تەرگەۋ بارىسىندا الماتى قالاسىنىڭ تۇرعىنى زاڭسىز ويىن بيزنەسىن اشىپ, ونىڭ قىزمەتىن ۇيىمداستىرۋ ارقىلى 31,1 ملن تەڭگە كولەمىندە زاڭسىز تابىس تاپقاندىعى دالەلدەندى.
قر «ويىن بيزنەسى تۋرالى» زاڭىنىڭ 6-بابى 2-بولىگىنە سايكەس, قازاقستان تەرريتورياسىندا ەلەكتروندى جانە ينتەرنەت ويىنحانا قىزمەتىنە رۇقسات ەتىلمەيدى. الايدا الماتىلىق ازامات 4 ويىن تەرمينالىن جانە 52 كومپيۋتەرلىك تەحنيكانى ورناتۋ ارقىلى, قۇمار ويىندارىن, ياعني ەلەكتروندى ويىنحانا قىزمەتىن ۇيىمداستىرىپ كەلگەن-ءدى.
سوت ۇكىمىمەن ويىنحانانى ۇيىمداستىرۋشى قىلمىستىق كودەكستىڭ 307-بابى 3-بولىگى 2-تارماعى بويىنشا كىنالى دەپ تانىلىپ, 4 جىلعا باس بوستاندىعىنان ايىرىلدى.
