭ جۇمىسىمەن تانىستى. كاسىپورىن 150 ادامدى جۇمىسپەن قامتىپ وتىر. جوبالىق قۋاتتىلىعى – جىلىنا 27 مىڭ م³ ءونىم. سونداي-اق ۇكىمەت باسشىسى پەتروپاۆل قالاسىنىڭ «شىعىس» شاعىن اۋدانىندا JCI حالىقارالىق ستاندارتتارى بويىنشا 510 توسەك ورنىنا ارنالعان كوپبەيىندى وبلىستىق اۋرۋحانا قۇرىلىسىنىڭ بارىسىن تەكسەردى. جوبانى 2022 جىلدىڭ سوڭىنا قاراي مەملەكەتتىك-جەكەمەنشىك ارىپتەستىك اياسىندا «YDA Holding» تۇرىك ينۆەستورى جۇزەگە اسىرادى. قىزىلجار اۋدانىنىڭ چاپاەۆو اۋىلىندا پرەمەر-مينيستر «قىزىلجار ءسۇت» جشس-ءنىڭ جاڭا تسيفرلاندىرىلعان ءسۇت-تاۋار فەرماسىندا بولدى. فەرمانىڭ قۋاتتىلىعى – جىلىنا 3،6 مىڭ توننا ءسۇت.

جۇمىس ساپارىنىڭ قورىتىندىسى بويىنشا پرەمەر-مينيستر سولتۇستىك قازاقستان وبلىسىنىڭ الەۋمەتتىك-ەكونوميكالىق دامۋى جانە الداعى كەزەڭگە ارنالعان پەرسپەكتيۆالارى جونىندە كەڭەس وتكىزدى. ءوڭىر اكىمى قۇمار اقساقالوۆ، اۋىل شارۋاشىلىعى ءمينيسترى ساپارحان وماروۆ، يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ، دەنساۋلىق ساقتاۋ ءمينيسترى الەكسەي تسوي، ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ، ءبىلىم جانە عىلىم ءمينيسترى اسحات ايماعامبەتوۆ، ۇلتتىق ەكونوميكا ۆيتسە-ءمينيسترى ەرمەك الپىسوۆ جانە قارجى ءبىرىنشى ۆيتسە-ءمينيسترى بەرىك شولپانقۇلوۆ بايانداما جاسادى.

«سولتۇستىك قازاقستان وبلىسى اگروونەركاسىپتىك كەشەندە، وڭدەۋ ونەركاسىبىندە جانە باسقا دا سالالاردا ۇلكەن الەۋەتكە يە. ءوڭىردىڭ ودان ءارى الەۋمەتتىك-ەكونوميكالىق دامۋىنا، ونىڭ باسەكەگە قابىلەتتىلىگىن ارتتىرۋعا، حالىقتىڭ تۇرمىس ساپاسى مەن ءال-اۋقاتىنىڭ جوعارى بولۋىن قامتاماسىز ەتۋگە ەلەۋلى سەرپىن بەرۋ قاجەت»، — دەدى ا. مامين.

2020 جىلدىڭ قورىتىندىسى بويىنشا سولتۇستىك قازاقستان وبلىسىنىڭ اۋىل شارۋاشىلىعىنداعى جالپى ءونىم كولەمى 779 ملرد تەڭگەنى قۇرادى، بۇل وتكەن جىلعىدان 27%-عا جوعارى، ونەركاسىپتىك ءونىم ءوندىرۋ كولەمى – 306 ملرد تەڭگە (+4،8%). نەگىزگى كاپيتالعا سالىنعان ينۆەستيتسيالار كولەمى 20،5%-عا – 281 ملرد تەڭگەگە دەيىن ۇلعايدى.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار